DEUTERONOMY 7:12 - Bawm Common Language Bible Version

¹² “Hi thupêk hi nan ngâi hen zumhkai tak hen nan zûl chun LALPA nan Pathian nih nan sinah thu a tiamh mi chu a theihkumza lai le, a nan thlâk natu sinah thu a tiamh mi hâwi hen a dâwtnâk dawnglo a nan muhtir kumza na lai.

DEUTERONOMY 7:12 ပူးပေါင်းရင်းမြစ်များ

1 Lal 8:23

“Israel LALPA leh Pathian, tlûnlei mi vân ah leh tanglei mi tual ah nang hâwi hi pathian dang âukhawm an um lo! An thinlung zawzawng hen na lakah ê-aw ngâi tak hen an um liauah chun thu na tiamh na mi hâwi hen an lakah na dâwtnâk na langh tâwn.

NEHEMIAH 1:5

“LALPA, vân ah mi Pathian! Nang chu na rokual le, kannih chu nangmah ṭih hen kan um ko. Nangmah dâwttu leh na thupêk hâwi hen thil titu sinah chun na Thudântuk lakah rinhsanh tlâk na si.

NEHEMIAH 9:32

“Pathian, kan Pathian, nang chu na rokual châwk a! ṭihnung khawm na kai! Thil khawm na ti kho ngâk! Na thutiam lakah zumhkâi tak hen na um. Asiria lal tla nih hawng kan nehsawhnâk hen tutiang thungâi kan tuar! Kan lal tla, hawng kan ruitu tla, kan bâwlpu leh khuavâng tla, hawng kan thlâktu leh mi zawzawng nih kan tuar! Kan tuar fâk dân tla hi theihkumza rawh!

SAM 103:18

Amah thupêk lakah dik tak a umtu tla leh a dân thu lakah zumhkâi hen umtu tla sin khawm ah.

SAM 149:9

phun le tla rêp ding hen Pathian an sawr liau chun âu na seh. Hi hi Pathian mi tla nehnâk chu asi. LALPA chu sawr u!

EXODUS 15:26

“Thudik ka ruat mi leh ka thupêk nan zûl hep chun Aigupta tlûnah râi ka tlungtir mi hen kan rêp na lai loh,” a ti. “Kei, LALPA, a nan damh natu kasi,” a ti.

JEREMIA 11:5

Churawhchun, an thlâktu tla sinah tuah an umnâk ram neihnâk leh ram ṭha ka pêk na mi lakah ka thutiam chu ka theihkumza lai,” a ti. Chun, kei nih, “Asi, LALPA,” ka ti.

DANIAL 9:4

LALPA, ka Pathian sinah thla ka cham le, ka mi tla sualnâk thutluang ka vâwr. “LALPA, Pathian, nang chu na rokual le, ka nan zah asi. Nang chu na thutiam lakah zumh na kâi le, a nan dâwttu leh na thupêk hâwi hen thil titu tla sinah chun na dâwtnâk dawnglo na zauhtir na.

MIKAH 7:20

A lânah hawng kan thlâktu sinah thu na tiamh mi hâwi hen zumh na kâinâk leh na dâwtnâk dawnglo Abraham leh Jakob thlâk na mi tla sinah na langh lai.

DEUTERONOMY 1:8

Hi bang ram zawzawng tla chu Kei, LALPA nih a nan thlâk natu tla, Abraham, Isak leh Jakob leh an thlâk zawzawng tla rangah ka tiamh na mi asi; kal ule, luah u hawng kan ti’ ” a ti.

DEUTERONOMY 11:13

“Churuangah, thupêk tusûn ni ah kan pêk na mi tla hi zûl ule, LALPA, nan Pathian chu dâwt ule, nan thinlung zawzawng hen amah nâwl zulh u.

DEUTERONOMY 5:10

Sikhawmsele hawng ka dâwttu leh ka dân zâwttu tla chu san sâng tiang an lakah ka dâwtnâk ka langh asi.

DEUTERONOMY 7:11

Churuangah tuah nanna sîn mi chu zûl ule; tusûn ni ah dân ka nan pêk na mi zawzawng zûl u.

DEUTERONOMY 7:9

LALPA nan Pathian amah cho chu Pathian asi hen zumh a kâi ti theihkumza u. A thudântuk leh a dâwtnâk dawnglo chu, amah dâwttu leh a thupêk zûltu tla sinah thlâk san sâng khat tiang hen a langhtir lai le,