DEUTERONOMY 7:10 - Bawm Common Language Bible Version

¹⁰ sikhawmsele, amah huatu tla chu rêp ding hen a dawrh na awtlo.

DEUTERONOMY 7:10 ပူးပေါင်းရင်းမြစ်များ

EXODUS 20:5

Zei ruk khawm sawnh hen kûn lah u, Kei, LALPA nan Pathian kasi, helnâk rêng ka sâithiam lo. Hawng ka huatu tla chu an thlâk tla tusîn fapâr tiang ka rêp na awt.

EXODUS 34:7

San sâng tla tiang thutiam kil thlirtu leh sualnâk leh palhnâk ngaihdamtu kasi; sikhawmsele, an tu leh fa tla san thum leh san li thlâk tiang an nu leh an pa sualnâk ruangah ka rêp na ding mi chu an âwl rerêng lai loh,” a ti.

THUFING LASUIBU 11:31

Mi ṭha chu hi tual tlûn khawm ah lâwmman pêk hen a um le, misual leh mi ṭhalo chu rêp hen an um ding na theih chia an si.

ISAI 59:18

Ram lât takah um mi tla sin tiang khawm ah a mêlma tla chu an thilti zia hâwi vima hen a rêp na lai.

JEREMIA 32:18

Sâng tam tak tla sinah na dâwtnâk dawnglo na zauhtir le, sikhawmsele an nu leh an pa sualnâk ruangah mi tla na rêp na. Nang chu Pathian rokual leh thiltikho tak na si; nang chu LALPA Zeizawng tikho na si.

NAHUM 1:2

LALPA Pathian nih heltu a sâithiam lo le, Amah dotu tla chu a rêp na, a thinthawknâk hen lehrûl a sam na.

NUMBER 10:35

LALPA Thudântuk Bâwm â thawh awt kip ah Mosi nih, “LALPA, thawk le, na mêlma tla chu rektir na le, an huatu tla chu tektir na,” a ti.

NUMBER 14:18

‘Kei, LALPA mi nunfual kasi, mi hel tla lakah zângfahnâk rokual leh sual ngaihdamtu ding hen mi zumhkâi kasi, na ti asi lo ma?’ An nu leh an pa sual ruangah an tu leh an fa tla san thum leh san linâk tiang hen ka rêp na awt ti rawh khawm le;

ROM 12:19

Duhtak le tla, nan phû lam lah u, “Keimah nih lehrûl ka sam lai, Lalpa nih a ti,” ti rîn asi.

DEUTERONOMY 32:25

Râltuk ruangah zâwllâi ah thihnâk a tlung lai le; In ah ningṭihnâk a tlung lai. Tlangvâl leh nungâk tla an thi lai le, tarpa leh nausêm tla khawm zuah an si lai lo.

DEUTERONOMY 32:35

LALPA nih lehrûl sam hen a rêp na lai le; an tlûk ding tik a tlung teh lai. An vânduainâk ni chu a nâi rawh.

DEUTERONOMY 32:41

Ka nâmsâu tlêu vak chu ka tât lai le, diknâk thilti chu ka zauhnik awt. Ka mêlma tlûnah lehrûl ka sam lai le, hawng ka huatu tla chu ka rêp na awt.

DEUTERONOMY 5:9

Zei lem khawm sawnh hen mâimûk lah u, Kei, LALPA nan Pathian kasi ruangah, hel hi ka sâithiam lo. Hawng ka huatu tla chu an thlâk tla san thum leh san li tiang ka rêp na tâwn asi.

DEUTERONOMY 7:11

Churuangah tuah nanna sîn mi chu zûl ule; tusûn ni ah dân ka nan pêk na mi zawzawng zûl u.

DEUTERONOMY 7:9

LALPA nan Pathian amah cho chu Pathian asi hen zumh a kâi ti theihkumza u. A thudântuk leh a dâwtnâk dawnglo chu, amah dâwttu leh a thupêk zûltu tla sinah thlâk san sâng khat tiang hen a langhtir lai le,