DEUTERONOMY 7:1 - Bawm Common Language Bible Version

¹ “LALPA nan Pathian nih nan va luah ding mi ram ah an kalpi na lai le, a sungah mi phun tam tak tla chu a nar hep na lai. Nan kalnâk kip ah nanmah ngâk hen tam dauh mi leh thiltikho dauh mi phun sarih: Hit mi, Girgasit mi, Amor mi, Kanaan mi, Periz mi, Hiv mi leh Jebus mi tla a nar phin na lai.

DEUTERONOMY 7:1 ပူးပေါင်းရင်းမြစ်များ

1 Lal 16:31

Jeroboam hâwi hen thilsual a ti mi lâwng tâwk tilo hen Sidon lalchem Ethbaal fanu Jezebel a umpi le, Baal a sawnh sap rih.

1 CHRONICLES 1:14

Kanaan chu Jebus, Amor, Girgasit,

2 CHRONICLES 8:7

Solomon nih Kanaan minung thlâk tla Israel tla nih ram an lâk liauah an thah na lo mi zawng tla chu rianṭuantu ah zângran hen a mang na. Chu lakah Hit mi tla, Amor mi tla, Periz mi tla, Hiv mi tla, Jebus mi tla anna tel hep. Chu thlâk tla chu tutiang sal hâwi an um vima.

Ezra lasuibu 9:1

Chubang zawzawng ti thluh asi rawh chun Israel mi leh ruitu tla chu an hawng le, zapi tla, bâwlpu leh Levi tla chu an kiangkam ram ah mi Amon, Moab, Aigupta, Kanaan mi, Hit mi, Periz mi, Jebus mi leh Amor mi tla lakah anna thliar loh ti thu an hawng ka simh. Chubang minung tla hâwi hen thil fihnungkâi an ti.

NEHEMIAH 13:23

Chu liau chun Juda tam tak nih Asdod nunau, Amon nunau, Moab nunau tla an umpi ti ka theih fâwn.

SAM 78:55

A mi le tla mang hen ram luahtu tla chu a nar le; Israel phun tla a ṭhenh na, an in tla chu a mi le tla a pêk na.

EXODUS 15:7

Lal nehnâk hen na mêlma tla chu na neh na. Na thinthawknâk hen na sêm phin na le, fapawn hâwi hen na duah na.

EXODUS 23:28

Nan mêlma tla chu ningṭihnâk ka pêk na lai le, nan kalnâk zawng ah Hiv mi leh Kanaan mi leh Hit mi tla chu ka nar phin lai.

EXODUS 23:32

Anmah tla hen mawh an pathian hen mawh remnâk siam lah u.

EXODUS 23:33

Nan ram ah chu minung tla chu nan umtir na ding asi lo, nan umtir na chun ka lakah thilsual an titir na lai. An pathian tla nan sawnh chun nan rangah thihnâk thang asi lai.

EXODUS 33:2

Nanmah an ruai natu ding hen vânmifial ka hawng fial lai le, Kanaan mi, Amor mi, Hit mi leh Periz mi, Hiv mi, Jebus mi tla ka nar hep na lai.

EXODUS 6:8

Abraham, Isak leh Jakob sinah ka tiamh thlir mi ram ah ka nan kalpi na lai le; Kei, LALPA nih nanmah tâ si rawh ding hen ka nan pêk na lai,” a ti.

LEVITICUS 14:34

LALPA nih Mosi leh Aron rangah dân a pêk mi tla chu asi. (LALPA nih anmah ram rang ding ah a pêk na mi Kanaan ram ah an lût tikah Israel fa tla nih an mang ding mi chu asi.)

NUMBER 13:29

Amalek mi tla chu simlei kâng ram ah an um le; Hit mi tla, Jebus mi tla leh Amor mi tla chu tlâng ram ah an um; Kanaan mi tla chu Mediteranian tipi kapah leh Jordan Tiva dung ah an um,” an ti.

NUMBER 14:31

Nan fa tla tleih an siding hen nan ruat le, sikhawmsele nan duh lo mi ram ah chun Keimah nih ka kalpi na lai le, an umnâk ram asi lai.

THILTI 13:19

Chun, Kanaan ram ah mi phun sarih a râwk nûnah khan an ram chu kum zali leh sâwmnga kar luah ding hen a pêk na.

DEUTERONOMY 11:29

LALPA nih ram nan va luah ding mi lakah an kalpi na tikah chun malsâwmnâk chu Gerizim Tlângah nan sim lai le, siarbarh thu chu Ebal Tlângah nan sim lai.

DEUTERONOMY 20:1

“Nan mêlma do ding hen nan kal tikah kâri tla, rang tla leh kawrsen tla, nanmah lei mi ngâk hen an tam ruang ko ah ṭih lah na u. LALPA nan Pathian Aigupta ram ah mi ruang a nan suah natu chu nan sinah a um awt asi.

DEUTERONOMY 20:16

“LALPA nan Pathian nih a nan pêk na mi ram ah khuapi tla nan lâk tikah thah ver na u.

DEUTERONOMY 31:20

An thlâktu tla sinah thu ka tiamh rawh mi hâwi hen hi ram ṭha leh neihnâk ram ah ka kalpi na lai. Chunah chun ei ding an duh mi zawzawng an tawng lai le, lungngam tak hen an um lai. Sikhawmsele, mahlo leiah an pial lai le, pathian dang tla an sawnh lai. An ka nawng lai le, ka thudântuk tla an buar lai,

DEUTERONOMY 31:3

LALPA nan Pathian amah ngelchel chu nan mâilei ah a kal lai le, chunah phun a um mi tla chu an veih piak na lai, an ram nan luah khonâk ding hen; LALPA nih a sim rawh hâwi hen Josua chu an rui natu asi lai.

DEUTERONOMY 4:38

Nan kalnâk zawng ah nanmah ngâk hen phun rokual leh chak dauh tla a nan nar piak na, an ram an pêk na mi, nanna ting mi ram lakah hin an lûtpi kho na ding hen.

DEUTERONOMY 6:1

“Hi bang dân tla zawzawng hi LALPA nan Pathian nih a nan sîntir na ding hen thu hawng ka pêk mi chu asi. Chu ram ah nan va lût hen nan luah tikah zûl u.

DEUTERONOMY 6:10

“An thlâk natu Abraham, Isak leh Jakob sinah LALPA nan Pathian nih thu a tiamh na mi hâwi hen ram leh khuapi ṭha tak nan sak lo mi a nan pêk na lai.

DEUTERONOMY 6:19

thu a tiamh rawh hâwi hen nan mêlma tla chu a nar phin na lai.

DEUTERONOMY 6:23

Hinah hawng kan kalpi ding hen Aigupta ah mi chu hawng kan suah le, hawng kan thlâktu tla sinah ti ding hen a tiamh rawh hâwi hen hi ram hi hawng kan pêk rawh.

DEUTERONOMY 9:1

“Israel mi tla, ngâi u! Tusûn ni ah nanmah ngâk a chak leh rokual mi phun umnâk ram chu luah ding hen Jordan Va chu nan kanh awt rawh asi. An khuapi tla chu a lian hen a kulh tla thungâi a sâng.

DEUTERONOMY 9:3

Sikhawmsele, nanmah ngelchel nih LALPA nan Pathian chu nan mâilei ah meihumpi hâwi hen a kal mi nan muh lai. Nan kalnâk zawng nan neh vima lai le, nan nar phin na lai, thu a tiamh hâwi hen tuko ah nan neh dep lai.

DEUTERONOMY 9:4

“LALPA nan Pathian nih nan rangah an nar piak phin na tikah chun kanmah ṭhat ruangah hi ram hi ting ding hen hawng kan put asi ti a ruat lah u. Churuang asi lo, an sual tuk ruangah LALPA nih hi minung tla hi an nar piak na awt mi asi.

JOSUA 11:3

Chu lo khawm ah Jordan Va kiangkam Kanaan mi tla, Amor mi tla, Hit mi tla, Periz mi tla, tlâng ram ah Jebus mi tla, Mizpah ram ah Hermon Tlâng bul ah Hiv um mi tla sin khawm ah thu a thanh na.

JOSUA 24:11

Jordan Va nan kanh le, Jeriko nan hawng tleng. Jeriko mi tla nih Amor mi, Periz mi, Kanaan mi, Hit mi, Girgasit mi, Hiv mi leh Jebus mi tla hâwi hen an do na. Chubang tla lakah nehtu ah kan siam na.

JOSUA 3:10

Nan kalnâk zawng ah Kanaan mi tla, Hit mi tla, Hiv mi tla, Periz mi tla, Girgasit mi tla, Amor leh Jebus mi tla Kanaan ram ah mi a nar na lai.