DEUTERONOMY 6:8 - Bawm Common Language Bible Version

⁸ Nan bân ah khih ule, nan chal ah a khimh u, theih nawlh lemang ding hen.

DEUTERONOMY 6:8 ပူးပေါင်းရင်းမြစ်များ

EXODUS 12:14

Hi hi Kei LALPA Pathian nih thil ka ti mi nan theih nawlh lemang ding hen Pathian lei phung nan ulh tâwn ding asi. Mâilei khawm zeiliau zawng ah nan ulh kumza ding asi,” a ti.

EXODUS 13:16

Hi ulhnâk hi thil zeimawh theihkumzanâk ding hen kan kut leh chal ah khimh mi hâwi asi; LALPA nih a thiltikhonâk rokual hen Aigupta ram thawk hen hawng kan suakpi mi theih nawlh lemang nâk asi,” a ti.

EXODUS 13:9

Hi ulhnâk hi nan kut lakah mawh nan chal ah mawh theihkumzanâk ding hen khimh mi hâwi hen theih u; LALPA nih a thiltikhonâk hen Aigupta ram ah mi a nan suakpi na ruangah LALPA dân chu theih nawlh ding hen nanna sîn hen nan sim kumza ding asi.

THUFING LASUIBU 3:3

Rinhtlâk sinâk leh zumhkâinâk thlah rîlmâl lah, na ngâwng ah a awih le; na thinlung ah rîn.

THUFING LASUIBU 6:21

An thu kil kumza le, na thinlung ah siah thlir.

THUFING LASUIBU 7:3

Ka nan sîntir mi tla chu zeiliau zawng tleih le, na thinlung ah rîn.

MATHAI 23:5

An thilti zawzawng chu minung muh ding ah asi an ti dauh tâwn. An thil bunh tla leh khimh tla chu an lian tir, an puansâr mûm an bawrtir tâwn.

DEUTERONOMY 11:18

“Hi bang thupêk tla hi theihkumza hen nan thinlung tharhnâk ah mang u. Nan bân ah a khimh ule, nan chal ah khimh u, thinlung ah theihkumzanâk ding ah.

HEBRAI 2:1

Churuangah, nâ hen kan theih mi tla kha semsêngâi tak hen kan sunhsak khun ding asi, chu lo chun kan vei sual lebang lai.