DEUTERONOMY 6:6 - Bawm Common Language Bible Version

⁶ Tusûn ni ah ka nan pêk na mi thupêk tla hi philh rîlmâl lah u.

DEUTERONOMY 6:6 ပူးပေါင်းရင်းမြစ်များ

GENESIS 18:19

A fa tla leh a thlâk tla nih ka sinah ê-aw ngâi ding leh diknâk leh repnâk chu zûl ding hen thu a pêk kho na ding hen ka thîm mi asi. An ti mi asi chun, a rangah thil zeizawng ka tiamh mi chu ka ti lai,” a ti.

2 SAMUEL 22:23

A dân zawzawng chu ka kil le, a thupêk chu zûl lo hen ka um lo.

SAM 119:11

Na tlûnah thilsual ka ti lo ding hen ka thinlung ah na dân ka kil lai.

SAM 119:13

Dân zawzawng na ka pêk mi chu fâkpi hen ka sim nawlh lai.

SAM 119:30

Ê-aw ngâi ka thîm le; na lâirêlnâk leikâng ah ka nâ ka thlîr.

SAM 119:98

Na thupêk tla chu zeiliau zawng ah ka sinah a um. Ka mêlma tla ngâk hen finghnâk an ka pêk.

SAM 37:31

Pathian dân chu a thinlungah a kil le, a kaltâk dahlo.

SAM 40:8

Ka Pathian na duhzia thilti chu ka duh a! Na sîntirnâk chu ka thinlung ah ka kil,” ti hen ka sâng.

THUFING LASUIBU 3:5

Na thinlung zawzawng hen LALPA chu zumh rawh. Na thinlung ah dawn mi leh na theih mi lakah a ngauh lah.

THUFING LASUIBU 7:3

Ka nan sîntir mi tla chu zeiliau zawng tleih le, na thinlung ah rîn.

ISAI 51:7

Nannih thil dik theihtu tla, nan thinlung ah ka nan sîntir na mi kiltu tla, ka thu ngâi u. Mi nih a nan nihsanh hen an siar na lo tikah chun tih lah u;

JEREMIA 31:33

Israel mi tla hen thudântuk thar ka siam mi chu hi hi asi lai: An sungah ka dân tla ka siah lai le, an thinlung ah ka rîn lai. Kei, an Pathian kasi lai le, annih chu ka mi le an si lai.

LUK 2:51

Chun, an sinah a kal le, Nazaret chu an va tleng le, an thu zâwt hen a um. Chun, a nu nih chun chubang thil zawzawng chu a thinlung ah a kil ko.

LUK 8:15

Tual ṭha lakah chî a tlâ mi lam chu hi bang tla hi an si; thinlung rep leh ṭha hen thu an theih le, an chîng thlir le, felfê tak hen an rah tâwn.”

2 KORIN 3:3

Krist lasui, kanmah tla hawng kan rîntir mi, mângsi hâng hen rîn si lo mi, Pathian nung Thlarau a rîn dauh, lungtlêp ah rîn silo, taksa thinlung tlêp ah rîn mi chu nan si ti fiang tak a langhtir asi.

DEUTERONOMY 11:18

“Hi bang thupêk tla hi theihkumza hen nan thinlung tharhnâk ah mang u. Nan bân ah a khimh ule, nan chal ah khimh u, thinlung ah theihkumzanâk ding ah.

DEUTERONOMY 11:20

Nan kawtkâ tung leh nan kawtkâ kawm ah khawm rîn u.

DEUTERONOMY 32:46

“Tusûn ni ah hi thupêk tla zawzawng ka nan pêk na mi hi zûl ding hen theih set u. Nan fa tla simh lemang na ule, Pathian sîntirnâk zawzawng zumhkâi tak hen an zûl kho ding hen.

KOLOSA 3:16

Krist thu chu finghnâk kip hen nanmah lakah um chiau seh; sawrnâk la tla, Pathian la tla, Thlarau lei la tla a sîntir hen nun a simhtawnh ule, thinlung zângfahnâk nei hen Pathian chu la sak piak u.

2 JOHAN 1:2

thudik theihtu zawzawng, thudik ruangah kan sinah an um mi leh zungzâl tiang hen kan sinah an um ding mi tla khawm nih a nan dâwt na asi.