DEUTERONOMY 6:4 - Bawm Common Language Bible Version

⁴ “Israel tla, hi hi theih u! LALPA, LALPA amah cho chu kan Pathian asi.

DEUTERONOMY 6:4 ပူးပေါင်းရင်းမြစ်များ

1 Lal 18:21

Elija chu mi zapi tla sinah a va kâi le, an sinah, “Zei tiang riamruam me nan thinlung remh lo hen nan um awt? LALPA chu Pathian asi chun amah chu sawnh u; sikhawmsele Baal chu pathian asi chun amah chu sawnh ko u!” a ti. Sikhawmsele, zapi tla chu an dâisip.

2 Lal 19:5

Isai nih lalchem Hezekiah thuchah a theih rawh chun,

1 CHRONICLES 29:10

Chunah mi zapi pumhnâk ah lalchem David nih LALPA a sawr. Anih nih, “Hawng kan thlâktu Jakob LALPA leh Pathian, nang chu zungzâl sawr hen um kumza rawh!

2 CHRONICLES 17:9

LALPA dân bu anna put le, Juda ram khua zawzawng mi tla sîntir na hen an ṭawl.

NEHEMIAH 9:6

Churawhchun, Israel mi tla nih hi hâwi hen thla an cham: “LALPA, nangmah cho chu LALPA na si; vân tla leh vân ah mi ârfi tla na siam na. Ram leh tisumsumriat leh a sungah thil zeizawng na siam le, an ektê rangah nungnâk na pêk na. Vân thiltikhonâk tla chu kûn hen, nangmah an sawnh.

SAM 78:5

Israel mi tla sinah dân tla a pêk na hen Jakob thlâk tla chu thupêk a pêk na. Kan thlâktu tla chu dân thu tla an fa tla sîntir na ding hen a simh na le,

SAM 86:10

Nang chu na chak le, thilchê tak tla na ti; nang cho hi Pathian na si.

ISAI 42:8

“Keimah cho hi LALPA na Pathian kasi. Pathian dang tla nih ka rokualnâk anna ting ding asi lo; milem tla chu keimah sawrnâk ka tingtir na awtlo.

ISAI 44:6

LALPA, Israel lâirêltu leh humtu, LALPA Zeizawng tikho nih hi hi sim ding a nei: “Kei a masa chem leh a madung chem Pathian pakhat cho kasi; keimah lo chu pathian dang âukhawm a um lo.

ISAI 44:8

Ka mi tla, ṭih lah u! A lân thawk hen tutiang hen thil a hawng tlung ding hen ka simkan mi chu nan theih le, nannih chu hawng ka theihpitu tla nan si. Pathian dang rerêng a um ma? Ka theih dahlo mi pathian thiltikho tak a um ma?” a ti.

ZEKARIA 14:9

Churawhchun, LALPA chu tual pumpi tlûnah lal asi lai le, mikip nih amah chu an sawnh lai le, a min an theih dân â bang rang lai.

MATHAI 22:37

Chun, anih nih chun a sinah, “ ‘Lalpa na Pathian chu na thinlung zawzawng hen, na thlarau zawzawng hen, na dawnruatnâk zawzawng hen na dâwt ding asi, ti hi.

LUK 10:27

Chun, anih nih chun, “Lalpa na Pathian chu na thinlung zawzawng hen, na thlarau zawzawng hen, na chaknâk zawzawng hen na dâwt ding asi. Chun, nangmah na dâwt hâwi hen na zâwlpâwm tla na dâwt ding asi,” a ti le, a sâng.

JOHAN 10:30

Kei leh Pa chu pumkhat kan si,” ti hen a sâng.

JOHAN 17:3

Hi hi zungzâl nungnâk asi, nang Pathian tak cho leh na fial mi Jisu Krist theih hi.

ROM 3:30

Juda tla chu an lung ruangah mawhtirlonâk ding leh Phundang tla chu an lungnâk ruangah mawhtirlotu ding thu Pathian pakhat cho asi chun Phundang tla Pathian khawm asi bâk lai ta a.

EPHESI 4:6

zeizawng Pathian leh Pa pakhat cho a um le, anih chu zeizawng tlûnah a um le, zeizawng ṭawl hen a um le, zeizawng sungah a um ber asi.

DEUTERONOMY 4:39

Churuang chun tusûn ni tiang hen theihkumza ule, philh lah u; LALPA chu tual leh vân Pathian asi. Chu lo chu pathian dang rerêng a um lo.

DEUTERONOMY 5:6

‘Aigupta ram ah sal ah nan um mi an suah natu LALPA nan Pathian kasi.

1 TIMOTHE 2:5

Pathian pakhat cho a um le Pathian leh minung karah thu lanhtu pakhat a um, chu chu Jisu Krist asi.

JEM 2:19

Pathian chu pakhat asi ti na lung mu? A ṭha, khuri tla khawm nih an lung le, lâu hen an thir tâwn,” a ti lai.