DEUTERONOMY 6:3 - Bawm Common Language Bible Version

³ Israel mi tla, ngâi ule, zûl u! Chun nan sul-le-lam a tluang lai le, phun chak tak nan hawng si lai le, neihnâk leh ram ṭha ah chun nan um lai, LALPA hawng kan thlâktu Pathian nih a tiamh mi hâwi hen.

DEUTERONOMY 6:3 ပူးပေါင်းရင်းမြစ်များ

GENESIS 12:2

Thlâk tam tak ka nan pêk lai le, phun rokual tak an hawng si lai. Mal ka nan sâwm lai le, chun minthang tak hen ka nan siam lai, malsâwmnâk na si khonâk ding hen.

GENESIS 13:16

Âukhawm nih rêl châwklo rê ding hen thlâk tla ka nan pêk lai le, mi nih sep an rêl kho lo hâwi hen asi lai!

GENESIS 15:5

LALPA nih lênglei ah a suakpi le, a sinah, “Vân lei khi zauh le, ârfi tla khi rêl nik, khi zat khin na thlâk tla chu tam tak an um lai,” a ti.

GENESIS 22:17

na thlâk tla chu vân ah ârfi zat leh tipi kapah sep zat hen kan pêk lai. Na thlâk tla nih an mêlma tla an neh lai.

GENESIS 26:4

Vân ah mi ârfi zat hen thlâk tla ka nan pêk lai. Hi ram zawzawng tla hi ka pêk na lai. Na thlâk tla mal ka sâwm na mi hâwi hen phun zawzawng nih an hawng ka deih lai.

GENESIS 28:14

Na thlâk tla chu tual ah valeidip zat hen an zan lai. Mun kip ah an ram an kauh vima lai le, nang leh na thlâk tla ruangah phun zawzawng mal ka sâwm na lai.

SAM 119:4

LALPA, dân tla na kan pêk hen zumhkâi tak a zûl ding hen na kan simh.

EXODUS 1:7

Sikhawmsele, an thlâk tla Israel mi tla chu fa tam tak an nei vima le, thungâi an pung hen an chak le, Aigupta ram an khat rawh.

EXODUS 3:17

Aigupta ram ah nehsawh hen an umnâk ah mi suakpi hen Kanaan mi, Hit mi tla, Amor mi tla, Periz mi tla, Hiv mi tla leh Jebus mi tla umnâk neihnâk leh ram ṭha mun ah kalpi na ding ka tum mi simh na,” a ti.

EXODUS 3:6

Kei a nan thlâktu Pathian, Abraham Pathian, Isak Pathian leh Jakob Pathian kasi,” a ti. Churawhchun, Mosi nih Pathian chu a zauh ngam lo ruangah a mêl a khuh.

EXODUS 3:8

churuang chun Aigupta ram ah an um mi chu suakpi na hen ram kâu tak pakhat neihnâk ding hen ram ningno tak, Kanaan mi tla, Hit mi tla, Amor mi tla, Periz mi tla, Hiv mi tla leh Jebus mi tla tuah an umnâk leiah kalpi na ding hen ka hawng ṭum asi.

THUSIMTU 8:12

Misual nih vei zâ thil sual a ti khawm ah a dam nget kho rih. Asi, thu an sim mi lakah: “Pathian thu na ngâi chun, thil zeizawng a dik lai.

ISAI 3:10

Mirep tla chu anna lâwm lai le, an rangah thil zeizawng a tluang lai. An rianṭuan tha fâk lakah anna lâwm kho lai.

JEREMIA 42:6

Kan rangah lawmhnâk si seh silah seh deih ding hen kan ngiartir mi LALPA kan Pathian thu chu kan ngâi lai,” an ti.

JEREMIA 7:23

Sikhawmsele thu ka pêk na mi chu an Pathian kasi khonâk ding leh annih chu ka mi le an si khonâk ding hen ê-aw ngâi ding hen thu ka pêk na asi. An sul-le-lam tluangnâk ding hen thu ka pêk na mi hâwitê um ding hen ka simh na.

THILTI 7:17

“Chun, Pathian nih Abraham sinah thu a tiamh mi tik kha a hawng tlung awt hen Aigupta ram ah kan minung tla chu an hawng pung le, an hawng tam dadauh.

DEUTERONOMY 11:9

Nan thlâktu tla leh an thlâk tla sinah pêk ding hen LALPA nih a tiamh mi ram ṭha leh neihnâk ram ah sâwt tak nan um lai.

DEUTERONOMY 26:15

Vân ah na umnâk thenhlimh thawk hen na mi Israel tla rangah hawng zauh na le, malsâwm na rawh; hawng kan thlâktu tla rangah thu na tiamh mi hâwi hen ram ningno leh neihnâk na hawng kan pêk mi hi malsâwm rawh,’ nan ti ding asi.

DEUTERONOMY 26:9

Hi ram ningno tak leh neih-le-siahnâk ram ah hin hawng kan put hen hawng kan pêk rawh.

DEUTERONOMY 27:3

chu lakah chun dân zawzawng leh sîntirnâk tla rîn u. LALPA nan thlâktu Pathian nih a nan tiamh na mi ram ṭha leh, neihnâk ram nan va lût tikah chun,

DEUTERONOMY 31:20

An thlâktu tla sinah thu ka tiamh rawh mi hâwi hen hi ram ṭha leh neihnâk ram ah ka kalpi na lai. Chunah chun ei ding an duh mi zawzawng an tawng lai le, lungngam tak hen an um lai. Sikhawmsele, mahlo leiah an pial lai le, pathian dang tla an sawnh lai. An ka nawng lai le, ka thudântuk tla an buar lai,

DEUTERONOMY 4:40

Tusûn ni ah ka nan pêk na mi dân zawzawng chu zûl ule, nan thlâk leh nanmah rangah sul-le-lam tluangnâk asi vima lai. LALPA nan Pathian nih nan tâ si kumza ding hen a nan pêk na mi ram ah hin nan um vima lai,” a ti.

DEUTERONOMY 4:6

Zumhkâi tak hen zûl ule, phun dang tla lakah mifing nan sinâk a lang lai. Chubang dân zawzawng an theih tikah chun, ‘Hi phun rokual tak nih finghnâk leh theihthiamnâk an nei a!’ an ti lai.

DEUTERONOMY 8:8

chu ram ah chun wheat leh barley fâng tla, grep leh theipi tla, pomegranate leh oliv tla leh khuaitizû suaknâk ram ah an kalpi na.