DEUTERONOMY 6:22 - Bawm Common Language Bible Version

²² Kan mit ngelchel nih thilchê a ti mi tla, Aigupta mi tla leh an lalchem leh a rianṭuantu tla zawzawng tlûnah thil ṭihnungkâi a ti mi tla kan muh.

DEUTERONOMY 6:22 ပူးပေါင်းရင်းမြစ်များ

SAM 135:9

Lal leh a rianṭuantu tla rêp ding hen an tlûnah thilchê tla a tlungtir.

SAM 136:4

Amah cho nih thilchê rokual tak a ti hen, a dâwtnâk chu zungzâl asi.

SAM 91:8

Zei hâwi hen misual chu rêp an si, na zauh chun na muh lai.

EXODUS 10:2

nan fa le nan tu le tiang nan sim ding hen lalchem leh a rianṭuantu tla chu an lung ka khungtir na le, Aigupta mi tla khawm chu thilchê ka ti liauah chun â tak hen ka siam na zia kha. Kei LALPA chu kasi ti nan theih ver ding hen,” a ti.

EXODUS 3:20

Sikhawmsele Aigupta ram rêp ding hen ka thiltikhonâk ka mang lai le, chunah chun thil ṭihnungkâi tla ka ti lai. Chu nûnah suak ding hen an siang na lai.

DEUTERONOMY 1:30

LALPA nan Pathian nih an rui na lai le, an do piak na lai; Aigupta leh ramkaro ah nan muh mi hâwi hen khan.

DEUTERONOMY 3:21

“Churawhchun, Josua rangah ka simh le: Lalchem panih Sihon leh Og tlûnah LALPA nan Pathian nih a ti dân zawzawng kha na muh asi; na va rûn mi ram kip ah chu hâwi vima hen a ti lai.

DEUTERONOMY 4:3

Peor Tlângah nanmah ngelchel nih LALPA thilti nan muh rawh asi. Chunah Baal sawnhtu zawng chu a veih hep na le,

DEUTERONOMY 4:34

Aigupta ram ah LALPA nan Pathian nih a nan ti piak na mi hâwi hen phun dang lakah um mi suah ding hen kal ngamtu leh amah minung ah siam natu pathian rerêng nan nei mazei? Nan mitmuh ngelchel hen a thiltikhonâk rokual leh a chaknâk mang hen râi leh râltuknâk a tlungtir, thilchê a ti le, thilchê a umtir, thil ṭihnungkai tla a tlungtir.

DEUTERONOMY 6:21

Churawhchun, nannih nih, Aigupta lalchem sal ah kan um le, LALPA nih a thiltikhonâk rokual tak hen ruang hawng kan suah.

DEUTERONOMY 6:23

Hinah hawng kan kalpi ding hen Aigupta ah mi chu hawng kan suah le, hawng kan thlâktu tla sinah ti ding hen a tiamh rawh hâwi hen hi ram hi hawng kan pêk rawh.

DEUTERONOMY 7:19

Nanmah mit ngelchel hen râi ṭihnungkâi nan muh mi kha theihkumza u, thilchê ti leh thilchê tla, thiltikhonâk rokual leh chaknâk hen LALPA, nan Pathian nih an suah na mi kha theihkumza u. Chu hâwi hen Aigupta mi khawm a veih na le, tuah nan ṭih mi minung tla khawm hi a veih ver na lai.