DEUTERONOMY 6:2 - Bawm Common Language Bible Version

² Chu ram ah nan um kar zawzawng chu nanmah leh nan thlâk tla nih LALPA nan Pathian chu zah hen a dân ka nan pêk na mi zawzawng hi nan zûl ding asi, chu tikah chu ram ah chun sâwt tak nan um kho lai.

DEUTERONOMY 6:2 ပူးပေါင်းရင်းမြစ်များ

GENESIS 18:19

A fa tla leh a thlâk tla nih ka sinah ê-aw ngâi ding leh diknâk leh repnâk chu zûl ding hen thu a pêk kho na ding hen ka thîm mi asi. An ti mi asi chun, a rangah thil zeizawng ka tiamh mi chu ka ti lai,” a ti.

GENESIS 22:12

“Ngâksia chu nganfâk pêk lah le, zeitin khawm ti lah” a ti. “Pathian na ṭih zia leh a lakah na fapa neihlem na ûi lo zia tuah ka theih rawh,” a ti.

1 Lal 8:40

chu tikah hawng kan thlâktu tla sinah na pêk na mi ram ah an um kar vial chu na mi tla nih na thu an ngâi khonâk ding hen.

JOB LASUIBU 28:28

Pathian nih minung sinah, “Fing ding hen LALPA rangah nan sawnh ding asi. Theihthiamnâk nei ding hen sual nan kaltâk ding asi,” a ti.

SAM 111:10

Finghnâk lampi chu LALPA ṭih hi asi; amah thupêk zûltu chu lâirêlnâk tluang a pêk na. Amah chu zungzâl sawr ding mi chu asi.

SAM 128:1

LALPA lakah Ê-aw ngâi, a thupêk lakah um mi chu an thaw a suak.

SAM 91:16

San sâunâk ka pêk na lai le, ka hum na lai,” a ti.

EXODUS 20:12

“Nan nu leh nan pa zah na u, chu tikah ka nan pêk na mi ram ah hin nan san sâu lai.

EXODUS 20:20

Mosi nih a sâng na le, “ṭih lah u; Pathian nih amah nan ṭih ding hen an nik na ding hen a hawng mi asi, chu tikah thilsual nan ti lonâk ding hen,” a ti.

THUFING LASUIBU 16:6

Zumh tlâk leh rinh tlâk hen um le, Pathian nih na sual a ngaihdam lai. LALPA thu ngâi le, na lakah thilsual zeikhawm a tlung lai lo.

THUFING LASUIBU 3:16

Finghnâk nih sansâunâk a nan pêk le, neihnâk leh zahkâinâk khawm a nan pêk.

THUFING LASUIBU 9:11

Finghnâk nih na nungnâk kum a sap lai.

THUSIMTU 12:13

Hi bang tla nûnah hin, thil pakhat cho sim ding a um: Pathian ṭih rawh, a thupêk zûl, hi bang tla zawng hi minung a siam na mi tla rang ding asi ruangah.

JEREMIA 32:39

Dam sungah tumnâk pakhat cho ka pêk na lai le; zeiliau zawng ah an hawng ka zah ding hen, anmah leh an thlâk tla ṭhatnâk ding hen.

EZEKIEL 20:19

Kei, LALPA, nan Pathian kasi. Ka dân tla leh ka thupêk tla zûl u.

LUK 12:5

Sikhawmsele, nan ṭih ding mi chu âu me si ka nan simh na lai; thah nûn khawm ah Gehena ah lawnh khonâk thuneitu Pathian chu ṭih u; asi, ka nan simh na, amah tak chu ṭih u.

DEUTERONOMY 10:20

LALPA nan Pathian thu cho ngâi ule, amah cho sawnh u. A sinah zumhkâi tak hen um ule, amah min cho hen thutiamnâk nei u.

DEUTERONOMY 11:9

Nan thlâktu tla leh an thlâk tla sinah pêk ding hen LALPA nih a tiamh mi ram ṭha leh neihnâk ram ah sâwt tak nan um lai.

DEUTERONOMY 13:4

LALPA chu ṭih hen amah chu zûl ule, ê-aw ngâi tak hen a thupêk tla zûl u, zumhkâi tak hen amah chu sawnh u.

DEUTERONOMY 15:5

Tusûn ni ah thu ka nan pêk na mi hi thiamthih tak hen nan zûl hen, a lakah ê-aw nan ngâi chun pakhat khawm nan pâm lai loh.

DEUTERONOMY 22:7

A fa chu nan lâk kho lai le, a pinu chu nan thlah ding asi, chu tikah nan san a sâu lai le, nan sul-le-lam a tluang lai.

DEUTERONOMY 30:19

Tuhin thihnâk leh nungnâk, Pathian malsâwmnâk leh siatbarh thîm ding hen ka nan pêk na, nan thîm mi lakah theihpitu ding hen tual leh vân ka auh asi. Nungnâk chu thîm u.

DEUTERONOMY 30:20

LALPA nan Pathian chu dâwt ule, a lakah ê-aw ngâi hen zumhkâi hen um u, chu tikah an thlâk natu Abraham, Isak leh Jakob tla sinah pêk ding hen thu a tiamh mi ram ah nanmah leh nan thlâk tla hen sâwt tak nan um lai,” a ti.

DEUTERONOMY 4:10

nan dîr liau tla kha nan fa le nan tu tla simh na u. Chu liau chun Pathian nih ka sinah, ‘Zapi tla pumh na. Ka sim ding mi thu ngâi na seh, an dam kar zawzawng ka lakah ê-aw an ngâinâk ding leh an fa le tla nih an hawng ka ṭih ding thu an sîntir khonâk ding hen,’ a ti.

DEUTERONOMY 4:40

Tusûn ni ah ka nan pêk na mi dân zawzawng chu zûl ule, nan thlâk leh nanmah rangah sul-le-lam tluangnâk asi vima lai. LALPA nan Pathian nih nan tâ si kumza ding hen a nan pêk na mi ram ah hin nan um vima lai,” a ti.

DEUTERONOMY 4:9

A vêng thlir u! Philh lo ding hen theih set u, nan mit ngelchel hen nan muh mi kha nan thih lânlo philh lah u. Sinai Tlângah LALPA nan Pathian mâika ah

DEUTERONOMY 5:16

“ ‘Kei, LALPA nan Pathian nih thu kan pêk na mi hâwi hen nan nu leh nan pa tla zah na ule, thil zeizawng tluang tak hen a kal lai le, kan pêk na mi ram ah sâwt tak hen nan um kho lai.

DEUTERONOMY 5:33

A ektê hen zûl ule, churawhchun thil zeizawng ah nan sul-le-lam a tluang lai le, nan va luah ding mi ram ah chun nan um kumza lai.

DEUTERONOMY 6:1

“Hi bang dân tla zawzawng hi LALPA nan Pathian nih a nan sîntir na ding hen thu hawng ka pêk mi chu asi. Chu ram ah nan va lût hen nan luah tikah zûl u.

DEUTERONOMY 6:24

Churawhchun, LALPA kan Pathian nih hi bang dân zawzawng hi zûl ding hen leh amah chu ṭih ding hen thu hawng kan pêk rawh asi. Kan zûl asi chun kan phun tla hawng kan vêng kumza lai le, sul-le-lam tluang tak hen hawng kan kil lai.

DEUTERONOMY 6:7

Nan fa le tla chu sîntir na u. In ah nan um liau khawm umlo liau khawm, nanna dîn liau leh rian nan ṭuan liau khawm ah sîntir lemang na u.

JOSUA 4:24

Hi ruangah hin tual tlûnah mikip nih LALPA thilti a rokual zia an theihnâk ding leh LALPA nan Pathian chu nan zah kumzanâk ding hen asi,” a ti.

1 PETER 1:17

Chun, thliar leh dang nei lo hen, mikip an rianṭuan hâwi chiau hen lâirêl piaktu chu Pa ti hen nan auh chun hi tual ah nan um kar vial amah zah tak hen um u.