DEUTERONOMY 6:18 - Bawm Common Language Bible Version

¹⁸ LALPA thusim a dik leh a ṭha mi chu ti ule, nan sul-le-lam a tluang lai. LALPA nih an thlak natu sinah a tiamh mi ram ṭha chu nan luah kho lai le,

DEUTERONOMY 6:18 ပူးပေါင်းရင်းမြစ်များ

SAM 19:11

Na to-aw rangah theihthiamnâk na ka pêk le; ka zûl ruangah lâwmman pêk hen ka um.

EXODUS 15:26

“Thudik ka ruat mi leh ka thupêk nan zûl hep chun Aigupta tlûnah râi ka tlungtir mi hen kan rêp na lai loh,” a ti. “Kei, LALPA, a nan damh natu kasi,” a ti.

ISAI 3:10

Mirep tla chu anna lâwm lai le, an rangah thil zeizawng a tluang lai. An rianṭuan tha fâk lakah anna lâwm kho lai.

ISAI 38:3

“LALPA, zumhkâi tak leh rep tak hen na nâwl ka zulh le, ti ding na ka duh mi chu ti ka tum kumza mi theihkumza rawh,” a ti. Churawhchun, ngaihsia tak hen a ṭap rawh.

EZEKIEL 18:19

“Sikhawmsele nangnih: Zei rangah a pa sual ruangah a fa nih a tuar lo zia na ti dahmawh? A sângnâk lam chu chu fapa nih thil dik leh ṭha a ti ruangah asi. Ka dân tla a pawm le, thiamthih tak hen a zûl le, churuangah a nung ngelchel lai.

EZEKIEL 18:21

“Misual nih a thilsual ti a bâng hen, ka dân a zûl hen thil ṭha a ti chun a thi lai lo le; a nung ngelchel lai.

EZEKIEL 18:27

Misual nih a thilsual ti a bâng hen thil dik leh thil ṭha a ti chun a nungnâk a hum mi asi.

EZEKIEL 18:5

“Hawlhnâk ah, mi ṭha tatak, mirep leh zumhkâi khawm a um kho.

EZEKIEL 33:14

Misual chu a thi ding asi ti hen ka sim mi lakah, a sual a lêt hen thil dik a ti chun,

EZEKIEL 33:16

Thilsual a ti mi tla ka ngaihdam lai le, thil dik leh thil ṭha a ti ruangah a nung lai.

EZEKIEL 33:19

Misual nih a sualnâk a lêt hen thil dik leh thil ṭha a ti chun, a nungnâk a hum asi.

HOSEA 14:9

Hinah rîn mi tla hi fing tak hen theihthiam mi nih chun thinlung ah kil na seh. LALPA lampi tla chu a dik le, mirep tla nih chu chu an zûl le, an nung. Sikhawinsele misual tla nih an siarlo ruangah an bah le, an tlû.

JOHAN 8:29

Hawng ka fialtu chu ka sinah a um le, hawng ka thlahthlamh lo; a lawmh kâng thil ka ti kumza ruangah,” a ti.

ROM 12:2

Hi laikulh dân hâwi hen um lah ule, Pathian duhzia a ṭha leh lawmh tlâk leh ṭhat rangtling chu nan theihfiang khonâk ding hen nan thinlung a thar a um hen hawng a dang dauh u.

DEUTERONOMY 12:25

Hi bang thupêk tla hi nan zûl chun, LALPA a lâwm lai le, nanmah leh nan thlâk tla rangah thil zeizawng a tluang lai.

DEUTERONOMY 12:28

Thu ka nan pêk na mi zeizawng zumhkâi tak hen zûl ule, nan rangah leh nan thlâk tla rangah sul-le-lam tluangnâk asi kumza lai le; LALPA lawmhtirnâk ding hen thil dik nan ti ruangah.

DEUTERONOMY 13:18

Tusûn ni ah thu ka nan pêk na mi zawzawng hi nan zûl hen a nan ngiar na mi tla nan ti mi asi chun.

DEUTERONOMY 4:40

Tusûn ni ah ka nan pêk na mi dân zawzawng chu zûl ule, nan thlâk leh nanmah rangah sul-le-lam tluangnâk asi vima lai. LALPA nan Pathian nih nan tâ si kumza ding hen a nan pêk na mi ram ah hin nan um vima lai,” a ti.

DEUTERONOMY 5:29

Hi hâwi hen an dawn kumza hen, keimah lâwng an ka zah kumza hen ka thupêk tla an zûl kumza chun zeizawng ah an sul-le-lam a tluang lai le, an thlâk tla khawm an um kumza lai.

DEUTERONOMY 5:33

A ektê hen zûl ule, churawhchun thil zeizawng ah nan sul-le-lam a tluang lai le, nan va luah ding mi ram ah chun nan um kumza lai.

DEUTERONOMY 6:10

“An thlâk natu Abraham, Isak leh Jakob sinah LALPA nan Pathian nih thu a tiamh na mi hâwi hen ram leh khuapi ṭha tak nan sak lo mi a nan pêk na lai.

DEUTERONOMY 6:19

thu a tiamh rawh hâwi hen nan mêlma tla chu a nar phin na lai.

DEUTERONOMY 8:11

“LALPA nan Pathian chu philh lo ding hen theih set u; tusûn ah ka nan pêk na mi a dân tla hi pakhat khawm relh lo hen nan zûl ding asi.