DEUTERONOMY 6:14 - Bawm Common Language Bible Version

¹⁴ Pathian dang sawnh lah ule, nan kiangkam ah um mi tla pathian zeikhawm sawnh lah u.

DEUTERONOMY 6:14 ပူးပေါင်းရင်းမြစ်များ

2 Lal 17:35

LALPA nih thudântuk tla a siam piak na le, zûl ding hen thu a pêk na: “pathian dang tla sawnh lah u, mâimûk lah na ule, a sinah khawm bâwlnâk pêk lah u.

SAM 44:20

Kan Pathian sawnh bâng hen, ramdang pathian sawnh khawmsele, thinlung dawnnâk thup theihtu na si ruangah na muh kho nget lai.

EXODUS 20:3

“Keimah lo chu pathian dang sawnh lah.

JEREMIA 25:6

Pathian dang tla sawnh leh a rianṭuan lo ding leh milem nan siam mi tla sawnh hen LALPA thin nan thawktir lo ding hen a nan simh na. LALPA thu ngâi ule chu, a nan rêp na lo ding mi.

JEREMIA 35:15

Ka to-aw khuavâng tla zawzawng ka hawng fial vima na le, annih nih chun nan umdân sual lêt hen thil dik ti ding hen an simh na. Nanmah leh nan thlâktu tla sinah ka nan pêk na mi ram ah nan um kumza khonâk ding hen pathian dang tla sawnh hen a rianṭuan lah u ti hen an simhkan na. Sikhawmsele ngaihlo lêm nan thlâk le nan ka ngâi piak duh lo.

JEREMIA 7:6

Ram dang mi, ngâkṭah leh numei tla rangah dingchang phahnâk ah mang na lah u rawh. Hi ram ah hin a mawh lo mi minung thah lah na u. A nan râwk natu ding mi pathian dang sawnh bâng u.

DEUTERONOMY 11:28

a tlûnah nan sawnh dahlo mi phun dang pathian leikângah nan pial hen hi bang thupêk tla hi nan zûl lo chun siatbarh nan si lai.

DEUTERONOMY 13:7

An lakah âunih mawh, nan kiangkam mi pathian mawh, lât tak a um mi pathian mawh sawnh ding hen an fawrh na kho.

DEUTERONOMY 5:7

“ ‘Keimah lo chu zei pathian khawm sawnh lah u.

DEUTERONOMY 8:19

LALPA nan Pathian chu philh rîlmâl lah u, pathian dang tla sawnh ding leh an rianṭuan piak hen hertâk lah u. Nan ti asi chun nan vei ngelchel lai ti tusûn ni hin kan simh na asi.

JOSUA 23:7

chu tikah hi a leifuan um mi minung sinah hin kawpkaihnâk nan nei lai lo le, an pathian min khawm nan lam lai lo, an min sim hen thutiamnâk khawm nan nei lai loh, chubang tla pathian sawnh hen an sin khawm ah nan kûn lai lo.

1 JOHAN 5:21

Ka fa le tla, pathian diklo tla lakah a dang hen a thlei u.