DEUTERONOMY 5:32 - Bawm Common Language Bible Version

³² “Israel mi tla, LALPA nan Pathian nih thu an pêk na mi thil zeizawng nan ti mi chu theih u. A dân pêk pakhat khawm zûl lo hen um lah u.

DEUTERONOMY 5:32 ပူးပေါင်းရင်းမြစ်များ

2 Lal 17:37

Nan rangah dân leh thupêk kan rîn piak na mi hi nan zûl kumza ding asi, pathian dang tla nan sawnh ding asi lo,

2 Lal 21:8

Israel tla nih ka thupêk zawzawng an zûl hen ka to-aw Mosi sinah dân zawzawng ka pêk mi an zûl chun, an thlâktu tla rangah ka pêk na mi ram lakah mi hi nar ding hen kan siang na awtlo,” a ti.

2 Lal 22:2

Josiah nih LALPA lawmhkâng hen thil a ti le, amah thlâktu David zia châwng hen fek tak hen Pathian dân a zûl.

SAM 125:5

Sikhawmsele, misual tla na rêp tikah chun Na lampi zawh lotu tla khawm rêp na. Israel tla sinah remnâk um seh!

SAM 19:12

Mah diklonâk tla chu âukhawm nih an muh kho lo. Aw Pathian, sual thup lakah mi chu ruang hawng ka suah!

SAM 80:19

LALPA Pathian, Zeizawng tikho, hawng kan kîrtir nawlh le, na khuaruatnâk hawng kan muhtir le, ruangsuak hen kan um lai.

THUFING LASUIBU 3:2

Ka nan sîntirnâk nih san sâunâk leh sul-le-lam tluangnâk a nan pêk lai.

THUFING LASUIBU 4:27

Sual ti lah le, na mâilei ah ding zar hen kal. Lampi dik lakah mi chu kâr khat khawm pial lah.

ISAI 30:21

Vawrhlei ah mawh kehlei ah mawh vâi khawm ule, nan dunglei ah hi hâwi thu a sim mi nan theih lai, “Hinah lampi a um hi! Hinah kal u,” ti hen.

EZEKIEL 20:19

Kei, LALPA, nan Pathian kasi. Ka dân tla leh ka thupêk tla zûl u.

EZEKIEL 37:24

An lalchem chu ka to-aw lalchem David hâwi asi lai. Lâirêltu pakhat tangah an um ver lai le, ka dân tla zumhkâi tak hen an zûl ver lai.

DEUTERONOMY 11:32

tusûn ah dân kan pêk na mi hi zûl ding hen theihkumza u.

DEUTERONOMY 12:32

“Thu ka nan pêk na mi zawzawng ti ule, chu lakah mi chu zeikhawm sap lah ule, lawnh ber lah u.

DEUTERONOMY 17:11

An thuthlûk leh an sîntir na mi tla pawm hep u.

DEUTERONOMY 17:20

A hâwi Israel tla ngâk hen ṭha dauh hen â ruat ding mi leh LALPA thupêk lakah zei kâng khawm ah a zûl lonâk ding mi lakah chu nih chun a vêng ding hen. Churawhchun, kum tam tak lâi a rêl lai le, a thlâk tla nih Israel tla chu thlâk tam tak rangah lâi an rêl lai.

DEUTERONOMY 24:8

“Vun râi nan nei chun, Levi bâwlpu nih an sim ziatê hen ti ding mi kha theih ule; sîntirnâk ka pêk na mi kha zûl u.

DEUTERONOMY 28:14

Sikhawmsele, zei lak khawm ah ê-aw ngâilo hen nan um ding asi lo, pathian dang tla sawnh hen a rian nan ṭuan ding asi lo.

DEUTERONOMY 29:8

an ram chu kan lâk le, Reuben phun leh Gad phun leh Manaseh phun khingkhuai tla sinah kan ṭhenh zâr na.

DEUTERONOMY 6:17

Dân a nan pêk na mi nan zûl mi zawzawng kha fiang tak hen theih u.

DEUTERONOMY 6:25

LALPA nih thu hawng kan pêk mi zawzawng zumhkâi tak hen kan zûl chun kan tlûnah a lâwm lai,’ nan ti ding asi.

DEUTERONOMY 6:3

Israel mi tla, ngâi ule, zûl u! Chun nan sul-le-lam a tluang lai le, phun chak tak nan hawng si lai le, neihnâk leh ram ṭha ah chun nan um lai, LALPA hawng kan thlâktu Pathian nih a tiamh mi hâwi hen.

DEUTERONOMY 8:1

“Tusûn ni ah dân ka nan pêk na mi tla hi zumhkâi tak hen zûl ule, nan thlâktu tla sinah LALPA nih a tiamh na mi ram nan luah tikah nungdam hen tam tak nan zan khonâk ding hen.

JOSUA 1:7

Rep tak leh tumnâk nei thlir leh zumh thlir hen um; Mosi ka to-aw nih a nan pêk mi dân zawzawng zûl ding hen theih set, a zeitê khawm thlawrhthâu lah le, na kalnâk zawzawngah na dingchang lai.

JOSUA 23:6

Mosi Dân bu ah rîn mi thil, zeizawng zûl ding hen a thiamthih u. A zeitê khawm thlawrhthlâu lah ule,

2 PETER 2:21

Lampi rep chu theih nûnah, thupêk thenhlimh an sinah a kiltir na mi chu kaltâk ngak chun, lampi rep chu theihlo dâidua na sele an rang a ṭha dauh lai.