DEUTERONOMY 5:26 - Bawm Common Language Bible Version

²⁶ Pathian nung nih mei thawk hen thu a sim mi theihtu minung a dam mi âu me um?

DEUTERONOMY 5:26 ပူးပေါင်းရင်းမြစ်များ

GENESIS 32:31

Jakob nih Peniel mun a kaltâk liau chun nî a suak rawh, a kâwl a fâk ruangah a bei.

GENESIS 6:12

Pathian nih laikulh chu a zauh le, sual ngâi hen a muh, mi zawzawng tla chu sual tak hen an um ruangah.

SAM 42:2

Nangmah Pathian duh hen ka tî a hâl; zei tikah na mâika ah hawng hen ka nan sawnh kho lai?

SAM 42:3

Sûn leh zân hen ka âu le, ka mitthli chu ka buh asi; Zeiliau zawng ah ka mêlma tla nih, “Na Pathian chu zeiah?” an ti.

SAM 84:2

Chunah um chu ka duh a! LALPA Biakin ah um ka ngâi. Pathian nung sinah ka pumpiluk hen la ka sak.

EXODUS 20:22

LALPA nih Mosi chu Israel tla sinah sim ding hen thu a pêk le, “Kei LALPA nih vân thawk hen thu ka sim mi nan muh rawh.

ISAI 40:6

Âu hâu a hawng suak le, “Thuchah sim!” ti hen. Kei nih, “Zei thuchah ka sim lai?” ti hen ka deih. Anih nih, “Minung tla chu belh hâwi an si; mâng ah mi chawmpâr ngâk hen an sân a sâu dauh lêm lo.

JEREMIA 10:10

Sikhawmsele, LALPA, nang lam chu Pathian dik tak, Pathian nung, Zungzâl lalchem na si. Na thin a thawk liauah laikulh a thir, phun tla nih na thinthawknâk an tuar lo.

DANIAL 6:26

Ka ram pumpi sungah mikip nih Danial Pathian ṭih leh zah ding hen thu kan pêk na. “Anih chu Pathian nung asi le, lâi a rêl kumza lai. A ram chu a vei lai lo le, a thiltikhonâk nih dawngh a nei lai lo.

MATHAI 26:63

Jisu lam chu a dâisip. Chun, Bâwlpu Lalchem nih chun a sinah, “Pathian nung min hen ka nan fâi. Mesia, Pathian Fapa chu na si ma? Hawng kan simh,” a ti.

THILTI 14:15

“Pu le tla, hi bang thil hi zei rangah nan ti? Kannih khawm nan thinlung hâwi put minung kan si; hi bang thil mang tlâklo tla nan hertâk hen vân le, tual le, tisumsumriat le, an sungah um mi zawzawng siamtu Pathian nung sinah chun nan hawng a her khonâk ding hen Thâwngthâng Ṭha kan tlunh na asi.

ROM 3:20

Chun, Dân thilti ruangah âukhawm a mitmuh ah mawh lo hen an um lo, Dân ruangah sual theih rangtlingnâk a hawng um dangâiah.

2 KORIN 6:16

Pathian Biakin leh ruk khawm nih zei me remnâk an nei? Kannih lam chu Pathian nung Biakin kan si; Pathian nih, “Anmah lakah ka um lai le, anmah lakah ka tâwi ber lai; chun, an Pathian kasi lai le, annih khawm ka mi tla an si lai,” a ti hâwi khan.

DEUTERONOMY 4:33

Nanmah hâwi hen Pathian nih mei thawk hen an sinah thu a sim mi an theih hen an nung mi âu nan theih dah tâwn?

DEUTERONOMY 5:27

Mosi, va kîr le, LALPA kan Pathian nih a sim mi zeizawng va ngâi. Chun hawng kîr le, na sinah a sim mi zawng hawng kan simh bâk. Kan ngâi lai le, kan zûl lai,’ an ti.

1 THESALONIKA 1:9

Anmah tla ngelchel nih nan lakah zei hâwi sunhsaknâk me kan tawng kan thâwngthâng chu an theihtir na tâwn; Pathian nung leh dik tak rianṭuan ding leh a Fapa Jisu thihnâk lakah mi a thawh mi leh Pathian thinrunhnâk hawng tlung ding lakah hawng kan ruangsuahtu Jisu kha vân a mi ngâk ding hen, ruk tla chu, Pathian leiah nan hawitâk zia khawm kha an theihtir na ber tâwn asi.

JOSUA 3:10

Nan kalnâk zawng ah Kanaan mi tla, Hit mi tla, Hiv mi tla, Periz mi tla, Girgasit mi tla, Amor leh Jebus mi tla Kanaan ram ah mi a nar na lai.

LÂIRÊL 13:22

Manoah nih a nupi sinah, “Pathian kan muh ruangah kan thi ding ko rawh,” a ti.

1 SAMUEL 17:26

David nih a kiangah mi tla sinah, “Hi bang hâwi Israel ningzak saihtu Philistia mi thahtu nih zei a tawng awt? Chu lo khawm ah hi Pathian nung kawrsen tla zuamtu Philistia minung lunglotu hi âu mesi?” ti hen a deih na.