DEUTERONOMY 5:16 - Bawm Common Language Bible Version

¹⁶ “ ‘Kei, LALPA nan Pathian nih thu kan pêk na mi hâwi hen nan nu leh nan pa tla zah na ule, thil zeizawng tluang tak hen a kal lai le, kan pêk na mi ram ah sâwt tak hen nan um kho lai.

DEUTERONOMY 5:16 ပူးပေါင်းရင်းမြစ်များ

EXODUS 20:12

“Nan nu leh nan pa zah na u, chu tikah ka nan pêk na mi ram ah hin nan san sâu lai.

THUFING LASUIBU 3:1

Ka fapa, ka nan sîntir mi chu philh lah. Ti ding ka nan simh mi chu theihkumza rawh.

EZEKIEL 22:7

Khuapi lakah âukhawm nu leh pa zahtu an um lo. Ramdang minung chu na perpet le, numei leh mi ngâkṭah tla chu dingchangnâk ah na mang na.

LEVITICUS 19:3

Mikip nih nan nu leh nan pa nan zah ding asi; thu kan pêk na mi hâwi hen Dinhni nan ulh ding asi. Kei, LALPA nan Pathian kasi.

MATHAI 19:19

na nu leh na pa chawnglawmh rawh,” ti mi tla leh, ‘Nangmah na dâwt hâwi hen na zâwlbâwm tla na dâwt ding asi,’ ti hi,” a ti.

MARK 10:19

Thupêk tla chu na theih ko khateh, ‘Mi thah lah, ṭângdang pawmtâk lah, fîr lah, theihpitu âwkrâwl ah suak lah, bum lah, na nu leh na pa zah rawh,’ ti tla hi,” a ti.

MARK 7:10

Mosi nih, ‘Na nu leh na pa chawnglawmh rawh,’ ti leh, ‘Âuzawng a nu mawh a pa simsiattu zawng chu thi ding asi,’ a ti khateh.

LUK 18:20

Thupêk tla na theih khateh, ‘Ṭângdang pawmtâk lah, fîr lah; phiar lah, na nu leh na pa chawnglawmh rawh; ti tla hi,’ ” a ti.

DEUTERONOMY 11:9

Nan thlâktu tla leh an thlâk tla sinah pêk ding hen LALPA nih a tiamh mi ram ṭha leh neihnâk ram ah sâwt tak nan um lai.

DEUTERONOMY 27:16

“A nu leh pa siarlotu tlûnah Pathian siat um seh,’ an ti lai. “Mi zapi zawzawng nih ‘Amen!’ ti hen an sâng lai.

DEUTERONOMY 4:40

Tusûn ni ah ka nan pêk na mi dân zawzawng chu zûl ule, nan thlâk leh nanmah rangah sul-le-lam tluangnâk asi vima lai. LALPA nan Pathian nih nan tâ si kumza ding hen a nan pêk na mi ram ah hin nan um vima lai,” a ti.

DEUTERONOMY 5:29

Hi hâwi hen an dawn kumza hen, keimah lâwng an ka zah kumza hen ka thupêk tla an zûl kumza chun zeizawng ah an sul-le-lam a tluang lai le, an thlâk tla khawm an um kumza lai.

DEUTERONOMY 5:33

A ektê hen zûl ule, churawhchun thil zeizawng ah nan sul-le-lam a tluang lai le, nan va luah ding mi ram ah chun nan um kumza lai.

DEUTERONOMY 6:2

Chu ram ah nan um kar zawzawng chu nanmah leh nan thlâk tla nih LALPA nan Pathian chu zah hen a dân ka nan pêk na mi zawzawng hi nan zûl ding asi, chu tikah chu ram ah chun sâwt tak nan um kho lai.

KOLOSA 3:20

Ngâksia le tla, zeizawng ah nan nu leh pa thu zâwt u, chu chu Lalpa lakah lawmh a kâi asi.