DEUTERONOMY 5:15 - Bawm Common Language Bible Version

¹⁵ Nannih khawm Aigupta ram ah sal nan si. Kei, LALPA nan Pathian nih ka thiltikhonâk rokual leh ka chaknâk hen kan suah na mi nan si ti theihkumza u. Churuang tak chun Dinhni ulh ding hen thu ka nan pêk na asi.

DEUTERONOMY 5:15 ပူးပေါင်းရင်းမြစ်များ

GENESIS 15:13

LALPA nih a sinah, “Na thlâk tla chu mi ram ah an um lai le, chunah chun sal an si lai le, kum zali nehsawh hen an um lai.

GENESIS 19:16

Lot chu â nam chiam le; LALPA nih chun zeitin tal a zângfah khawmsele, a nupi leh a fanu panih chu an tleih na le, khuapi sung thawk hen an suah na rawh.

SAM 116:16

LALPA, kei chu na to-aw kasi; ka nu nih rian a ṭuan hâwi hen kei khawm nih na rian ka ṭuan. Thihnâk lakah mi nangnih na hawng ka hum.

SAM 136:12

A chaknâk leh thiltikhonâk bân hen a ti mi asi; a dâwtnâk chu zungzâl asi.

EXODUS 13:14

Mâilei ah nan fa tla nih, hi hi zei ulhnâk me si ti hen an deih na chun, ‘Sal ah kan umnâk Aigupta ram ah mi LALPA nih a thiltikhonâk rokual hen hawng kan suakpi mi ruangah asi’ ti hen nan sâng na ding asi.

EXODUS 13:16

Hi ulhnâk hi thil zeimawh theihkumzanâk ding hen kan kut leh chal ah khimh mi hâwi asi; LALPA nih a thiltikhonâk rokual hen Aigupta ram thawk hen hawng kan suakpi mi theih nawlh lemang nâk asi,” a ti.

EXODUS 13:3

Mosi nih mi zapi sinah, “Tusûn ah sal nan sinâk mun Aigupta ram nan kaltâk mi ni hi theihkumza u. Hi ni hi LALPA nih a thiltikhonâk hen a nan suakpi na mi ni chu asi. Thilnu telh mi sang rerêng ei ding asi lo,

EXODUS 13:9

Hi ulhnâk hi nan kut lakah mawh nan chal ah mawh theihkumzanâk ding hen khimh mi hâwi hen theih u; LALPA nih a thiltikhonâk hen Aigupta ram ah mi a nan suakpi na ruangah LALPA dân chu theih nawlh ding hen nanna sîn hen nan sim kumza ding asi.

EXODUS 20:11

Ni ruk sungah, Kei, LALPA nih tual leh vân, tisumsumriat leh a sungah thil zeizawng ka siam le, a ni sarihnâk ah ka dîn rawh. Churuangah asi Kei, LALPA nih Dinhni chu mal ka sâwm le, ka thenhlimh mi chu.

EXODUS 6:6

Churuangah Israel fa tla chu ‘Kei, LALPA nih ruang ka suah na ding mi leh Aigupta sal an sinâk lakah mi ka suah na awt mi chu simh na. An tlûnah rêpnâk ṭihnungkâi tak hawng tlung ding hen ka bân chak ka phar lai le, ruang ka suah na lai.

ISAI 63:9

Anmah ruangsuah natu chu vânmifial asi lo, amah LALPA tak asi. A dâwtnâk leh a lungkhamnâk ruangah ruang a suah na mi asi. A lân khawm ah a zauhkhenh kumza na le,

DANIAL 9:15

“LALPA, kan Pathian, na mi tla Aigupta ram thawk hen na suah mi lakah na thiltikho zia na langh le, na thiltikho zia chu theih asi kumza asi. Thilsual kan ti le, thil diklo kan ti.

DEUTERONOMY 15:15

Nannih khawm Aigupta ram ah sal nan si mi kha theihkumza ule, chunah mi chu LALPA Pathian nih an suah na mi nan si ruangah, hi thupêk tla hi tuah kan pêk na mi asi.

DEUTERONOMY 16:12

Hi thupêk tla hi zûl ding hen theihkumza u; Aigupta ram ah sal nan si mi kha philh lah u.

DEUTERONOMY 26:8

A chaknâk leh a thiltikhonâk rokual hen Aigupta ram ah mi hawng kan suah rawh. Thilchê ti leh thilchê tla, thil ṭihnungkâi tla a tlungtir.

DEUTERONOMY 5:6

‘Aigupta ram ah sal ah nan um mi an suah natu LALPA nan Pathian kasi.

DEUTERONOMY 9:12

“Churawhchun, LALPA nih ka sinah, ‘Hi tlângah mi hi ṭum rereh, Aigupta ram thawk hen na hawng suakpi mi tla kha thilsual an ti le, anna râwk ver rawh. Thu ka pêk na mi duh lo hen kâng dang leiah anna her ving le, an rangah milem an siam,’ a ti.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.