DEUTERONOMY 5:14 - Bawm Common Language Bible Version

¹⁴ sikhawmsele a ni sarih ni chu ka sinah ap hen dinhnâk ni chu asi. Chu ni ah chun âukhawm nih rian an ṭuan ding asi lo, nan fa tla, nan sal tla, nan ran tla, ramdang minung nan ram ah mi tla khawm nih an ṭuan ding asi lo. Nanmah hâwi hen nan sal tla khawm anna dîn ding asi.

DEUTERONOMY 5:14 ပူးပေါင်းရင်းမြစ်များ

GENESIS 2:2

Chun, Pathian nih a thilsiam chu a lîm rawh ruangah ni sarih ni ah chun a dinhtâk rawh.

NEHEMIAH 13:15

Chu liau takah Juda mi tla nih grep hâng an sûr mi ka muh. Mi dang tla nih fâng, uain, grep, theipi leh thil dang tla an sanatung an phurhtir le, Jerusalem leiah an kalpi. “Dinhni ah zeikhawm zuar lah u” ka ti na.

NEHEMIAH 13:16

Tura ram ah mi minung Jerusalem ah um mi tla nih ngâ tla leh thil chikip Dinhni ah kan mi leh tla sinah zuar ding hen khuapi ah an hawng put.

NEHEMIAH 13:21

“Khuadei tiang nan um mi hi zeikhawm a ṭhatnâk a um lo. Hi hâwi nan ti nget chun rêpnâk nan tlûnah ka tlungtir awt,” ti hen ka simh na. Chu thawk chun Dinh ni ah an hawng kîr nawlh lo rawh.

NEHEMIAH 5:5

Kannih khawm kan hâwi Juda tla hen phun khat kan si dangâiah. Kannih fa tla khawm anmah fa tla hâwi hen an ṭha bâk lo ma? Kan fa tla chu sal ah kan siam ver na awt rawh. Kan fanu zei mi châng chu sal ah kan zuar ving na rawh. Kan phâisen leh kan grep dûm tla hawng kan lâk piak ving rawh ruangah a ti dân kan thiamlo rawh,” an ti.

EXODUS 23:12

“Zarhkar khat ah ni ruk kar rianṭuan ule, sikhawmsele, a ni sarih ni ah chun ṭuan lah u. Chu tikah nan sal tla leh ramdang mi tla rian an ṭuan piak natu leh nan ran tla anna dîn kho lai.

LEVITICUS 23:3

Ni ruk kar nan rianṭuannâk ding nan nei, sikhawmsele a ni sarih ni chu Dinhni asi ti theihkumza u. Chu ni ah chun rianṭuan lah ule, Pathian sawnh ding hen a pûm u. Dinhni chu LALPA tâ asi, zei mun tal ah um khawm ule mang vima u.

MARK 2:27

Chun, amah ber nih chun an sinah, “Dinhni hi minung rangah siam asi le, minung hi Dinhni rangah siam asi lo.

LUK 23:56

Chun, an lâwi nawlh le, zeilo rimthâw tla leh sariak rimthâw tla an siam. Chun, Dinhni ah chun thupêk hâwi hen anna dîn rawh.

DEUTERONOMY 5:13

Nan rianṭuannâk ding hen ni ruk nan nei,

HEBRAI 4:4

Ni sarih ni thu hi Pathian lasui thu nih zei mun ah mawh a sim asi: “A ni sarih ni ah chun Pathian nih a rianṭuan zawzawng a dinhtâk rawh,” ti hen.