DEUTERONOMY 4:40 - Bawm Common Language Bible Version

⁴⁰ Tusûn ni ah ka nan pêk na mi dân zawzawng chu zûl ule, nan thlâk leh nanmah rangah sul-le-lam tluangnâk asi vima lai. LALPA nan Pathian nih nan tâ si kumza ding hen a nan pêk na mi ram ah hin nan um vima lai,” a ti.

DEUTERONOMY 4:40 ပူးပေါင်းရင်းမြစ်များ

SAM 105:45

Churawhchun, a mi le tla nih a dân thu tla chu an zûl hen a thupêk tla an zûl khonâk ding hen. LALPA chu sawr u!

EXODUS 20:12

“Nan nu leh nan pa zah na u, chu tikah ka nan pêk na mi ram ah hin nan san sâu lai.

EXODUS 23:26

Nan ram sungah nunau nausiat leh ching mi rêng a um lai lo. San sâunâk kan pêk na lai.

THUSIMTU 8:12

Misual nih vei zâ thil sual a ti khawm ah a dam nget kho rih. Asi, thu an sim mi lakah: “Pathian thu na ngâi chun, thil zeizawng a dik lai.

ISAI 65:20

Fasêm thih khawm a um lai lo rawh le, minung san khawm sâutir asi lai. Kum zâ cho a dam mi chu seinotê ah ruat asi lai. Chu lânah a thi mi chu ka rêp na mi singsiahnâk asi lai.

JEREMIA 11:4

Aigupta ram, an rangah meialh hâwi mi thawk hen ka suakpi na liauah an thlâktu tla sinah thudântuk ka siam mi chu asi. Ka thu ngâi ding leh thu ka pêk na mi zeizawng ti ding hen ka simh na. An zûl mi asi chun, ka mi tla an si lai le, Kei, an Pathian kasi lai ti ka simh na.

JEREMIA 35:18

Churawhchun, Rekab phun tla chu LALPA Zeizawng tikho, Israel Pathian nih a sim mi chu ka simh na, “An thlâk natu Jonadab nih thu an pêk na mi chu nan ngâi le; a nan sîntir na mi chu nan zûl hen thu a nan pêk na mi zawzawng chu nan ti.

JEREMIA 7:23

Sikhawmsele thu ka pêk na mi chu an Pathian kasi khonâk ding leh annih chu ka mi le an si khonâk ding hen ê-aw ngâi ding hen thu ka pêk na asi. An sul-le-lam tluangnâk ding hen thu ka pêk na mi hâwitê um ding hen ka simh na.

JEREMIA 7:7

Nanna lêt mi asi chun, an thlâk natu rangah ting kumza ding hen ka pêk na mi ram ah hin ka nan umtir kumza na lai.

LEVITICUS 22:31

LALPA nih, “Kei, LALPA kasi, ka thupêk zûl u.

NUMBER 10:29

Mosi nih a nupi ṭapa Hobab, Midian mi Jethro fapa sinah, “LALPA nih hawng kan pêk mi mun leiah kan kal awt rawh. Israel tla chu sul-le-lam tluangtir ding hen thu a tiamh na rawh, churuangah kan sinah hawng bâk le, kan sul-le-lam tluangnâk kan voh bâk lai,” a ti.

JOHAN 14:15

“Nannih nih nan ka dâwt chun, ka thupêk tla nan zâwt lai.

EPHESI 6:3

“Chun na rangah a ṭha lai le, tual ah hin na dam sâwt lai.”

DEUTERONOMY 11:9

Nan thlâktu tla leh an thlâk tla sinah pêk ding hen LALPA nih a tiamh mi ram ṭha leh neihnâk ram ah sâwt tak nan um lai.

DEUTERONOMY 12:25

Hi bang thupêk tla hi nan zûl chun, LALPA a lâwm lai le, nanmah leh nan thlâk tla rangah thil zeizawng a tluang lai.

DEUTERONOMY 12:28

Thu ka nan pêk na mi zeizawng zumhkâi tak hen zûl ule, nan rangah leh nan thlâk tla rangah sul-le-lam tluangnâk asi kumza lai le; LALPA lawmhtirnâk ding hen thil dik nan ti ruangah.

DEUTERONOMY 22:7

A fa chu nan lâk kho lai le, a pinu chu nan thlah ding asi, chu tikah nan san a sâu lai le, nan sul-le-lam a tluang lai.

DEUTERONOMY 25:15

Tahnâk dik leh khinghnâk dik mang rawh, chu tikah LALPA nan Pathian nih a nan pêk na mi ram ah kum sâwt tak nan um lai.

DEUTERONOMY 32:47

Hi sîntirnâk tla hi thu salam asi lo; nan nungnâk bul tak asi. Zûl ule, Jordan Va kanh hen nan va luah ding mi ram ah nan um kumza lai,” a ti.

DEUTERONOMY 33:25

A khua chu thîr kulh kawtkâ hen hum hen um sele, Him tak hen um kumza seh,”a ti.

DEUTERONOMY 4:1

Churawhchun, Mosi nih zapi tla sinah, “Ka nan sîntir na mi dân hi zûl ule, chu tikah LALPA an thlâk natu Pathian nih an pêk na mi ram nan luah lai le, nung dam hen nan um lai.

DEUTERONOMY 4:2

Thu ka nan pêk na mi lakah zeikhawm sapsuan nâk nei lah ule, chu lakah mi zeitê khawm nan lawnh ding asi lo. LALPA nan Pathian thu ka nan pêk na mi cho zûl u.

DEUTERONOMY 4:5

“LALPA ka Pathian nih dân zûl ding hawng ka simh mi zawng chu kan sîntir na rawh. Nan va rûn hen nan va luah ding mi ram ah chun nan zûl kumza ding asi.

DEUTERONOMY 4:6

Zumhkâi tak hen zûl ule, phun dang tla lakah mifing nan sinâk a lang lai. Chubang dân zawzawng an theih tikah chun, ‘Hi phun rokual tak nih finghnâk leh theihthiamnâk an nei a!’ an ti lai.

DEUTERONOMY 5:10

Sikhawmsele hawng ka dâwttu leh ka dân zâwttu tla chu san sâng tiang an lakah ka dâwtnâk ka langh asi.

DEUTERONOMY 5:16

“ ‘Kei, LALPA nan Pathian nih thu kan pêk na mi hâwi hen nan nu leh nan pa tla zah na ule, thil zeizawng tluang tak hen a kal lai le, kan pêk na mi ram ah sâwt tak hen nan um kho lai.

DEUTERONOMY 5:29

Hi hâwi hen an dawn kumza hen, keimah lâwng an ka zah kumza hen ka thupêk tla an zûl kumza chun zeizawng ah an sul-le-lam a tluang lai le, an thlâk tla khawm an um kumza lai.

DEUTERONOMY 5:33

A ektê hen zûl ule, churawhchun thil zeizawng ah nan sul-le-lam a tluang lai le, nan va luah ding mi ram ah chun nan um kumza lai.

DEUTERONOMY 6:18

LALPA thusim a dik leh a ṭha mi chu ti ule, nan sul-le-lam a tluang lai. LALPA nih an thlak natu sinah a tiamh mi ram ṭha chu nan luah kho lai le,

DEUTERONOMY 6:3

Israel mi tla, ngâi ule, zûl u! Chun nan sul-le-lam a tluang lai le, phun chak tak nan hawng si lai le, neihnâk leh ram ṭha ah chun nan um lai, LALPA hawng kan thlâktu Pathian nih a tiamh mi hâwi hen.

1 TIMOTHE 4:8

taksa zawnghnâk hi ṭha chu a ṭha bâk le, Pathian sunhsaknâk nih chun tuah mi nungnâk leh nungnâk hawng um ding mi pêk ding hen tiamnâk a nei ruangah zeizawng ah a ṭha asi.