DEUTERONOMY 4:4 - Bawm Common Language Bible Version

⁴ sikhawmsele, LALPA nan Pathian ah zumhkai hen umtu tla chu tusûn ni tiang nung dam hen an um asi.

DEUTERONOMY 4:4 ပူးပေါင်းရင်းမြစ်များ

SAM 63:8

Na bân ah ka âwk le, na kut hen him tak hen na ka kil.

ISAI 26:20

Ka mi tla, nan in sungah va kal ule, in a khâr khumh pang u. Pathian thinthawknâk a reh lânlo chu hun sâwtlotê va a thup rih u.

EZEKIEL 9:4

LALPA nih puannêm aihtu chu a kawh le, “Jerusalem khuapi chu ṭawl le khuapi sungah thil fihnungkâi zawzawng an ti mi ruangah hamh hen lawksawng mi zawng chu an chal lakah singsiahnâk siam piak khap na,” a ti.

THILTI 11:23

Chun, anih chu a va tleng le, Pathian zângfahnâk chu a muh le, thungâi â lâwm, ṭhanemngâi tak hen Lalpa lakah zumhkâi ding hen an ektê hen a fawrh na rawh.

ROM 12:9

Dâwtnâk chu perpetnâk tel lo hen si seh. Sual lei chu hua ule, ṭhat lei chu tleih thlir u.

DEUTERONOMY 10:20

LALPA nan Pathian thu cho ngâi ule, amah cho sawnh u. A sinah zumhkâi tak hen um ule, amah min cho hen thutiamnâk nei u.

DEUTERONOMY 13:4

LALPA chu ṭih hen amah chu zûl ule, ê-aw ngâi tak hen a thupêk tla zûl u, zumhkâi tak hen amah chu sawnh u.

DEUTERONOMY 30:20

LALPA nan Pathian chu dâwt ule, a lakah ê-aw ngâi hen zumhkâi hen um u, chu tikah an thlâk natu Abraham, Isak leh Jakob tla sinah pêk ding hen thu a tiamh mi ram ah nanmah leh nan thlâk tla hen sâwt tak nan um lai,” a ti.

DEUTERONOMY 4:3

Peor Tlângah nanmah ngelchel nih LALPA thilti nan muh rawh asi. Chunah Baal sawnhtu zawng chu a veih hep na le,

DEUTERONOMY 4:5

“LALPA ka Pathian nih dân zûl ding hawng ka simh mi zawng chu kan sîntir na rawh. Nan va rûn hen nan va luah ding mi ram ah chun nan zûl kumza ding asi.

JOSUA 22:5

Mosi nih dân a nan pêk na mi chu zûl ding hen theihkumza ule; LALPA, nan Pathian chu dâwt ule, a duhzia hen thil ti u, a thupêk tla zûl ule, a lakah zumhkâi hen um u, nan thinlung leh nan thlarau zawzawng hen a nâwl zulh u,” a ti.

JOSUA 23:8

Chu hâwi ding ngâk hen, tuah nan umdân hâwi hen LALPA lakah chun zumhkâi hen um u.

THUPHUANG 14:4

Chubang tla chu nunau lakah â nawmh lo mi tla an si; nungâk thenhlimh hâwi an si, Dawrâ Fa kalnâk kip ah zûltu tla an si, Pathian rangah leh Dawrâ Fa rangah rah masa chem siding hen minung tla lakah mi tlanh an si.

THUPHUANG 20:4

Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.