DEUTERONOMY 4:39 - Bawm Common Language Bible Version

³⁹ Churuang chun tusûn ni tiang hen theihkumza ule, philh lah u; LALPA chu tual leh vân Pathian asi. Chu lo chu pathian dang rerêng a um lo.

DEUTERONOMY 4:39 ပူးပေါင်းရင်းမြစ်များ

2 SAMUEL 7:22

LALPA zahkâi, nang chu na rokual ngâk a! Nang hâwi âukhawm an um lo; nangmah cho Pathian na si zia kan theihkumza.

1 CHRONICLES 17:20

LALPA nang hâwi hi âukhawm an um lo, nangmah cho hi Pathian na si ti kan theihkumza.

1 CHRONICLES 28:9

Churawhchun, Solomon sinah, “Ka fapa, na pa Pathian chu thinlung lungkhat leh duhnâk nei hen a rianṭuan ding hen kan simh asi. Anih nih kan thinlung dawn leh kan duh mi zawzawng a theih hep. A sinah na kal chun a nan pawm lai. Sikhawmsele na hertâk chun a nan kaltâk pawt lai.

1 CHRONICLES 29:11

Nang chu na rokual hen thil na tikho, na rokual hen na chêu hen na lal. Tual leh vân ah mi thil zeizawng na tâ asi, nang chu lal zeizawng tlûnah lâirêltu sâng chem na si.

2 CHRONICLES 20:6

Lalchem Jehosaphat chu an mâika ah a dîr le, hâu fâk tak hen thla a cham. “LALPA hawng kan thlâktu Pathian, nangnih vân thawk hen laikulh ah mi phun zawzawng tlûnah lâi na rêl. Nang chu thil na tikho hen na chak, âukhawm nih do kho ding mi na si lo.

SAM 100:3

LALPA chu Pathian asi ti philh râlmâl lah u. Hawng kan siam le, amah tâ kan si. A mi tla kan si, a ranrual kan si.

SAM 115:3

Kan Pathian chu vân ah a um, a duh mi zawng a ti.

SAM 135:6

Tual ah leh vân ah a duh mi zawng chu a ti, tipi ah leh a tawdeng khawm ah.

EXODUS 8:10

Lalchem nih a sâng le, “Thâi ah thla hawng ka cham piak,” a ti. Mosi nih, “Na ka deih hâwi hen ka ti lai le, LALPA, kan Pathian hâwi hi pathian dang âukhawm a um lo ti na theih lai rawh.

ISAI 1:3

Ran nih a dâwngpu a theih le, sanatung tla nih an dâwngpu nih râwl a pêk na mi mun an theih. Sikhawmsele ka mi Israel tla ngâk hen an theih dauh. Annih nih chun an theih lo thlo,” a ti.

ISAI 43:10

“Israel mi tla, nannih chu keimah theihpitu nan si; ka to-aw siding hen kan thîm na le, nan ka theih hen nan ka lung hen keimah cho Pathian kasi ti nan theihthiam khonâk ding hen. Keimah lo chu pathian dang rêng a um lo; a lân khawm a um dahlo, hi nûn khawm ah a um rerêng lai lo rawh.

ISAI 44:8

Ka mi tla, ṭih lah u! A lân thawk hen tutiang hen thil a hawng tlung ding hen ka simkan mi chu nan theih le, nannih chu hawng ka theihpitu tla nan si. Pathian dang rerêng a um ma? Ka theih dahlo mi pathian thiltikho tak a um ma?” a ti.

ISAI 5:12

Na puai lakah ṭingṭang leh khuang leh theikhang tum hen leh uain tla nan din. Sikhawmsele LALPA nih zei thil a ti na theih lo.

DANIAL 4:35

Tual tlûnah mi tla chu zeikhawm ah a ruat na lo le; vân ah mi vânmifial tla leh tual tlûnah mi tla chu amah thu thu hen an um. Amah dotu leh a thilti sâwi khotu âukhawm an um lo.

HOSEA 7:2

Hi bang an sualnâk zawzawng hi ka theih ko ti an theih dahlo; sikhawmsele an sualnâk nih a kulh pang le, thuh pheh kho na ding an si lo,” a ti.

1 KORIN 8:4

Chun, ruk tla lakah bâwlnâk thil ei leikâng thu ah chun, ruk chu zeikhawm asi lo zia Pathian pakhat cho lo chu Pathian dang rerêng a um lo ti kan theih.

1 KORIN 8:6

Amah sin thawk hen zeizawng a suak le, kannih khawm amah rangah um kan si; Lalpa pakhat cho Jisu Krist chu a um, amah ruangah zeizawng a um, kannih khawm amah ruang ber ah um mi kan si.

DEUTERONOMY 32:12

LALPA cho nih a mi tla chu ramdang pathian bawmh lo hen a rui na.

DEUTERONOMY 32:29

Zei ruangah neh hen kan um ti khawm an theih lo; zei thil me a hawng tlung ti khawm an theih kho lo.

DEUTERONOMY 4:35

LALPA nih amah cho chu Pathian a sizia leh pathian dang rêng a um lo ti theihnâk ding hen hi hi an muhtir na mi asi.

DEUTERONOMY 6:4

“Israel tla, hi hi theih u! LALPA, LALPA amah cho chu kan Pathian asi.

DEUTERONOMY 7:9

LALPA nan Pathian amah cho chu Pathian asi hen zumh a kâi ti theihkumza u. A thudântuk leh a dâwtnâk dawnglo chu, amah dâwttu leh a thupêk zûltu tla sinah thlâk san sâng khat tiang hen a langhtir lai le,

JOSUA 2:11

Chu chu kan theih kâ hen thungâi kan ningṭih, nanmah ruangah kan thinlung thungâi kan lâu. LALPA nan Pathian chu tual leh vân Pathian asi.

1 SAMUEL 2:2

LALPA hâwi hen mi thenhlimh âukhawm an um lo; amah banghtu leh kan Pathian hâwi hum khotu âukhawm an um lo.