DEUTERONOMY 4:36 - Bawm Common Language Bible Version

³⁶ Vân thawk hen a hâu a nan theihtir na, an sîntir kho na ding hen; hi tual tlûnah hin a mei thenhlimh a nan muhtir na le, chu mei thawk hen chun nan sinah thu a hawng sim.

DEUTERONOMY 4:36 ပူးပေါင်းရင်းမြစ်များ

NEHEMIAH 9:13

Sinai Tlângah vân thawk hen na hawng ṭum le, na mi tla sinah thu na sim le, sîntirnâk ṭha tak leh Dân ṭha na pêk na.

EXODUS 19:18

Sinai Tlâng pumpi chu meikhû nih a tuam pang, LALPA chu mei hen a hawng ṭum ruangah. Meikhû chu meialhpî lakah mi meikhû hâwi hen a kâi le, zapi minung tla chu thungâi an thir.

EXODUS 19:19

Tâwtawrâwt hâu chu a fâk dadauh. Mosi nih thu a sim mi chu Pathian nih khuarît hâu hen a sâng.

EXODUS 19:9

LALPA nih Mosi sinah, “Sûm sah tak lakah ka hawng lai le, mi zapi tla nih ka nan sawnh mi an theih lai le, tu thawk hen an lung lai rawh,” a ti. Mosi nih mi zapi tla nih an sâng mi chu LALPA a simh le,

EXODUS 24:16

Mit ser rê mi chêu LALPA mâika mi chu tlâng tlûnah a hawng ṭum rawh. Israel mi tla mitmuh ah tlâng tlûnah mei a kâng mi chêu hâwi asi. Ni ruk kar chu tlâng chu sûm nih a khuh pang, a ni sarih ni ah chun LALPA nih Mosi chu sûm thawk hen a kawh.

DEUTERONOMY 4:12

LALPA nih mei thawk hen thu a hawng sim le, a thusim nan theih le, amah chu zei hâwi asi nan muh lo thlo mi tla kha simh na u.

DEUTERONOMY 4:15

“Sinai Tlângah LALPA nih mei thawk hen nan sinah thu a sim liau khan zei hâwi mi me asi, nan muh lo. Nanmah rangah ṭhatnâk ding hen

DEUTERONOMY 4:33

Nanmah hâwi hen Pathian nih mei thawk hen an sinah thu a sim mi an theih hen an nung mi âu nan theih dah tâwn?

DEUTERONOMY 8:5

LALPA nan Pathian nih pa nih a fa tla nun a simh hâwi hen repnâk hen lungfîm an suah na asi ti theih u.

HEBRAI 12:18

Nannih lam chu Sinai Tlâng tawngh kho mi meialh hen, sûmdum hen, mûi hen, thlipi hen, tâwtawrâwt rihâu hen thusim hâu umnâk tla kha tleng mi nan si lo le,

HEBRAI 12:25

Jisu nih nan sinah thu a sim mi êl lo ding hen a thiamthih u. Pathian nih Mosi mang hen tual ah thu a sim mi ngâi duhlotu tla men ruang an suak lo chun, kannih vân thawk hen thu hawng kan simh mi ngâi duhlotu châng chu zeitin ruang kan suak kho lai?