DEUTERONOMY 4:34 - Bawm Common Language Bible Version

³⁴ Aigupta ram ah LALPA nan Pathian nih a nan ti piak na mi hâwi hen phun dang lakah um mi suah ding hen kal ngamtu leh amah minung ah siam natu pathian rerêng nan nei mazei? Nan mitmuh ngelchel hen a thiltikhonâk rokual leh a chaknâk mang hen râi leh râltuknâk a tlungtir, thilchê a ti le, thilchê a umtir, thil ṭihnungkai tla a tlungtir.

DEUTERONOMY 4:34 ပူးပေါင်းရင်းမြစ်များ

SAM 136:12

A chaknâk leh thiltikhonâk bân hen a ti mi asi; a dâwtnâk chu zungzâl asi.

SAM 24:8

Lal rokual hi âu me si? LALPA chak leh thiltikho tak, râltuknâk ah nehtu LALPA chu asi.

SAM 78:12

An thlâktu tla nih an chawnh liauah Aigupta ram ah Zoan phâi ah Pathian nih thilchê a ti.

EXODUS 1:9

Anih nih a mi tla sinah, “Israel tla hi thungâi an tam hen an chak le, kan rangah zenh an kâi rawh.

EXODUS 10:21

Churawhchun, LALPA nih Mosi sinah, “Vân leiah na kut phar le, Aigupta ram khuh ding hen mûi sah tak a hawng um lai,” a ti.

EXODUS 10:7

Chun, lalchem rianṭuantu tla nih lalchem sinah, “Zeitiang riamruam me hi minung nih hawng kan nawktir awt? Israel mi tla hi suaktir na ko, LALPA an Pathian chu an va sawnh khonâk ding hen. Aigupta ram a râwk dep mi hi na theih lo ma?” an ti.

EXODUS 13:3

Mosi nih mi zapi sinah, “Tusûn ah sal nan sinâk mun Aigupta ram nan kaltâk mi ni hi theihkumza u. Hi ni hi LALPA nih a thiltikhonâk hen a nan suakpi na mi ni chu asi. Thilnu telh mi sang rerêng ei ding asi lo,

EXODUS 14:30

Chu ni ah chun LALPA nih Israel mi tla chu Aigupta mi tla lakah mi ruang a suah na rawh. Israel tla nih tipi kapah ruak a rîl phut mi chu an muh.

EXODUS 15:11

LALPA, pathian tla lakah nang hâwi âu me um? Thenhlimhnâk leikângah chê tak mi nang hâwi âu me um? ‘Nangmah hâwi hen mi chak leh thilchê tikho âu me um?

EXODUS 19:4

“Kei, LALPA nih Aigupta mi tla lakah ka thilti zia leh mupi tla nih a thla tlûnah a fa tla a put hâwi hen hinah ka sinah kan put na mi tla na muh.

EXODUS 3:10

Tuah Aigupta lalchem sinah ka nan fial asi, a ram ah mi ka minung tla chu suakpi hen na rui na ding hen,” a ti.

EXODUS 6:6

Churuangah Israel fa tla chu ‘Kei, LALPA nih ruang ka suah na ding mi leh Aigupta sal an sinâk lakah mi ka suah na awt mi chu simh na. An tlûnah rêpnâk ṭihnungkâi tak hawng tlung ding hen ka bân chak ka phar lai le, ruang ka suah na lai.

EXODUS 7:3

Sikhawmsele, lalchem chu a lung ka khungtir lai le, nan thu a ngâi dah lai loh; Aigupta ram ah thil ṭihnungkâi zeital ti khawmsele a siar lai loh.

ISAI 51:9

LALPA, meng le, hawng kan ṭangpi! Na thiltikhonâk mang le, ruang hawng kan suah rawh; a lânah na ti mi hâwi hen mang rawh. Tipi mi thilnung lian Rahab sâm diptu na si.

JEREMIA 21:5

Ka chaknâk zawzawng hen, ka thinthawknâk leh ka thinrunhnâk leh ka lungsilonâk hen ka nan do awt.

JEREMIA 32:21

Thilchê leh singsiahnâk hen kan mêlma tla chu na lâutir le, Aigupta ram ah na mi Israel tla chu na thiltikhonâk leh na chaknâk mang hen na suakpi na.

NUMBER 20:16

LALPA sinah ṭangpi deih hen kan âu. Kan âu hâu chu a theih le, Aigupta ram ah mi hawng kan suah ding hen vânmifial a hawng fial. Tuah chun na ramri ah mi khuapi Kades ah kan um.

DEUTERONOMY 1:30

LALPA nan Pathian nih an rui na lai le, an do piak na lai; Aigupta leh ramkaro ah nan muh mi hâwi hen khan.

DEUTERONOMY 10:21

Sawr u, anih chu nan Pathian asi, thilchê rokual tak an ti piak na mi chu nan mit ngelchel hen nan muh asi.

DEUTERONOMY 11:2

LALPA ruangah amah lakah theihthiamnâk nan nei mi chu theihkumza u. Hi theihthiamnâk neitu hi nan fa le tla asi lo, nanmah tla nan si. LALPA rokualnâk, a thiltikhonâk, a chak zia leh

DEUTERONOMY 26:8

A chaknâk leh a thiltikhonâk rokual hen Aigupta ram ah mi hawng kan suah rawh. Thilchê ti leh thilchê tla, thil ṭihnungkâi tla a tlungtir.

DEUTERONOMY 29:3

Râi ṭihnungkâi, thilchê ti tla leh thilchê rokual a ti mi tla chu nan muh asi.

DEUTERONOMY 33:29

Israel, na lâwptlo chiam e! Nangmah hâwi hen LALPA nih ruang a suah mi phun âukhawm an um lo. LALPA amah tak chu a nan vêng ding leh nehnâk a nan pêk ding hen na phâw leh na nâmsâu chu asi. Na mêlma tla chu khuaruatnâk deih hen an hawng lai le, nangnih na lamhbêk na lai.

DEUTERONOMY 34:12

Mosi nih Israel tla mitmuh ah thil rokual leh ṭihnungkâi a ti mi chu zei khuavâng khawm nih an ti kho lo.

DEUTERONOMY 5:15

Nannih khawm Aigupta ram ah sal nan si. Kei, LALPA nan Pathian nih ka thiltikhonâk rokual leh ka chaknâk hen kan suah na mi nan si ti theihkumza u. Churuang tak chun Dinhni ulh ding hen thu ka nan pêk na asi.

DEUTERONOMY 6:21

Churawhchun, nannih nih, Aigupta lalchem sal ah kan um le, LALPA nih a thiltikhonâk rokual tak hen ruang hawng kan suah.

DEUTERONOMY 7:19

Nanmah mit ngelchel hen râi ṭihnungkâi nan muh mi kha theihkumza u, thilchê ti leh thilchê tla, thiltikhonâk rokual leh chaknâk hen LALPA, nan Pathian nih an suah na mi kha theihkumza u. Chu hâwi hen Aigupta mi khawm a veih na le, tuah nan ṭih mi minung tla khawm hi a veih ver na lai.

DEUTERONOMY 9:29

Na thiltikhonâk rokual leh na chaknâk hen Aigupta ram thawk hen na suakpi na mi, na mi rang ding ah na thîm na mi an si lo mazei?’ ka ti.

JOSUA 24:7

ṭangpi deih hen an hawng ka auh le, Aigupta mi tla hen an karah mûi ka siah. Aigupta mi tla lakah chun tî ka luangtir le; ka nîmtir dep na. Chu hâwi hen Aigupta ram ah ka ti mi chu nan theih. “Ramkaro ah kum sâwt tak nan um.

1 PETER 5:6

Churuangah, a tik takah chun a nan chawnglawmh kho na ding hen Pathian kut chak tak tangah chun a nâutir u.