DEUTERONOMY 4:32 - Bawm Common Language Bible Version

³² “A lân mi tla, nan suak lânah mi, Pathian nih tual tlûnah minung a siam liau mi zawzawng tla ruat set u. Tual pumpi ruat nik u. Hi hâwi rerêng a lânah thil rokual a um tâwn ma? Zeital hi bang hâwi thil hi âunih theih dah tâwn?

DEUTERONOMY 4:32 ပူးပေါင်းရင်းမြစ်များ

GENESIS 1:27

Churawhchun, Pathian nih amah tak bangh ding hen minung tla a siam na rawh. Mipa leh nunau A siam na le,

2 SAMUEL 7:23

Israel mi tla sal ah tang mi, na mi rang ding ah na suah na mi hâwi hen tual tlûnah âu phun khawm an um lo. An rangah thilchê rokual tak tla na ti le, laikulh pumpi ah na min a thang rawh. Nangmah mi siding hen Aigupta ram ah mi na suah na mi tla, an kalnâk zawzawngah phun tla leh an pathian chu na nar piak hep na.

JOB LASUIBU 8:8

A lânah finghnâk thu tla ruat nik, kan pu tla nih thudik an ruat tâwn mi tla chu.

SAM 44:1

Pathian, a lânah hawng kan thlâktu nih anmah san ah thil rokual tak tla na ti mi chu hawng kan simh le, kanmah nâ ngelchel hen kan theih rawh.

EXODUS 34:10

LALPA nih Mosi sinah, “Tu chun Israel fa tla sinah thudântuk ka siam rawh. An mâika ah thil rokual tla zei ram khawm ah ti dahlo mi, hi tual tlûn zei phun lak khawm ah um dahlo mi ka ti awt. Mi zawzawng nih Kei, LALPA nih thil rokual ka ti kho zia an muh lai, nan rangah thil ṭihnungkâi ka ti awt ruangah.

ISAI 45:12

Kei, tual siam hen a sungah um ding mi minung siamtu kasi. Ka thiltikhonâk hen vân tla ka pharh le, nî leh thlâ leh ârfi tla ka thu thu hen ka siam na.

JOEL 1:2

Nannih tar tla leh Juda ram ah um mi zawzawng tla, nan nâ thlîr hen ngâi u. Hi bang hâwi mi thil hi nanmah san ah leh nan pa san ah a tlung dah tâwn ma?

AMOS 3:2

“Hi tual tlûnah phun zawzawng lakah nanmah cho hi kan theih na hen kan zauhkhenh na mi chu nan si, chu hâwi mi nan si ruang chun nan sual tla ṭihnung a kâi hen ka nan rêp na san chu asi,” a ti.

MATHAI 24:31

Chun, a vânmifial tla chu tâwtawrâwt hâu fâk tak hen a fial na lai. Chun thîm mi tla chu kâwlkil li ah mi dawnghnâk thawk hen khatlei dawngh tiang hen an pumh lai.

MARK 13:27

Chu tikah chun vânmifial tla chu a fial lai le, a thîm mi tla chu kâwlkil li ah mi tual dawngh thawk hen vân dawngh tiang hen a lâwr hen a pumh lai.”

DEUTERONOMY 28:64

“LALPA nih phun zawzawng nâwng ah tual dawnghnâk khatlei thawk hen khatlei kâng a dawnghnâk tiang an rekrâwi tir na lai le, chunah chun lung leh thing hen siam mi pathian, a nan thlâk natu leh nanmah khawm nih a lânah nan sawnh dahlo mi rian nan ṭuan lai.

DEUTERONOMY 30:4

A lât chemnâk kâwlkil ah an rek na khawmsele, LALPA nan Pathian nih a nan pumh na hen an kîrpi nawlh na lai,

DEUTERONOMY 32:7

“Tik a kal rawh mi hun sâwt tak asi rawh mi tla dawn set ule; Zei zei thil me a hawng um ti an simh na ding hen nan pa le tla rangah deih na u, Tar tla rangah a lânah mi thusim ding hen deih na u.

DEUTERONOMY 33:29

Israel, na lâwptlo chiam e! Nangmah hâwi hen LALPA nih ruang a suah mi phun âukhawm an um lo. LALPA amah tak chu a nan vêng ding leh nehnâk a nan pêk ding hen na phâw leh na nâmsâu chu asi. Na mêlma tla chu khuaruatnâk deih hen an hawng lai le, nangnih na lamhbêk na lai.

DEUTERONOMY 4:7

“Phun dang zei ti tal rokual khawmsele, an herh leh an duh ni ah an pathian nih naih na khawmsele, LALPA kan Pathian kan sinah a um mi hâwi chu asi lo. Zeiliau zawng ah ṭangpi kan deih chun hawng kan sâng.