DEUTERONOMY 4:31 - Bawm Common Language Bible Version

³¹ Anih chu khuaruattu Pathian asi. A nan kaltâk na lai lo, veih khawm an veih dep na lai lo, a nan thlâk natu tla sinah amah ngelchel nih thudântuk a siam mi khawm a philh lai lo.

DEUTERONOMY 4:31 ပူးပေါင်းရင်းမြစ်များ

1 CHRONICLES 28:20

Lalchem David nih a fapa Solomon sinah, “Zumh thlir le, tum thlir. Rian chu a dawmh le, zeikhawm nih an tlawlhtir lah seh. LALPA Pathian a rian ka ṭuan mi chu na sinah a um lai. LALPA nih Biakin sak ding mi rian na lîm lânlo chu kaltâk lo hen an um nawh kumza lai.

2 CHRONICLES 30:9

LALPA sinah nan hawng kîr chun nan unau sal ah put hen an um mi tla khawm anmah a lungkham na lai le, in leiah a tlungtir nawlh na lai, LALPA nan Pathian chu mi vêlnei leh khuaruat kho mi tak asi, a sinah nan kîr chun anih nih a nan pawm na lai,” ti hen.

NEHEMIAH 1:5

“LALPA, vân ah mi Pathian! Nang chu na rokual le, kannih chu nangmah ṭih hen kan um ko. Nangmah dâwttu leh na thupêk hâwi hen thil titu sinah chun na Thudântuk lakah rinhsanh tlâk na si.

NEHEMIAH 9:31

Chu khawm ah khua na ruat nget rih le, na kaltâk hen na veih dep na lo, nang chu Pathian vêlnei leh khuaruat mi na si!

SAM 103:8

LALPA chu khua a ruat hen mi a dâwt, a nunfual hen dâwtnâk dawnglo hen a khat.

SAM 105:8

A thudântuk chu zungzâl hen a kil lai, a thutiam chu thlâk sângkhat tiang hen.

SAM 111:4

LALPA nih a thilchê ti chu hawng kan philhtir lo; vêl a nei hen khua a ruat.

SAM 111:5

Amah zahtu tla chu ei ding a pêk; a thudântuk chu a philh dahlo.

SAM 111:9

A mi le chu a suah na, zungzâl thudântuk a siam. Thenhlimhnâk leh thiltikhonâk chu amah asi!

SAM 116:5

LALPA chu a ṭha hen khua a ruat le; kan Pathian chu zângfahnâk nei mi asi.

SAM 86:15

Sikhawmsele, LALPA nang lam chu, khuaruat mang leh dâwttu Pathian na si; dawnh kho kumza leh vâlnei leh zumhkâi na si.

SAM 86:5

Nang chu kan lakah na ṭha hen na kan ngaihdam, na sinah thlachamtu chu dâwtnâk dawnglo na pêk.

EXODUS 6:8

Abraham, Isak leh Jakob sinah ka tiamh thlir mi ram ah ka nan kalpi na lai le; Kei, LALPA nih nanmah tâ si rawh ding hen ka nan pêk na lai,” a ti.

JEREMIA 14:21

Na thutiam theihkumza le, hawng kan thlawrhthlâu lah; na laltophah rokual umnâk Jerusalem chu ningzaknâk tlungtir lah. Kan lakah thudântuk na siam mi khawm râwk lah.

JEREMIA 30:11

Nan sinah ka hawng lai le, ruang ka nan suah na lai. Ka nan rekrâwitir na mi ram ah phun zawzawng tla ka veih na lai le, sikhawmsele nannih lam chu ka nan veih na lai lo. Rêp lo hen ka nan suah na ding asi lo. sikhawmsele ka nan rêp na tik chun, ṭhat ka lawh lai. Kei, LALPA nih ka sim asi,” a ti.

LEVITICUS 26:42

Jakob, Isak leh Abraham sinah ka thudântuk leh ka mi tla sinah ram pêk ding hen ka tiamh mi chu ka tharh nawlh lai kati mi chu ka theihkumza lai.

LEVITICUS 26:44

Sikhawmsele, an mêlma tla ram ah an um liau khawm ah ka kaltâk na hen ka veih dep na lai lo. Chu nih chun an sinah thu dân ka tuk mi chu a dawngtir lai le, Kei, LALPA an Pathian kasi.

LEVITICUS 26:45

Kei, LALPA an Pathian kasi khonâk ding hen an thlâktu tla sinah phundang tla lakah ka thiltikhonâk langh hen Aigupta ram thawk hen ka suakpi na mi leh ka thudântuk chu ka tharh nawlh lai,” a ti.

JONA 4:2

Churawhchun, thla a cham le, “LALPA, in thawk hen ka suak lânah chu hâwi hen na ti lai kan ti mi hâwi kha asi taktê lo ma? Hi ruangah asi Spain ram ah tek ding ka tum mi kha. Nang chu mi dâwttu leh khuaruattu Pathian na si ti ka theih, na dawnh kho kumza, vêl na nei kumza, rêplo hen thinlung lêt tum kumza mi na si ti ka theih.

MIKAH 7:18

LALPA, nang hâwi mi pathian dang âukhawm an um lo; a thibang um rih mi sualnâk tla na ngaihdam na, nang chu na thin a thawk kumza lo le, sikhawmsele chu hâwi ngâk hen na lâwm hen zângfah dawnglo na kan muhtir.

NUMBER 14:18

‘Kei, LALPA mi nunfual kasi, mi hel tla lakah zângfahnâk rokual leh sual ngaihdamtu ding hen mi zumhkâi kasi, na ti asi lo ma?’ An nu leh an pa sual ruangah an tu leh an fa tla san thum leh san linâk tiang hen ka rêp na awt ti rawh khawm le;

LUK 1:72

Kan thlâktu tla khuaruatnâk ding leh a thudântuk thenhlimh theihkumzanâk ding hen;

DEUTERONOMY 31:6

Zumh thlir le, tum thlir. Annih tla chu ṭih na lah u. Nan Pathian, LALPA amah tak chu nan sinah a um lai. A nan thlahthlamh hen a nan kaltâk na lai lo,” a ti.

DEUTERONOMY 31:8

LALPA amah tak chu na sinah um hen an rui lai. An thlawrhthlâu hen an kaltâk lai loh, churuangah na thinlung dâwk lo hen ṭih khawm ṭih lah,” a ti.

HEBRAI 13:5

Nan thinlung put zia chu tangka sunhsaknâk tel lo si seh, nan thil neihlem tla tlûnah chun lungâwi u. Pathian nih, “Zeitik khawm ah ka nan thlahthlamh rîlmâl lai lo le, ka nan kaltâk rîlmâl lai loh,” a ti ruangah.

JOSUA 1:5

Josua, nang rangah neh khotu ding na dam karah âukhawm an um lai lo. Mosi sinah ka um hâwi ber hen na sinah ka um lai, na sinah ka um kumza lai le, zeiliau khawm kan kaltâk lai lo.