DEUTERONOMY 4:28 - Bawm Common Language Bible Version

²⁸ Chunah chun minung kut hen siam mi pathian tla, thing pathian, lung pathian muh kho lo mi, theih kho lo mi, ei kho lo mi leh rim khawm theih kho lo mi nan sawnh lai.

DEUTERONOMY 4:28 ပူးပေါင်းရင်းမြစ်များ

2 Lal 17:40

Sikhawmsele, chubang minung tla nih an ngâi duh lo le, an dân li ber an zûl vima.

ISAI 26:14

Tu chun an thi rawh le, an nung nawlh lai lo rawh; an thlarau khawm a thawk nawlh lai lo rawh, nangnih na rêp na hen na veih na rawh dangâiah. Âukhawm nih an theih na lai lo rawh.

ISAI 44:11

Âuzawng chu sawnhtu chu nâutir hen a um lai. Milem siamtu chu minung ko asi, a zeipi khawm asi lo. Nik ding hen hawng kal na sele, an lâu lai le, ningzak an tuar lai.

ISAI 44:12

Thîr dêngtu nih thîr sêutê a lâk le, mei ah a rawh. A bân chak hen thîr chu dêng ding hen tukboh a châwi. A ṭuan liau chun a sungvâng, a tîhâl le, a dî.

ISAI 44:9

Milem tla siamtu zawzawng chu zeikhawm asi lo, pathian tla rangah lâwmman sâng tak an pêk mi khawm zeikhawm asi lo. Chu hâwi milem sawnhtu chu mitchâw leh zeikhawm theihlo mi an si, an ning a zak teh lai.

ISAI 45:20

LALPA nih, “Phun zawzawng mi tla, Ram neh hen a um liauah thibang zawzawng tla hawng a pûm ule, niknâk lakah a pêk u! An thing milem hen khualâi ṭawltu tla, anmah hum kholotu pathian sinah thlachamtu tla, chubang minung tla nih chun zeikhawm an theih lo.

ISAI 46:7

An liangah an thâng le, an put; a mun ah an siah le, chunah chun an dîrtir, A umnâk mun ah mi khawm â ṭhial kho lo. Mi nih a sinah thla an cham khawmsele, a sâng na hen siatnâk lakah mi a hum kho na lo.

JEREMIA 10:3

Hi bang minung tla phung veih hi zeikhawm si lo. Thing mun ah mi thing chu hâu hen thing kertu nih a ruakhâu hen a ker le,

JEREMIA 10:5

Chubang hâwi milem tla chu chawngmazil phâisen ah langâk tla ṭih ding hen siam mi hâwi asi; an hawlh kho lo; an kal kho lo ruangah put an ngâi. Chubang tla chu ṭih na lah u: Zei nganfâk khawm an pêk na kho ding asi lo, ṭhat khawm an ṭhattir kho na ding asi lo,” a ti.

JEREMIA 10:9

An milem tla Spain ram ah mi tangkasa hen an luanh, Uphaz ram ah mi ngûn hen an luanh, chubang zawzawng chu thilsiam thiamtu tla rianṭuan ver asi; puan senduk leh dumpâwl, puan tah thiam mi tla nih an tah mi hen an thuamh na.

JEREMIA 16:13

Churuang chun, hi ram a mi hi kan suah ving na lai le, nanmah leh an thlâk natu theih dah lonâk ram ah kan siah na awt. Chunah chun pathian dang tla rian a sûn a zân hen nan ṭuan lai le, nan tlûnah kei nih khuaruatnâk ka langh awtlo rawh,’ ” a ti ti hen simh na.

EZEKIEL 20:32

Phundang tla hâwi hen leh ram dang ah um mi tla hâwi hen nan thinlung ah thing leh lung tla sawnh ding nan tum. Sikhawmsele chu chu asi dah lai lo.

EZEKIEL 20:39

LALPA Zahkâi nih, “Israel mi zawzawng tla, tuah a lâwm u! Nan milem rian kha ṭuan vima ko u! Sikhawmsele ka nan simh na, hi nûn chun nan milem lakah thil nan ap mi nih ka min thenhlimh nan zah lonâk chu an bângtir na lai le, ka thu nan ngâi lai rawh.

THILTI 19:26

hinah Ephesi khua cho silo hen, Asia ram pumpi ding dêng khawm, hi Pawl nih hin, ‘Kut hen siam mi pathian tla hi chu pathian asi lo,’ ti hen, mi cherkhet a lêm na le, anna pêk ver rawh asi ti nannih ngelchel khawm nih nan muh hen nan theih.

THILTI 7:42

Chun, Pathian nih a hawitâk na le, vân ah ârfi tla mâi an mûk khonâk ding hen annih tla chu a hawitâk na rawh, khuavâng lasuibu ah: ‘Israel phun le tla, ramkaro ah khan kum sâwmli karah sa thah hen leh ran thah hen kei nan hawng ka sawnh mazei?

DEUTERONOMY 28:36

“LALPA nih nanmah leh nan lalchem tla hen an thlâk natu um dah lonâk ramdang ah a nan kalpi ving na lai; chunah chun lung leh thing hen siam mi pathian tla rian nan va ṭuan lai.

DEUTERONOMY 28:64

“LALPA nih phun zawzawng nâwng ah tual dawnghnâk khatlei thawk hen khatlei kâng a dawnghnâk tiang an rekrâwi tir na lai le, chunah chun lung leh thing hen siam mi pathian, a nan thlâk natu leh nanmah khawm nih a lânah nan sawnh dahlo mi rian nan ṭuan lai.

DEUTERONOMY 29:17

An milem thing, lung, tangkasa leh ngûn hen an siam mi fihnungkâi tla nan muh asi.

THUPHUANG 9:20

Chun, chubang rêpnâk nih a thah bang minung tla nih chun, an thil siam sawnhnâk tla chu bângtâk lo hen, khuri tla leh ngûn milem tla, tangka milem tla, dâr milem tla, lung milem tla, thing milem tla, zeikhawm muh kho lo, theih kho lo, kal kho lo tla chu an sawnh le an rim lêm lo.

1 SAMUEL 26:19

Churuangah Bâwipa, ka thu sim hawng ka ngâi piak. Keimah hawng ka dotu ding hen LALPA nih an ruat mi asi chun, a sinah thil ap nih a thinlung dangtir seh; sikhawmsele minung nih a ruat mi asi chun LALPA nih an lakah siat tlungtir seh. LALPA ram ah mi chu an hawng ka nar le, pathian dang cho sawnhnâk mun ah um ding hen an ka tuah ruangah.