DEUTERONOMY 4:27 - Bawm Common Language Bible Version

²⁷ LALPA nih phundang nâwngah a nan rektir phin na lai le, chunah chun a thibang tâwmtê cho nan um lai.

DEUTERONOMY 4:27 ပူးပေါင်းရင်းမြစ်များ

GENESIS 11:4

“Tuah khuapi siam sele, vân tawngh khet hen insâng kan sak lai, kan min thangnâk ding leh tual tlûnah kanna rek ver lonâk ding hen,” an ti.

GENESIS 34:30

Jakob nih Simeon leh Levi sinah, “Ka lawksawngnâk nan siam; tu chun Kanaan mi tla, Periz mi tla leh hi ram mi zawzawng nih an hawng ka hua lai rawh; minung tâ nih tam ka nei lo; thu anna rual hen an hawng ka do chun, kan dâwngsung zawzawng vei dep ding asi ko rawh,” a ti.

NEHEMIAH 1:3

A thibang an ram leiah tlung mi tla chu thungâi anna hamh, an kiangkam ramdang minung um tla nih thungâi an zauhnawmh ti an ka simh. Jerusalem kulh khawm râwk chia hen a um nget ko rih le, a kulh kawtkâ khawm an duahnâk thawk hen remh asi lo rih ti an ka simh.

SAM 44:11

Dawrâ thah ding mi hâwi hen na kan ruat le; ramdang ah na kan rektir ver.

SAM 44:12

A man tâwmtê hen na mi tla chu na zuar na, man tâwmtê ding cho ah na ruat na hâwi hen.

ISAI 17:6

Mi tâwmtê cho a thibang an um lai le, Israel chu oliv thing a rah zawzawng kawih hep hen a tlûnlei ah a ṭeng pâr ah a rah panih pathum um mi mawh a tanglei ṭeng ah tâwmtê a um mi hâwi asi lai. Kei, Israel LALPA Pathian nih chu chu ka sim asi,” a ti.

JEREMIA 16:13

Churuang chun, hi ram a mi hi kan suah ving na lai le, nanmah leh an thlâk natu theih dah lonâk ram ah kan siah na awt. Chunah chun pathian dang tla rian a sûn a zân hen nan ṭuan lai le, nan tlûnah kei nih khuaruatnâk ka langh awtlo rawh,’ ” a ti ti hen simh na.

EZEKIEL 11:16

“Tuah ka sim mi hi na hâwi saltâng tla simh na. Phun lât tak tla sinah a nan umtir natu leh ram dangah a nan rekrâwitir natu chu keimah kasi. Sikhawmsele, an kalnâk mun kip ah an um sung zawzawng an sinah ka um awt.

EZEKIEL 12:15

“Phundang tla nâwngah leh ramdang ah ka rekrâwitir ver na tikah kei, LALPA kasi mi an theih lai rawh.

EZEKIEL 20:23

Churawhchun, ramkaro ah thutiamnâk dang ka siam. Laikulh pumpi ah rekrâwitir na ding hen thu ka tiamh.

EZEKIEL 22:15

Na mi tla chu ram kip ah leh phun lakah ka rekrâwitir na lai le, nan thilsual ti ka dawngtir lai rawh.

EZEKIEL 32:26

“Mesek leh Tubal khawm chunah chun an um le, an kiangkam ah an kawrsen tla thlân a um. An ektê hen fêmtan lo an si le, râltuknâk ah thah hen an um. Sikhawmsele a nung mi tla rangah an lâutir nget rih.

DANIAL 9:7

LALPA, nang lam chu thil dik na ti kumza le, sikhawmsele kannih chu kanmah karo ningzak kanna saih kumza. Na lakah kan diklo rawh ruangah, Israel tla ram nâi leh ram lât ah na rekrâwi tir mi zawzawng tla leh Judai ram leh Jerusalem ah um mi zawzawng tla chu kanna bang hep.

HOSEA 9:17

A thu an ngâilo ruangah, a rian a ṭuan mi Pathian nih a mi tla chu a nawng na lai, phun tla nâwngah vei leh vâk hen an um lai.

LEVITICUS 26:33

Nan tlûnah râltuknâk ka hawng tlungtir lai le, ramdang leiah nanna thektham ver lai. Nan ram tla a karo hen a um lai le, nan khuapi tla râwk hen a um lai.

ZEKARIA 7:14

Thlipi hâwi hen ramdang ah um ding hen ka sêm phin na. Hi ram ṭha tak hi a luahtu pakhat khawm umlo hen mâk hen a um.

DEUTERONOMY 28:36

“LALPA nih nanmah leh nan lalchem tla hen an thlâk natu um dah lonâk ramdang ah a nan kalpi ving na lai; chunah chun lung leh thing hen siam mi pathian tla rian nan va ṭuan lai.

DEUTERONOMY 29:28

LALPA chu thungâi a thin a thawk le, a thinthawknâk rokual tak hen an ram ah mi chu a ṭhial zek na le, ramdang ah a siah ving na, chunahchun tu liauah an um rawh.’

DEUTERONOMY 30:3

LALPA nan Pathian nih nan lakah khua a ruat lai. A nan rek na nâk phun lakah mi chu an kîrpi nawlh na lai le, sul-le-lam tluang tak hen an siam nawlh na lai.

DEUTERONOMY 32:26

An ektê hen ka veih dep na lai le, pakhat khawm theih an si lai lo rawh.