DEUTERONOMY 4:2 - Bawm Common Language Bible Version

² Thu ka nan pêk na mi lakah zeikhawm sapsuan nâk nei lah ule, chu lakah mi zeitê khawm nan lawnh ding asi lo. LALPA nan Pathian thu ka nan pêk na mi cho zûl u.

DEUTERONOMY 4:2 ပူးပေါင်းရင်းမြစ်များ

SAM 78:7

Hi hâwi hen Pathian lakah an lungnâk ngauh ding hen leh a thilti tla chu an philh lonâk ding hen, a thupêk tla an zûl kumzanâk ding hen.

THUFING LASUIBU 30:6

Pathian nih a sim lo mi thu, a sim na ti chun nun a nan simh lai le, âwkrâwl thusim na si zia a langh lai,” a ti.

THUSIMTU 12:13

Hi bang tla nûnah hin, thil pakhat cho sim ding a um: Pathian ṭih rawh, a thupêk zûl, hi bang tla zawng hi minung a siam na mi tla rang ding asi ruangah.

JEREMIA 26:2

“Zapi minung Juda khuapi thawk hen chunah Pathian sawnh ding hen hawng mi tla sinah, sim ding hen thu ka nan pêk mi zawzawng Biakin kulh sungah va dîr le, phuang rawh. Zeikhawm relh lah.

MATHAI 5:18

Thungâi tak hen ka nan simh na, tual leh vân hi a vei lânlo chu Dân thu ah mi lasui ṭialtê mawh lasui ṭialtê khingkhuai mawh pakhat khawm a vei lai lo, a ektê hen a tlungkim lânlo chu.

MATHAI 5:43

“ ‘Na zâwlbâwm tla dâwt le, na mêlma hua na,’ an ti, ti nan theih rawh.

GALATIA 3:15

Unau le tla, minung hâwi hen ka sim hi, minung thutiam si khawmsele birhtir rawh nûnah an phelh dahlo, sap khawm an sap dah ber lo.

DEUTERONOMY 1:3

Aigupta ram an mâknâk thawk hen a kum sâwmlinâk thla leikhatnâk ah LALPA nih mi zapi tla simh na ding hen thil zeizawng Mosi sinah thu a pêk mi chu a simh na rawh.

DEUTERONOMY 12:32

“Thu ka nan pêk na mi zawzawng ti ule, chu lakah mi chu zeikhawm sap lah ule, lawnh ber lah u.

DEUTERONOMY 13:1

“Nan lakah khuavâng nih mawh mang simhfiangtu nih mawh, a lânah nan sawnh dah loh mi Pathian sawnh leh zûl ding hen thilchê ti leh langhtir hen,

DEUTERONOMY 33:4

Mosi nih dân hawng kan pêk mi tla chu kan zûl, kan phun tla rangah kan roting chem asi.

DEUTERONOMY 4:14

LALPA nih dân zawzawng chu nan va rûn hen nan va luah ding mi ram ah nan zûl kumza ding hen an sîntir na ding hen a hawng ka simh.

DEUTERONOMY 4:40

Tusûn ni ah ka nan pêk na mi dân zawzawng chu zûl ule, nan thlâk leh nanmah rangah sul-le-lam tluangnâk asi vima lai. LALPA nan Pathian nih nan tâ si kumza ding hen a nan pêk na mi ram ah hin nan um vima lai,” a ti.

DEUTERONOMY 4:5

“LALPA ka Pathian nih dân zûl ding hawng ka simh mi zawng chu kan sîntir na rawh. Nan va rûn hen nan va luah ding mi ram ah chun nan zûl kumza ding asi.

DEUTERONOMY 5:29

Hi hâwi hen an dawn kumza hen, keimah lâwng an ka zah kumza hen ka thupêk tla an zûl kumza chun zeizawng ah an sul-le-lam a tluang lai le, an thlâk tla khawm an um kumza lai.

DEUTERONOMY 5:32

“Israel mi tla, LALPA nan Pathian nih thu an pêk na mi thil zeizawng nan ti mi chu theih u. A dân pêk pakhat khawm zûl lo hen um lah u.

JOSUA 1:7

Rep tak leh tumnâk nei thlir leh zumh thlir hen um; Mosi ka to-aw nih a nan pêk mi dân zawzawng zûl ding hen theih set, a zeitê khawm thlawrhthâu lah le, na kalnâk zawzawngah na dingchang lai.

JOSUA 8:35

Nunau ngâksia, ramdang minung an sinah um mi tla zawzawng pumhnâk ah Mosi thupêk zawzawng chu Josua nih a rêl hep.