DEUTERONOMY 4:16 - Bawm Common Language Bible Version

¹⁶ zei lem tal a banghpi hen siam hen sual lo ding hen a thiamthih u, mipa mawh, nunau mawh,

DEUTERONOMY 4:16 ပူးပေါင်းရင်းမြစ်များ

EXODUS 32:7

LALPA nih Mosi sinah, “Va ṭum sawm le, Aigupta ram thawk hen na suakpi na mi tla nih thilsual an ti le, an ka duh lo rawh.

ISAI 40:18

Pathian chu âu hen me kan tahṭhimh kho lai? Zei hâwi asi na sim kho lai ma?

ISAI 44:13

Thing hen thil siamtu nih thing chu a tah. Châwk hen a ruamâm a rîn le, a siamnâk ruakhâu a nei mi hen a ker le, a in ah siah ding hen minung mêl dawh tak put hen a tuah.

EZEKIEL 8:10

Churawhchun, ka va lût le, ka zauh. Vâm lakah rûl lem an rîn mi tla leh ran thianglo tla leh thil dang Israel tla nih an sawnh ding ah an rîn mi tla ka muh.

LEVITICUS 19:4

“Hawng ka kaltâk lah ule, milem sawnh lah u, thîr hen pathian siam hen sawnh lah u, Kei hi, LALPA nan Pathian chu kasi.

LEVITICUS 26:1

LALPA nih, “Milem tla siam mi ruklem, lung phun tla, lung rîn tla sawnh ding hen siam lah. Kei, LALPA nan Pathian kasi.

JOHAN 4:24

Pathian chu Thlarau asi, a sawnhtu tla nih Thlarau leh thudik hen an sawnh ding asi,” a ti.

THILTI 17:29

Chun, Pathian thlâk tla kan si rawh chun Pathian chu ngûn, tangka, lung mawh minung zungthiam leh thilthiam siam mi hâwi hen kan ruat ding asi loh.

DEUTERONOMY 16:22

Milem sawnhnâk ding hen lung zeikhawm phun lah u; chubang chu LALPA nih a hua asi.”

DEUTERONOMY 27:15

“Pathian siat chu lung hen mawh, thing hen mawh thîr hen mawh milem siam hen a thup hen sâwnhtu tlûnah tlung seh; LALPA nih milem sawnh chu a hua asi,’ an ti lai. “Mi zapi zawzawng nih ‘Amen!’ ti hen an sâng lai.

DEUTERONOMY 31:29

Ka thih nûnah hi minung tla hi an sual ding mi leh ka sîntir na mi tla an duh awtlo mi khawm ka theih ko. Tik a hawng tlung ding mi lakah siatnâk an tawng lai, a khap mi thil ti hen LALPA chu a thin an thawktir awt ruangah,” a ti.

DEUTERONOMY 4:23

LALPA nan Pathian nih nan sinah thudân a tuk mi chu philh lo ding hen theih set u. A thupêk zûl ule, zeitin mi zât lem khawm siam lah u,

DEUTERONOMY 4:25

“Chu ram ah chun sâwt tak nan um hen, fa tla, tu tla nan nei khawm ah zei lem banghpi khawm nan rangah siam hen sual lah u. Hi bang hi LALPA mitmuh hen sual asi le, a thinrunh tirnâk asi.

DEUTERONOMY 5:8

“ ‘Zei lem khawm, vân ah mi mawh tual tlûnah mi mawh tual tangah tî lakah mi mawh nan rangah nan siam ding asi lo.

DEUTERONOMY 5:9

Zei lem khawm sawnh hen mâimûk lah u, Kei, LALPA nan Pathian kasi ruangah, hel hi ka sâithiam lo. Hawng ka huatu tla chu an thlâk tla san thum leh san li tiang ka rêp na tâwn asi.

DEUTERONOMY 9:12

“Churawhchun, LALPA nih ka sinah, ‘Hi tlângah mi hi ṭum rereh, Aigupta ram thawk hen na hawng suakpi mi tla kha thilsual an ti le, anna râwk ver rawh. Thu ka pêk na mi duh lo hen kâng dang leiah anna her ving le, an rangah milem an siam,’ a ti.

1 TIMOTHE 1:17

Lalchem, zungzâl hen um mi, râwk kho lo, muh kho lo, Pathian tak cho chu zungzâl chawnglawmh leh rokual hen um seh! Amen.