DEUTERONOMY 4:1 - Bawm Common Language Bible Version

¹ Churawhchun, Mosi nih zapi tla sinah, “Ka nan sîntir na mi dân hi zûl ule, chu tikah LALPA an thlâk natu Pathian nih an pêk na mi ram nan luah lai le, nung dam hen nan um lai.

DEUTERONOMY 4:1 ပူးပေါင်းရင်းမြစ်များ

SAM 105:45

Churawhchun, a mi le tla nih a dân thu tla chu an zûl hen a thupêk tla an zûl khonâk ding hen. LALPA chu sawr u!

SAM 119:4

LALPA, dân tla na kan pêk hen zumhkâi tak a zûl ding hen na kan simh.

EXODUS 18:20

Pathian thupêk tla chu na sîntir na hen um ding dân tla leh an thilti ding khawm na simhfiang na lai.

JEREMIA 11:6

Churawhchun, LALPA nih ka sinah, “Juda khuapi tla leh Jerusalem khua lâi ah va kal rawh. Chunah mi tla sinah ka thuchah phuang le, ka thudântuk ngâi ding leh zûl ding hen simh na.

EZEKIEL 11:20

Churawhchun, ka dân tla an zûl lai le, zumhkâi tak hen ka thupêk tla an zûl lai rawh. Ka mi tla an silai le, kei an Pathian kasi lai.

EZEKIEL 20:11

Ka thupêk tla ka pêk na le, ka dân tla ka sîntir na, a zûltu tla rangah nungnâk ding hen.

EZEKIEL 20:21

“Sikhawmsele, chu thlâk tla khawm nih an ka siarlo. Ka dân tla an buar le, ka thupêk âuzawng a zûltu rangah nungnâk ding mi chu an zûl duh lo. Dinhni tla an nawmh. Anmah tla ramkaro ah thah hep na ding hen ka thinthawknâk fâk tak theihtir na ding ka tum.

EZEKIEL 36:27

Ka thlarau nan lakah ka siah lai le, ka thupêk kan pêk na mi zawzawng leh ka dân nan zûl mi tla ka nan muh na lai rawh.

EZEKIEL 37:24

An lalchem chu ka to-aw lalchem David hâwi asi lai. Lâirêltu pakhat tangah an um ver lai le, ka dân tla zumhkâi tak hen an zûl ver lai.

LEVITICUS 18:5

Dân ka nan pêk na mi zûl hen ti ule, chu hâwi nan ti chun nan nungnâk nan hum mi asi lai. Kei, LALPA kasi,” a ti.

LEVITICUS 19:19

“Ka thupêk zûl le, ran chu chi dang thlahtir lah. Phâisen pakhat ah thlâichî chi nih chîng lah. Puan zât nih hen tah mi a aih lah.

LEVITICUS 19:37

Ka thupêk leh ka dân zawzawng zûl u. Kei, LALPA kasi,” a ti.

LEVITICUS 20:8

Ka dân zûl u, Kei, LALPA a nan thenhlimh natu kasi,” a ti.

LEVITICUS 22:31

LALPA nih, “Kei, LALPA kasi, ka thupêk zûl u.

MATHAI 28:20

Chun, ngâinik u, kei zungzâl hen, laikulh dawngh tiang hen nan sinah ka um vima lai,” a ti.

LUK 1:6

An panih hen Pathian mitmuh ah rep tak hen an um le, simsâwi kawplo hen Lalpa thupêk leh dân zâwzawng zâwt hen an um tâwn.

JOHAN 15:14

Thu ka nan pêk na mi zawng nan ti chun, ka hâwi tla nan si lai.

ROM 10:5

Mosi nih chun “Dân ah repnâk zâwttu chu, chu repnâk ruangah chun an nung lai,” ti hen a rîn.

DEUTERONOMY 1:3

Aigupta ram an mâknâk thawk hen a kum sâwmlinâk thla leikhatnâk ah LALPA nih mi zapi tla simh na ding hen thil zeizawng Mosi sinah thu a pêk mi chu a simh na rawh.

DEUTERONOMY 1:8

Hi bang ram zawzawng tla chu Kei, LALPA nih a nan thlâk natu tla, Abraham, Isak leh Jakob leh an thlâk zawzawng tla rangah ka tiamh na mi asi; kal ule, luah u hawng kan ti’ ” a ti.

DEUTERONOMY 11:1

“LALPA nan Pathian chu dâwt ule, a dân zawzawng tla chu zûl kumza u.

DEUTERONOMY 11:32

tusûn ah dân kan pêk na mi hi zûl ding hen theihkumza u.

DEUTERONOMY 13:1

“Nan lakah khuavâng nih mawh mang simhfiangtu nih mawh, a lânah nan sawnh dah loh mi Pathian sawnh leh zûl ding hen thilchê ti leh langhtir hen,

DEUTERONOMY 16:20

Rep tak leh ṭha tak hen um kumza ule, churawhchun LALPA nan Pathian nih an pêk na mi ram nan luah lai le, chunah chun nan um kumza lai.

DEUTERONOMY 30:16

LALPA nan Pathian thupêk tusûn ah ka nan pêk na mi hi nan zûl chun, nan dâwt hen a thu nan ngâi hen a dân zawzawng nan kil chun nan sul-le-lam a tluang lai le, minung tam tak mi phun nan si lai. Nan va luah ding mi ram ah LALPA nan Pathian nih mal an sâwm na lai.

DEUTERONOMY 30:19

Tuhin thihnâk leh nungnâk, Pathian malsâwmnâk leh siatbarh thîm ding hen ka nan pêk na, nan thîm mi lakah theihpitu ding hen tual leh vân ka auh asi. Nungnâk chu thîm u.

DEUTERONOMY 30:20

LALPA nan Pathian chu dâwt ule, a lakah ê-aw ngâi hen zumhkâi hen um u, chu tikah an thlâk natu Abraham, Isak leh Jakob tla sinah pêk ding hen thu a tiamh mi ram ah nanmah leh nan thlâk tla hen sâwt tak nan um lai,” a ti.

DEUTERONOMY 4:40

Tusûn ni ah ka nan pêk na mi dân zawzawng chu zûl ule, nan thlâk leh nanmah rangah sul-le-lam tluangnâk asi vima lai. LALPA nan Pathian nih nan tâ si kumza ding hen a nan pêk na mi ram ah hin nan um vima lai,” a ti.

DEUTERONOMY 4:45

Aigupta ram an suaktâk nûnah Bethpeor khua zâwnah mi Jordan Va saklei kuam ah an um liauah hi bang dân tla hi a pêk na mi asi. Hi ram hi Hesbon khua ah lâirêltu Amor lalchem Sihon tâ asi. Mosi leh Israel mi tla nih Aigupta ram thawk hen an hawng suak liauah an neh mi chu asi.

DEUTERONOMY 4:8

Phun dang, zei ti tal rokual khawmsele, tusûn ni ah ka nan simh na mi hâwi hen dân dik an nei lo.

DEUTERONOMY 5:1

Mosi nih Israel mi tla a pumh na le, an sinah, “Israel mi tla, tusûn ni ah dân kan pêk na mi zawzawng tla hi ngâi u. A sîn ule, nan zûl ding mi chu theihthiam u.

DEUTERONOMY 5:33

A ektê hen zûl ule, churawhchun thil zeizawng ah nan sul-le-lam a tluang lai le, nan va luah ding mi ram ah chun nan um kumza lai.

DEUTERONOMY 6:1

“Hi bang dân tla zawzawng hi LALPA nan Pathian nih a nan sîntir na ding hen thu hawng ka pêk mi chu asi. Chu ram ah nan va lût hen nan luah tikah zûl u.

DEUTERONOMY 6:24

Churawhchun, LALPA kan Pathian nih hi bang dân zawzawng hi zûl ding hen leh amah chu ṭih ding hen thu hawng kan pêk rawh asi. Kan zûl asi chun kan phun tla hawng kan vêng kumza lai le, sul-le-lam tluang tak hen hawng kan kil lai.

DEUTERONOMY 7:11

Churuangah tuah nanna sîn mi chu zûl ule; tusûn ni ah dân ka nan pêk na mi zawzawng zûl u.

DEUTERONOMY 8:1

“Tusûn ni ah dân ka nan pêk na mi tla hi zumhkâi tak hen zûl ule, nan thlâktu tla sinah LALPA nih a tiamh na mi ram nan luah tikah nungdam hen tam tak nan zan khonâk ding hen.

DEUTERONOMY 8:11

“LALPA nan Pathian chu philh lo ding hen theih set u; tusûn ah ka nan pêk na mi a dân tla hi pakhat khawm relh lo hen nan zûl ding asi.

DEUTERONOMY 9:1

“Israel mi tla, ngâi u! Tusûn ni ah nanmah ngâk a chak leh rokual mi phun umnâk ram chu luah ding hen Jordan Va chu nan kanh awt rawh asi. An khuapi tla chu a lian hen a kulh tla thungâi a sâng.

JOSUA 3:9

Chun, Josua nih mipi tla sinah, “Hinah hawng hep ule, LALPA nan Pathian thusim ngâi u.