DEUTERONOMY 34:3 - Bawm Common Language Bible Version

³ Juda ram simlei kâng mi khingkhuai; leh Zoar thawk hen Jeriko tiang a tleng mi phâi, Tûm khuapi tiang hen.

DEUTERONOMY 34:3 ပူးပေါင်းရင်းမြစ်များ

GENESIS 13:10

Lot nih a kiangkam Jordan Vakuam zawzawng chu a zauh le, Zoar lei kalnâk tî tamnâk lei tla, LALPA DÛM mawh Aigupta ram ah mi hâwi chu a muh. (chu chu Sodom leh Gomorah khuapi LALPA nih a râwk lânah mi chu asi.)

GENESIS 14:2

chu lalchem dang panga tla: Sodom lalchem Bera, Gomorah lalchem Birsa, Admah lalchem Shinab, Zeboim lalchem Semeber leh Bela (mawh Zoar) lalchem tla chu do ding hen an suak rawh.

GENESIS 14:8

Churawhchun, Sodom lalchem, Gomorah lalchem, Admah lalchem, Zeboim lalchem leh Bela lalchem hi lalchem panga tla nih chun an kawrsen tla Sidim Vakuam ah an pumh na le,

GENESIS 19:22

A nam rereh! tek rawh, chu mun na tlung lânlo chu zeikhawm ti ding â tawng lo,” a ti. Lot nih khua fatê a ti ruangah a min ah Zoar a ti.

2 CHRONICLES 28:15

minung pali tla nih sal tleih tla chu nipuan an lâk mi tla leh thil an lâk mi tla chu an ṭhenh na. Puan leh pheikawk ruk ding an pêk na le, ei leh din ding tla a tâwk ding an pêk na le, an mâ bawih ding rangah oliv sariak tla an pêk na. Kal kho lo mi tla rangah sanatung tla an pêk na, sal ah put mi zawzawng tla chu Juda ram ah mi Jeriko tûm khuapi ah an put na. Churawhchun, Israel tla chu Samaria leiah an kîr rawh.

NUMBER 34:3

Simlei kâng chun Zin ramkaro thawk hen Edom ramri tiang asi lai. Saklei thawk hen simlei kâng Tipi Thi dawngh tiang asi lai.

LÂIRÊL 1:16

Mosi pupa thlâk Kenit mi tla chu tûm thing khuapi Jeriko thawk hen Juda mi tla sinah Juda ram ah Arad simlei mi ram fê leiah a kal bâk. Chunah mi Amalek mi tla sinah an va um bâk.

LÂIRÊL 3:13

Eklon nih Amon mi leh Amalek mi chu a bawppi na le, Israel tla chu a neh na le, Jeriko khua tûm khuapi chu a lâk rawh.