DEUTERONOMY 32:7 - Bawm Common Language Bible Version

⁷ “Tik a kal rawh mi hun sâwt tak asi rawh mi tla dawn set ule; Zei zei thil me a hawng um ti an simh na ding hen nan pa le tla rangah deih na u, Tar tla rangah a lânah mi thusim ding hen deih na u.

DEUTERONOMY 32:7 ပူးပေါင်းရင်းမြစ်များ

SAM 10:6

A thinlung hen, “Ka palh dah lai lo le, ka lawk khawm a sawng dah lai loh” a ti.

SAM 119:52

LALPA, a lânah na lâirêlnâk chu ka theihkumza, lungiam an ka sak kumza.

SAM 44:1

Pathian, a lânah hawng kan thlâktu nih anmah san ah thil rokual tak tla na ti mi chu hawng kan simh le, kanmah nâ ngelchel hen kan theih rawh.

SAM 44:2

Nangmah ngelchel nih lunglotu tla na nar hen, na mi le tla an ram na luahtir na zia leh Phun dang tla na rêp na le, na mi le tla sul-le-lam na tluangtir na mi chu.

SAM 77:8

Hawng kan dâwt awtlo rawh na maw? A thutiam a um awtlo rawh na maw?

SAM 78:5

Israel mi tla sinah dân tla a pêk na hen Jakob thlâk tla chu thupêk a pêk na. Kan thlâktu tla chu dân thu tla an fa tla sîntir na ding hen a simh na le,

EXODUS 12:26

‘Nan fa tla nih hi dân hi zei dân me si?’ an ti na chun,

EXODUS 13:14

Mâilei ah nan fa tla nih, hi hi zei ulhnâk me si ti hen an deih na chun, ‘Sal ah kan umnâk Aigupta ram ah mi LALPA nih a thiltikhonâk rokual hen hawng kan suakpi mi ruangah asi’ ti hen nan sâng na ding asi.

ISAI 46:9

A lânah thil a hawng um mi chu theihkumza ule, keimah cho Pathian kasi zia theihtir u, Keimah hâwi midang âukhawm an um lo.

ISAI 63:11

Sikhawmsele a lânah Mosi, LALPA to-aw dam liau an theihkumza le, thu an deih, “Tuah a mi ruitu tla tipi lakah mi ruangsuahtu LALPA kha zeiah a um? Mosi sinah a thlarau pêktu LALPA kha zeiah a um?” ti hen.

DEUTERONOMY 4:32

“A lân mi tla, nan suak lânah mi, Pathian nih tual tlûnah minung a siam liau mi zawzawng tla ruat set u. Tual pumpi ruat nik u. Hi hâwi rerêng a lânah thil rokual a um tâwn ma? Zeital hi bang hâwi thil hi âunih theih dah tâwn?

DEUTERONOMY 8:2

LALPA nan Pathian nih ramkaro pal hen lam lât tak kum sâwmli kar a nan rui na mi kha theihkumza u, a thupêk nan ngâi ma ngâilo, zei hâwi hen nan thinlung a um ti a theih kho ding hen nan lakah harsatnâk tlungtir hen a nan nik na mi kha.

LÂIRÊL 6:13

Gideon nih a sinah, “Pu, kan deih râu lai, LALPA kan sinah a um mi chu, zei zia hi bang thil zawzawng hi kan lakah a hawng tlung ne? Thilchê thu zawzawng LALPA nih Aigupta ram thawk hen a suah na mi thu kan pa le tla nih hawng kan simh si lo ma? LALPA nih hawng kan kaltâk le, Midian tla tlûnah khua ruat hen kannih chu hawng kan mâk rawh,” a ti.