DEUTERONOMY 32:5 - Bawm Common Language Bible Version

⁵ Sikhawmsele, nannih lam chu a mi siding hen zumh nan kâilo hen nan tlâklo. Phun sual tak leh perpet mang nan si.

DEUTERONOMY 32:5 ပူးပေါင်းရင်းမြစ်များ

GENESIS 6:12

Pathian nih laikulh chu a zauh le, sual ngâi hen a muh, mi zawzawng tla chu sual tak hen an um ruangah.

SAM 78:8

An thlâktu tla nih an hel le, ê-aw ngâilo mi leh bir tak a Pathian zumhnâk nei lo mi, a lakah zumhkâilo mi hâwi an silonâk ding hen.

EXODUS 32:7

LALPA nih Mosi sinah, “Va ṭum sawm le, Aigupta ram thawk hen na suakpi na mi tla nih thilsual an ti le, an ka duh lo rawh.

THUFING LASUIBU 8:8

Ka sim mi zawzawng chu a dik le; diklo leh pialnâk ding a um lo.

ISAI 1:4

Mi vânduai, phun sual tak, râwk hen um mi leh misual nan si! Nan sualnâk nih a nan niamtir na! LALPA Israel Pathian thenhlimh chu nan duh lo le, dunglei nan sît.

ISAI 63:8

LALPA nih, “Ka mi le an si; an ka perpet lai lo,” a ti. Churuangah an tuarnâk zawzawng lakah mi ruang a suah na.

HOSEA 9:9

Gibeah ah an um liau hâwitê hen an thilti lakah rinh an kâi lo. Pathian nih an sualnâk chu theih hen a rêp na lai.

ZEPHANIAH 3:7

Churawhchun, ka mi tla nih an hawng ka zah lai rawh le, ka nunsimhnâk khawm an pawm hen ka sîntir na mi khawm an philh lai lo ti ka ruat. Sikhawmsele a lân a mi hâwitê hen ṭhalo tak hen an um nawlh sawm fâwn.

NUMBER 23:21

Israel tla nih mâilei ah vânduainâk Leh nawknâk an tawng lo ding mi ka muhkanh asi. LALPA an Pathian chu an sinah a um le; An lalchem asi ti an phuang.

MATHAI 16:4

Tu san minung sual tak leh ṭângdang pawmtâk mang tak tla nih chun singsiahnâk an hâwl le, sikhawmsele Jona singsiahnâk cho lo chu an sinah singsiahnâk rerêng pêk asi lai lo,” a ti le, a sâng. Chun, anmah a mâk na le, a kaltâk ving na.

MATHAI 17:17

Chun, Jisu nih, “Tu san lungnâk nei lo leh simh har tla, zei tiang me nan sinah ka um lai le, zei tiang me ka nan sang kho na lai? Amah chu ka sinah hin hawngpi u,” a ti le, a sâng.

MATHAI 3:7

Sikhawmsele, Farisai tla leh Sadukai tla tam tak baptis ding hen an hawng kal mi a muh kâ hen an sinah, “Rûl thlâk tla, thinrunhnâk hawng tlung ding mi hi tektâk ding hen âunih an simh na?

LUK 9:41

Chun, Jisu nih, “Tu san minung lungnâk nei lo leh lungkhung le tla, zei tiang me nan sinah ka um lai le, ka nan sang kho na lai? Na fapa chu hinah hawng put,” a ti le, a sâng.

JOHAN 8:41

Nannih nih nan pa thilti chu nan ti tâwn, a ti. Chun, annih nih chun a sinah “Lakfâ tla kan silo, Pa pakhat chi kan nei, Pathian chu,” an ti.

THILTI 2:40

Chun, thu dang cherkhet hen a simhfiang le, “Hi bang misual tla sinah rêpnâk tlung ding mi lakah a vêng u,” ti hen a fawrh na.

THILTI 7:51

“Mi lungkhung, lunglo mi thinlung puttu leh nasêt tla, zeiliau zawng ah Thlarau Thenhlimh nan do kumza; nan thlâktu tla ti hâwi vima khan nan ti tâwn.

2 KORIN 11:3

Sikhawmsele, rûl nih chun ngamlêmnâk hen Evi chu a bum hâwi khan, Krist leiah taknâk leh thenhlimhnâk lakah mi chu zeitin hen mawh nan thinlung chu an râwk na lebang lai ti ka lâu asi.

DEUTERONOMY 31:29

Ka thih nûnah hi minung tla hi an sual ding mi leh ka sîntir na mi tla an duh awtlo mi khawm ka theih ko. Tik a hawng tlung ding mi lakah siatnâk an tawng lai, a khap mi thil ti hen LALPA chu a thin an thawktir awt ruangah,” a ti.

DEUTERONOMY 32:20

‘Ka ṭangpi na lai lo rawh; mi zumhkâilo leh mi lungkhung lakah zei me a hawng tlung ka zauhnik lai,’ a ti.

DEUTERONOMY 4:16

zei lem tal a banghpi hen siam hen sual lo ding hen a thiamthih u, mipa mawh, nunau mawh,

DEUTERONOMY 4:25

“Chu ram ah chun sâwt tak nan um hen, fa tla, tu tla nan nei khawm ah zei lem banghpi khawm nan rangah siam hen sual lah u. Hi bang hi LALPA mitmuh hen sual asi le, a thinrunh tirnâk asi.

DEUTERONOMY 9:24

Chu thawk hen chun LALPA lakah hel mang mi nan si ti kan theih na.

LÂIRÊL 2:19

Sikhawmsele chu ruitu chu a thi rawh chun an umdân li leiah kîr hen a lânah mi thlâktu ngâk hen an sual dauh. Midang pathian tla sawnh hen a rian an ṭuan le, sualnâk an ti mi chu lawnh ding an duh lo.