DEUTERONOMY 32:47 - Bawm Common Language Bible Version

⁴⁷ Hi sîntirnâk tla hi thu salam asi lo; nan nungnâk bul tak asi. Zûl ule, Jordan Va kanh hen nan va luah ding mi ram ah nan um kumza lai,” a ti.

DEUTERONOMY 32:47 ပူးပေါင်းရင်းမြစ်များ

THUFING LASUIBU 3:18

Mi a hawng fing mi chu thungâi anna lâwm, finghnâk nih nungnâk a pêk na.

THUFING LASUIBU 3:22

Nungnâk a nan pêk lai le, nun nuamnâk leh lâwptlonâk a nan pêk lai.

THUFING LASUIBU 4:13

Na sîn mi tla chu theihkumza. Na thiamnâk chu na nungnâk asi, ṭhadektê hen vêng.

THUFING LASUIBU 4:22

Theihthiam mi tla âuzawng sinah nungnâk leh ṭhiselnâk a pêk lai.

ISAI 45:19

A thup hen thu ka sim lo, ka thiltum chu ka thuh lo. A karo hen siat leh râwk hen um mi hawng ka zauhkhenh piaktu ding ah Israel mi tla ka herh lêm lo. Kei, LALPA thu dik simtu kasi; a dik mi chu mikip theih hen ka langh,” a ti.

LEVITICUS 18:5

Dân ka nan pêk na mi zûl hen ti ule, chu hâwi nan ti chun nan nungnâk nan hum mi asi lai. Kei, LALPA kasi,” a ti.

AMOS 5:4

LALPA nih Israel mi tla sinah, “Ka sinah hawng ule, nan nung lai.

MATHAI 6:33

Pathian Ram leh a repnâk chu hâwl masa dauh u, chuvachun chubang zawzawng chu a nan pêk sap na awt asi.

THILTI 7:38

Chu minung chu ramkaro ah mi zapi lakah Sinai Tlângah a sawnhtu vânmifial sinah leh kan thlâktu tla sinah a um mi kha asi; chu minung chu hawng kan pêk singsuan ding hen thu nung tla lâktu kha asi.

DEUTERONOMY 30:16

LALPA nan Pathian thupêk tusûn ah ka nan pêk na mi hi nan zûl chun, nan dâwt hen a thu nan ngâi hen a dân zawzawng nan kil chun nan sul-le-lam a tluang lai le, minung tam tak mi phun nan si lai. Nan va luah ding mi ram ah LALPA nan Pathian nih mal an sâwm na lai.

DEUTERONOMY 31:13

Hi hâwi nan thlâk tla LALPA nan Pathian dân theih dahlo mi tla nih an theih kho lai. Chu hâwi hen Jordan Va kanh hen nan va luah ding mi ram ah nan um kar zawzawng chu LALPA thu zûl ding dân an theih lai,” a ti.

DEUTERONOMY 33:25

A khua chu thîr kulh kawtkâ hen hum hen um sele, Him tak hen um kumza seh,”a ti.

DEUTERONOMY 4:40

Tusûn ni ah ka nan pêk na mi dân zawzawng chu zûl ule, nan thlâk leh nanmah rangah sul-le-lam tluangnâk asi vima lai. LALPA nan Pathian nih nan tâ si kumza ding hen a nan pêk na mi ram ah hin nan um vima lai,” a ti.

DEUTERONOMY 4:6

Zumhkâi tak hen zûl ule, phun dang tla lakah mifing nan sinâk a lang lai. Chubang dân zawzawng an theih tikah chun, ‘Hi phun rokual tak nih finghnâk leh theihthiamnâk an nei a!’ an ti lai.

DEUTERONOMY 8:3

Sungvâng tak hen a nan siam na le, churawhchun manna ei ding a nan pêk na, an thlâk natu tla nih a lânah an ei dahlo mi buh chu. Hi hi mi nih sang lak cho ah a ngauh lo hen, sikhawmsele thil zeizawng LALPA nih a sim mi lakah a ngauh ding hen a nan sîntir na mi asi.

1 TIMOTHE 4:8

taksa zawnghnâk hi ṭha chu a ṭha bâk le, Pathian sunhsaknâk nih chun tuah mi nungnâk leh nungnâk hawng um ding mi pêk ding hen tiamnâk a nei ruangah zeizawng ah a ṭha asi.

2 PETER 1:16

Kan Lalpa Jisu Krist thiltikho zia leh a hawng kalnâk thu kan theihtir na liau khan thiamthu fing tla zâwttu kan si lo le, a rokualnâk muhtu tla kan si dauh.

2 PETER 1:3

Amah rokualnâk leh ṭhatnâk zârah hawng kan kawhtu a thâwngthâng theih ruangah a Pathian thiltikhonâk nih nungnâk leh Pathian sunhsaknâk leikângah chun, thil zawzawng hawng kan pêk asi.

THUPHUANG 22:14

An nipuan thiang tak hen suktu leh nungnâk thing rah ei hen khuapi kawtkâ ah a lût khotu tla chu an thaw a suak.