DEUTERONOMY 32:4 - Bawm Common Language Bible Version

⁴ “LALPA chu nangmah vêngtu chak tak asi, a lampi zawzawngah rangtling leh rep tak asi; Na Pathian chu zumh a kâi hen a dik asi; A dik mi leh a ṭha mi vial a ti.

DEUTERONOMY 32:4 ပူးပေါင်းရင်းမြစ်များ

GENESIS 1:31

Pathian nih a siam mi zawzawng tla a zauh le, thungâi thlâk hen â lâwm. Zânlei a vei le, zînglei a hawng um, chu chu a ni ruknâk asi.

GENESIS 18:25

Sual nei lo mi chu sual nei mi hen bang cho hen na thah rîlmâl lai lo. Chu chu ti kho asi lo! Na thah duh rerêng lai lo. Na hei ti bâk chun, sual nei lo mi chu sual nei mi tla hen munkhat hen rêp an si awt, chu hâwi chu ti kho asi lo. Tual tlûn zawzawngah lâirêltu nih rep tak hen ti ding asi ruangah,” a ti.

2 SAMUEL 22:47

LALPA chu a nung! Hawng ka vêngtu chu sawr hen um seh! Pathian hawng ka humtu chaknâk leh rokualnâk chu phuang u!

2 SAMUEL 23:3

Israel Pathian nih a sim; Israel vêngtu nih ka sinah, “Diknâk hen lâirêltu lal nih chun Pathian lakah ê-aw ngâi hen a rêl mi chu;

2 CHRONICLES 19:7

LALPA chu ṭih ule, thiamthih tak hen thilti u, LALPA kan Pathian chu perpetnâk mawh, thliar leh dangnâk mawh, nawhnâk lâk mawh sâithiam lo mi asi,” a ti.

NEHEMIAH 9:8

Na lakah zumhkâi hen na theih le, a sinah thudântuk na siam. Kanaan mi tla ram, Hit mi tla ram, Amor mi tla ram, Periz mi tla ram, Jebus mi tla ram, Girgasit mi tla ram, a thlâk tla umnâk ding hen na tiamh. Nang chu zumh na kâi ruangah na thutiam chu na lêt loh.

JOB LASUIBU 34:10

Nannih theihthiamtu tla, ka thu ngâi u! Pathian zeizawng tikho nih thilsual a ti lai ma?

JOB LASUIBU 35:14

Job, Pathian ka muh kho lo na ti, sikhawmsele, felfê tak hen ngâk, na thu chu a mâika ah a um asi.

JOB LASUIBU 36:23

Âukhawm nih Pathian chu thilti ding hen an simh lo le, thilsual a ti ruang khawm ah âukhawm nih an phiar lo.

JOB LASUIBU 8:3

Pathian nih diknâk chu a lêt dahloh. Thil dik ti ding hen khawm a lêt dahlo.

SAM 100:5

LALPA chu a ṭha; a dâwtnâk chu zungzâl hen a um, zumh a kâinâk chu zungzâl tiang asi.

SAM 138:8

LALPA, thu na tiamh mi zawzawng chu na ti lai le, na dâwtnâk a dawnglo. Na rianṭuan na dawmh mi chu lîm rawh.

SAM 145:17

LALPA chu a thilti zawzawngah â rep le, a thilti zawzawngah khua a ruat.

SAM 146:6

Tual, vân, tisumsumriat, lakah a um mi zawzawng siamtu ngauhsantu chu a thaw a suak. A thutiam chu a kil kumza le;

SAM 18:2

LALPA chu hawng ka vêngtu leh ka kulhpi bir na si. Ka Pathian chu ka himnâk asi le, amah lakah ka him. Phaw hâwi hen a ka hum le, a ka vêng le, him tak hen hawng ka kil.

SAM 18:46

LALPA chu a nung! Hawng ka vêngtu chu sawr u! Ruang hawng ka suahtu Pathian rokualnâk chu phuang u!

SAM 19:7

LALPA dân chu a rangtling le, chaknâk thar a pêk. LALPA thupêk chu zumh a kâi asi. Mifinglo tla rangah finghnâk a pêk.

SAM 31:5

Nangmah zauhkhenh ding hen ka pêk. LALPA, nang chu Pathian zumhkâi na si ruangah na ka hum lai.

SAM 33:4

LALPA thu chu a dik hen a rianṭuan zawzawng chu rinhsanh a kâi.

SAM 78:35

Pathian chu anmah humtu asi mi leh zeizawng tikho chu anmah ṭangpitu asi ti an theih rawh.

SAM 9:16

LALPA amah ngelchel chu a lâirêl repnâk nih a langhtir le, misual tla chu anmah thilti nih a awh na.

SAM 90:16

Na to-aw tla hi na chaknâk hen thil na ti mi tla hawng kan muhtir le; kan thlâk tla chu na thiltikhonâk rokual zia muhtir na.

SAM 92:15

Hi nih hin hawng kan kilkâwitu nih chun diklonâk a nei lo mi leh LALPA chu mirep asi ti a langhtir.

SAM 97:2

Mûi leh sûm nih a kulh le; rep tak leh dik tak hen lâi a rêl.

SAM 98:3

A diknâk leh a dâwtnâk dawnglo hen Israel mi zapi le tla sinah a thutiam chu a kil thlir. Kan Pathian nehnâk chu munkip mi zawng nih an muh.

SAM 99:4

Lalchem Chak tak, diknâk chu na lawmh; Israel tla lakah diknâk chu na birhtir le; repnâk leh ṭhatnâk na tlungtir.

EXODUS 34:6

LALPA chu a kiangah a hawng le, Mosi rangah a kawh, “Kei, LALPA Pathian, lungkham leh siherhnâk nei mi kasi, mi nunfual leh dâwttu rokual zumhkâi kasi.

THUSIMTU 3:14

Pathian nih thil a ti mi zawng chu a um kumza awt ti ka theih. Chu lakah chun zeikhawm na sap kho lai lo, chu lakah mi zeikhawm na lâk kho lai lo. Pathian nih thil pakhat a ti mi chu amah ṭihtu ding hen hawng kan siam mi chu asi.

ISAI 17:10

Israel, lungpi a bir mi hâwi hen a nan humtu leh ruang a nan suahtu Pathian chu na philh rawh. Ramdang pathian sawnhnâk ding hen dûm thenhlimh lehlam na siam dauh.

ISAI 25:1

LALPA, nang chu ka Pathian na si; ka nan zah hen na min ka sawr lai. Thilchê tla na ti le; a lân thawk hen na thiltum chu zumhkâi tak hen na ti vima.

ISAI 26:4

LALPA chu zumh kumza ule, amah nih hawng kan hum kumza lai.

ISAI 28:16

Hi hi, tuah, LALPA zahkâi nih, ‘Zion lungphun bir tak leh chak tak ka siah. Chu lakah chun a ki mi lung ka siah le, chu lakah thu tla rîn mi ka siah, ‘Lungnâk bir tak chu a felfê ber asi.’

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

ISAI 32:2

An ektê hen thli lakah dawrnâk leh thlipi lakah thupnâk mun an si chiau lai. Ramkaro ah tinungva tla a luang mi hâwi leh ram lâwng ah lungpi lian tak thlaliah hâwi an si lai.

JEREMIA 10:10

Sikhawmsele, LALPA, nang lam chu Pathian dik tak, Pathian nung, Zungzâl lalchem na si. Na thin a thawk liauah laikulh a thir, phun tla nih na thinthawknâk an tuar lo.

JEREMIA 9:24

Mi nih putso ding mi a duh chun, keimah hawng ka theih mi leh hawng ka theihthiamnâk putso seh, ka dâwtnâk chu a dawnglo hen repnâk leh diknâk ka ti ruangah. Chubang tla nih hawng ka lawmhtir. Kei, LALPA nih ka sim asi,” a ti.

DANIAL 4:34

Lal nih, “Kum sarih a hawng vei rawh chun, vân lei ka zauh le, ka thinlung ah theihnâk a hawng kîr nawlh. Pathian rokual chu ka sawr le, zungzâl um kumza mi sinah zahnâk leh rokualnâk ka pêk. “Anih nih lâi a rêl kumza lai le, a lalram chu zeiliau zawng ah a um kumza lai.

DANIAL 4:37

“Tu chun, kei Nebukadnezar nih Vân Lalchem chu ka sawr hen ka zah hen ka chawnglawmh rawh. Thil a ti mi zawng chu a dik hen a rep, zûm tak hen thil titu tla chu âuzawng a nâutir kho,” a ti.

HABAKUK 1:12

LALPA, nang chu a tîr thawk hen Pathian na si. Nang chu zungzâl ka Pathian thenhlimh na si. LALPA, ka Pathian leh hawng ka humtu, Babulon mi tla chu hawng kan rêp ding hen na thîm le, chak tak hen na siam.

HABAKUK 1:13

Sikhawmsele hi bang hâwi misual leh nehsawhtu tla hi zeitin na zuah kho na zia? Misual tla zauh ding hen chun na mit a thenhlimh tuk, mi nih thil diklo an ti mi khawm na zauh ziar kho lo. Churuang chun mi diklo nih mi dik rangah an veih liauah zeitin na dâisip zia?

ZEPHANIAH 3:5

Sikhawmsele LALPA chu khuapi sungah a um ko le, thildik a ti le, thil diklo chu a ti dahlo. Zîng siar hen a mi le tla sinah thildik a ti, sikhawmsele chunah mireplo tla nih thil diklo an ti kumza.

MATHAI 5:48

Chuvachun, nan Pa vân a mi a ṭha rangtling hâwi hen nan ṭha rangtling ding asi.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

JOHAN 1:17

Dân Mosi nih a pêk, zângfahnâk leh thudik Jisu Krist ruangah a hawng um.

JOHAN 14:6

Jisu nih a sinah, “Keimah hi lampi leh thutak leh nungnâk kasi; keimah lakah kal lo mi chu âukhawm Pa sinah an tlung lai loh.

JOHAN 5:22

Pa nih âu lâi khawm a rêl piak lo, lâirêl zawzawng Fapa a rêltir dauh;

ROM 1:32

Chu hâwi thil titu tla chu thi ding rêng an si ti Pathian ruat chu theih ko hen, anmah lâwng nih ti mi cho khawm silo hen, midang ti tâwntu tla tlûnah khawm anna lâwm tâwn.

ROM 2:2

Chu hâwi thil ti tâwntu tla tlûnah chun Pathian nih a lâirêlnâk chu dik tak asi vima asi ti kan theih.

ROM 2:5

Thinlung lianhnâk leh thinlung khauhnâk nan nei. Churuangah Pathian thinrunhnâk leh lâirêlnâk dik tak a hawng lang tik Ni ah chun nanmah rêpnâk lian dauh nan siam asi.

ROM 3:5

Sikhawmsele, kan a replonâk nih hin Pathian repnâk chu dawh khun hen a langhtir chun zeise kan sim lai? Pathian nih mi a rêp hen mi replo asi mazei? Minung ti dân hâwi hen ka sim asi.

1 KORIN 10:4

an ektê hen thlarau lei din ding munkhat hen an din chiau kha; anmah tla zûltu thlarau lei lungpi ah mi kha an din chiau; chu lungpi chu Krist chu asi.

DEUTERONOMY 10:18

Ngâkṭah leh numei tla a dâwt na, kan sinah ramdang minung um mi tla khawm a dâwt le, ei ding leh nipuan tla a pêk na.

DEUTERONOMY 32:15

“LALPA mi tla chu an nei dadauh le, sikhawmsele hel mang an si; An bit hen an khawp asi. An Siamtu Pathian chu an kaltâk le, an Ruangsuahtu chak chu an duh lo.

DEUTERONOMY 32:18

An Pathian, an Ruangsuahtu chak tak, anmah rangah nungnâk pêktu chu an philh asi.

DEUTERONOMY 7:9

LALPA nan Pathian amah cho chu Pathian asi hen zumh a kâi ti theihkumza u. A thudântuk leh a dâwtnâk dawnglo chu, amah dâwttu leh a thupêk zûltu tla sinah thlâk san sâng khat tiang hen a langhtir lai le,

JEM 1:17

Thilpêk ṭha leh thilpêk rangtling chu vân lei chêu tla siamtu Pathian thawk hen suak mi ver an si, â dang lo le, mûi ah khawm â chang lo.

JEM 4:12

Dân pêktu leh lâirêltu chu Pathian pakhat cho asi. Amah cho nih ruang a suah kho hen, râwk khawm a râwk kho asi. Na unau tla lâirêl piaktu ding hen âu me na rêl?

1 PETER 2:6

Churuangah, Pathian lasui thu nih, “Lung sung tak chu ka thîm le, Zion ah a ki ah ka siah; chun, âuzawng amah zumhtu chu an lungdawng lai loh,” ti hen a sim hâwi khan.

1 SAMUEL 2:2

LALPA hâwi hen mi thenhlimh âukhawm an um lo; amah banghtu leh kan Pathian hâwi hum khotu âukhawm an um lo.