DEUTERONOMY 32:23 - Bawm Common Language Bible Version

²³ ‘An tlûnah siatnâk dawnglo ka tlungtir lai le, ka chanhtiang fung zum chu an lakah ka mang lai.

DEUTERONOMY 32:23 ပူးပေါင်းရင်းမြစ်များ

2 SAMUEL 22:15

A lîthal a kah le, a mêlma tla a ṭhêk hep. Mîmthlalek chêu hen a ṭhêktir hep na.

2 Lal 22:17

Kei chu an hawng ka duh lo le, pathian dang tla sinah bâwlnâk an ap, churuangah an thilti zawzawng tla nih ka thin an thawktir. Jerusalem tlûnah ka thinthawknâk chu a reh ding asi lo.

SAM 18:14

A thal zum tla chu a hawng kah le, a mêlma tla chu anna rek phin; mîmthlalek hen a tektir phin na.

SAM 45:5

Na thalzum tla chu a hâr le, mêlma thinlung tla a sunh le, phun tla na kê bul ah an tlû.

SAM 7:14

Misual nih sualnâk a dawn mi leh nawknâk leh perpetnâk an tum mi chu zauh.

ISAI 26:15

LALPA, kan phun tla na ṭhangtir le, zei leikâng zawng ah a ram chu na kauh le, chu nih chun na rangah zahkâi tak hen a nan siam.

LUNGFÂKNÂK 3:13

Ka tak lakah chanhtiang thalzum lût bir hen a hawng ka kah.

EZEKIEL 14:21

Hi hi LALPA Zahkâi nih a sim mi chu asi: “Jerusalem tlûnah rêpnâk ṭhalo chem pali, râltuknâk, pâmnâk, ramsa tla leh râi, ran leh minung bang cho veihtu ka tlungtir awt.

EZEKIEL 5:16

Nan tî-râwl ka sah lai le, sungvâng hen kan siah na lai. Nanmah veihtu chanhtiang thalzum sunh hâwi hen sungvângh a fâk zia nan theih lai.

EZEKIEL 9:6

Tar tla, tlangvâl tla, nungâk tla, nu tla, ngâksia tla thah na u. Sikhawmsele an chal ah singsiahnâk neitu tla chu tawngh lah na u. Hi ka Biakin thawk hen dawmh u,” a ti. Churawhchun, Biakin ah dîr mi ruitu tla hen anna dawmh rawh.

LEVITICUS 26:18

“Chu hâwi tluk nûn khawm ah ka thu nan ngâilo nget rih chun, rêpnâk chu a leh sarih hen ka pungtir lai.

LEVITICUS 26:24

Churawhchun, ka nan hawitâk na lai le, a lân ah mi ngâk fâk dauh hen vei sarih ka nan rêp na lai.

DEUTERONOMY 28:15

“Sikhawmsele, LALPA nan Pathian thupêk leh a dân tla tusûn ni ah ka nan pêk na mi zawzawng zumhkâi tak hen nan zûl lo asi chun hi bang thil ṭhalo tatak tla nan sinah a hawng tlung lai.

DEUTERONOMY 29:21

LALPA nih Israel phun zawzawng theihtirnâk ding hen thudântuk lakah mi siatbarhnâk zawzawng, hi LALPA sîntirnâk bu ah rîn mi tla hâwi hen siatnâk a tlûnah a tlung lai.

DEUTERONOMY 32:42

Ka chanhtiang fungzum lakah a thî a zut lai le, ka nâmsau nih hawng ka dotu tla a thah na lai. Hawng ka dotu chu pakhat khawm ka zuah na awtlo; liamh mi tla leh rêng an tlâ mi khawm an thi lai,’ a ti.