DEUTERONOMY 31:9 - Bawm Common Language Bible Version

⁹ Mosi nih Pathian dân chu a rîn le, Levi bâwlpu tla LALPA Thudântuk Bâwm kilkâwitu leh Israel ruitu tla sinah a pêk na.

DEUTERONOMY 31:9 ပူးပေါင်းရင်းမြစ်များ

1 Lal 8:3

Ruitu tla zawzawng an ektê hen anna pûm hep rawh chun bâwlpu tla nih chun Thudântuk Bâwm chu an châwi le,

2 Lal 17:37

Nan rangah dân leh thupêk kan rîn piak na mi hi nan zûl kumza ding asi, pathian dang tla nan sawnh ding asi lo,

1 CHRONICLES 15:2

Churawhchun, David nih, “Levi tla chu Thudântuk Bâwm zawnhtu leh amah rianṭuantu si kumza ding hen LALPA nih a thîm na mi an si ruangah anmah murui cho nih an zawnh ding asi,” a ti.

NEHEMIAH 8:2

Churawhchun, Ezra nih zapi minung, nunau, mipa, ngâksia thu theih kho tâwk ding mi sinah chun Dân bu chu a put rawh.

NEHEMIAH 8:3

Chu kulh kawtkâ ram ah chun zîngtê khuadei thawk hen nî sûn tiang Dân chu a rêl le, thinlung tak hen an ektê hen an ngâi.

EXODUS 24:4

Mosi nih LALPA thupêk zawzawng chu a rîn rawh. A thâizîng zîngtê ah Mosi nih tlâng bul ah mâichâm a siam le, Israel fa phun zat, lung leinih a chuanh.

DANIAL 9:13

LALPA, Pathian, tutiang khawm ah kan sual tla lêt hen thudik zûl hen nangmah lawmhtir kan tum lo nget rih.

HOSEA 4:6

Ka mi tla chu an hawng ka theih lo ruangah an vânduai asi. Nannih bâwlpu tla, hawng ka theih ding nan duh lo hen kan sîntir na nâk khawm nan duh lo, churuangah nannih khawm kan nawng na, nan fapa tla khawm bâwlpu siding hen kan theih na awtlo rawh.

MALAKI 2:7

Pathian theihnâk dik sîntir chu bâwlpu rianṭuan asi. LALPA Zeizawng mifial an si ruangah an sinah ka duhzia sîn ding hen mi tla an kal ding asi.

MALAKI 4:4

Ka to-aw Mosi sîntirnâk thupêk leh dân Sinai Tlângah Israel mi tla zawzawng nih zûl ding hen ka pêk mi kha theihkumza u.

NUMBER 33:2

LALPA thupêk hen riakmun an khuar kip ah Mosi nih riakmun min chu a rîn.

NUMBER 4:15

Chun, riakmun chu an lâwm tikah, Aron leh a fapa tla nih a thuamthil zawzawng chu an khuh thluh rawh chun Kohat thlâk tla chu thil thenhlimh zawnh ding hen an hawng ding asi. Kohat thlâk tla nih thil thenhlimh tla chu an tawngh ding asi lo, an tawngh chun an thi lai. Hi hi zeiliau zawng ah Puanin an ṭhial kip ah Kohat thlâk tla mawhphurhnâk asi.

NUMBER 4:5

LALPA nih Mosi sinah hi bang hâwi sîntirnâk tla hi a pêk. Um mun ṭhial tikah Aron leh a fapa tla chu Puanin sungah an va lût lai le, Thudântuk Bâwm mâika mi puanzâr chu an lâwm lai le, chu hen chun Bâwm chu an khuh lai.

NUMBER 4:6

A tlûnah savun a ṭha mi hen khuh ding asi, chu tlûnlei ah puan dumpâwl mi hen khuh ding, chu tikah a zawnhnâk fung sawh ding asi.

MARK 12:19

“Sîntirtu, Mosi nih, ‘Âuzawng a unaupa nih fa nei lo hen a nupi thih tâk sele, a unaupa nih chun a nupi chu umpi hen a unaupa rangah chi a thlâk piak ding asi,’ ti hen hawng kan rîn piak asi.

LUK 20:28

a sinah, “Sîntirtu, Mosi nih âuzawng a unaupa nih nupi nei sele, fa nei lo hen thi sele, a unaupa nih a nupi umpi hen, a unaupa rangah chi a thlah piak ding asi ti hawng kan rîn piak asi.

JOHAN 1:17

Dân Mosi nih a pêk, zângfahnâk leh thudik Jisu Krist ruangah a hawng um.

JOHAN 1:45

Philip nih chun Nathanael a muh le, a sinah, “A thâwngthâng Mosi nih Dân lasuibu ah a rîn mi leh khuavâng tla nih an rîn mi kha, amah chu kan muh rawh. Nazaret Jisu Josef fapa chu,” a ti.

JOHAN 5:46

Mosi nan lung chun kei khawm nan hawng ka lung rawh ding asi; anih nih chun keimah thâwngthâng a rîn ruangah.

DEUTERONOMY 10:8

Tlâng tlûnah khan LALPA nih Levi phun a mi tla chu bâwlpu rianṭuan ding hen Thudantuk Bâwm lakah thuneitu siding leh a min hen malsâwmnâk simtu ding hen a ruat na. Chu chu an rianṭuan asi kumza.

DEUTERONOMY 17:18

Lalchem a hawng si chun Pathian dân bu leh a sîntirnâk Levi bâwlpu tla nih an kil mi a bul ah mi thu bu siam mi a nei ding asi.

DEUTERONOMY 31:28

Ka mâika ah hin phun lakah ruitu leh rianṭuantu tla hawng pumh ver na, chu tikah hi bang thil tla ka simh kho na lai le; an tlûnah lung silonâk thu ah theihpitu ding hen tual leh vân ka kawh lai.

DEUTERONOMY 33:10

Na fa tla chu na dân zûl ding hen an sîntir lai le; Na mâichâm ah bâwlnâk an hawng ap lai.

JOSUA 3:3

“Bâwlpu tla nih LALPA nan Pathian Thudântuk Bâwm an zawnh mi nan muh tikah chun riaknâk mun tla siat ule, zûl na u.

JOSUA 6:12

Josua a thâi zîngtê ah a thawk le, a veinihnâk khawm chu bâwlpu leh kawrsen tla nih khuapi chu a lânah mi ni ah an ti hâwi hen an hêl rawh: a masa hen kawrsen vêngtu, a dunglei ah tâwtawrâwt tumtu bâwlpu pasarih, chu zûl ah bâwlpu LALPA Thudântuk Bâwm puttu tla, a dunglei chem ah vêngtu kawrsen tla. Hi kar zawzawngah hin tâwtawrâwt chu tum kumza asi.