DEUTERONOMY 31:3 - Bawm Common Language Bible Version

³ LALPA nan Pathian amah ngelchel chu nan mâilei ah a kal lai le, chunah phun a um mi tla chu an veih piak na lai, an ram nan luah khonâk ding hen; LALPA nih a sim rawh hâwi hen Josua chu an rui natu asi lai.

DEUTERONOMY 31:3 ပူးပေါင်းရင်းမြစ်များ

GENESIS 48:21

Churawhchun, Jakob nih Josef sinah, “Na ka muh hâwi hen, ka thih a nâi rawh le, Pathian chu na sinah a um lâi le, an thlâk natu nan pu umnâk leiah an kîrtir nawlh na lai.

THILTI 7:45

Chu ber chu kan thlâktu tla thlâk nawlh khawm nih an nei vima ding hen, Pathian nih kan thlâktu tla mâiah Phundang a nar mi tla ram an luah liauah khan Josua hen an lût; David hawng um tiang khan chunah chun a um ko.

DEUTERONOMY 1:30

LALPA nan Pathian nih an rui na lai le, an do piak na lai; Aigupta leh ramkaro ah nan muh mi hâwi hen khan.

DEUTERONOMY 3:28

Josua chu sîntirnâk pêk rawh. A thiltum lakah fawrh le, na muh mi ram luah ding hen zapi tla chu a rui hen a ṭangpi na awt ruangah,’ a ka ti.

DEUTERONOMY 31:14

Churawhchun, LALPA nih Mosi sinah, “Tam na dam lai lo rawh. Josua kawh le, Puanin ah hawngpi, chu tikah sîntirnâk ka pêk kho ding hen,” a ti. Mosi leh Josua chu Puanin ah an va kal le,

DEUTERONOMY 31:23

LALPA nih Josua Nun fapa chu a sawnh le, a sinah, “Zumh thlir le, tum thlir. Israel mi tla hi, ka tiamh mi ram ah na kalpi na lai le, na sinah ka um lai,” a ti.

DEUTERONOMY 31:4

LALPA nih Amor lalchem Sihon leh Og a neh na le, an ram a râwk dep na mi hâwi hen chubang minung tla chu a veih dep na lai.

DEUTERONOMY 34:9

Nun fapa Josua chu Mosi nih amah thlengtu ding a ruat mi asi ruangah finghnâk hen a khat rawh. Israel mi tla nih Josua thu chu an ngâi hen Mosi mang hen LALPA nih thu a pêk na mi khawm an zûl.

DEUTERONOMY 7:1

“LALPA nan Pathian nih nan va luah ding mi ram ah an kalpi na lai le, a sungah mi phun tam tak tla chu a nar hep na lai. Nan kalnâk kip ah nanmah ngâk hen tam dauh mi leh thiltikho dauh mi phun sarih: Hit mi, Girgasit mi, Amor mi, Kanaan mi, Periz mi, Hiv mi leh Jebus mi tla a nar phin na lai.

DEUTERONOMY 9:3

Sikhawmsele, nanmah ngelchel nih LALPA nan Pathian chu nan mâilei ah meihumpi hâwi hen a kal mi nan muh lai. Nan kalnâk zawng nan neh vima lai le, nan nar phin na lai, thu a tiamh hâwi hen tuko ah nan neh dep lai.

HEBRAI 4:8

Josua nih chun annih tla chu Pathian dinhnâk ah a kalpi na rawh asi, chun Pathian nih chu nûnah chun ni dang thu a sim lai lo rawh.

JOSUA 1:2

“Ka to-aw Mosi chu a thi rawh le, tuah a tîm le, Israel mi tla zawzawng hen Jordan Va kanh ule, Ka pêk na mi ram leiah kal u.

JOSUA 11:15

LALPA nih a to-aw Mosi sinah thu a pêk le, Mosi nih Josua rangah a pêk bâk. Josua nih chu thu a zûl. Mosi rangah thu a pêk mi zawng chu a ti ver.

JOSUA 3:7

LALPA nih Josua sinah, “Tusûn ah ka thilti ding mi chu Israel mi tla nih mi rokual tak hâwi hen nangmah zah anna dawmhnâk ding asi, Mosi sinah ka um mi hâwi hen nang sin khawm ah ka um ti an theih lai rawh.

JOSUA 4:14

nih Josua chu, chu ni ah chun LALPA nih zei hâwi tluk rokual hen a siam awt ti an thinlung ah ruatnâk a neihtir na. Mosi an zah hâwi hen a dam kar zawzawng amah chu an zah rawh.