DEUTERONOMY 30:7 - Bawm Common Language Bible Version

⁷ Nan lakah chubang siatbarhnâk zawzawng chu an hua natu leh an nehsawh natu nan mêlma tlûnah a tlung lai le,

DEUTERONOMY 30:7 ပူးပေါင်းရင်းမြစ်များ

EXODUS 23:22

Sikhawmsele, a thu nan ngâi hen thu ka pêk mi zawzawng nan zûl chun, nan mêlma zawzawng keimah nih ka do lai.

ISAI 10:12

Sikhawmsele, Lalpa nih, “Zion Tlângah leh Jerusalem ah thil ka ti mi ka lîm tikah, Asiria lal lianchem zûm hen â khâwng mi chu ka rêp lai ” a ti.

JEREMIA 25:29

Keimah khuapi thawk hen ka râwknâk rian chu ka dawmh awt. Rêp lo hen suak ding ma anna ruat? Si rilmâl lo, rêp an si ngelchel lai, tual tlûnah mi zawzawng tlûnah râltuknâk ka tlungtir awt ruangah. Kei, LALPA Zeizawng tikho nih ka sim asi.

JEREMIA 30:16

Sikhawmsele, tuah a nan veih natu tla chu veih hen an um lai le, nan mêlma tla zawzawng chu sal ah put hen an um lai. A nan nehsawh natu zawzawng chu nehsawh hen an um lai le, a nan rûn natu chu rûn hen an um lai.

EZEKIEL 25:12

LALPA Zahkâi nih, “Edom mi tla nih Juda tlûnah ṭhalo tak hen lehrûl an sam le, chu lehrûl samnâk nih Edom tlûnah mawhnâk a tlungtir.

EZEKIEL 25:15

LALPA Zahkâi nih, “Philistia mi tla nih hun sâwt tak an mêlma si rawh mi tla tlûnah ṭhalo tak hen phû an lam le, an hua tuk na ruangah an veih dep.

EZEKIEL 25:3

Kei, LALPA Zahkâi nih thu ka sim mi ngâi ding hen simh na: Ka Biakin nawmh hen a um mi muh chu nan duh zia asi, Israel ram râwk hen a um mi muh khawm nan duh zia, Juda sal ah kal mi muh khawm nan duhzia asi.

EZEKIEL 25:6

“Hi hi LALPA Zahkâi nih a sim mi chu asi: Nan za nan bengh le, lâwm bû hen nanna lawk. Israel ram nan zauhnawmh.

EZEKIEL 25:8

LALPA Zahkâi nih, “Moab nih Juda chu phun dang tla hâwi ber asi a ti ruangah,

AMOS 1:11

LALPA nih, “Edom mi tla chu an sual nûnah an sual nawlh ruangah ka rêp nget na awt. An unau Israel tla an thah na le, an lakah khuaruatnâk an nei lo. An thinthawknâk chu a dawng hen a bâng kho lo.

AMOS 1:13

LALPA nih, “Amon mi tla chu an sual nûnah an sual nget ruangah ka rêp nget na awt. An râltuknâk mun tam tak ah Gilead ram nunau râi mi paw an khei piak na.

AMOS 1:3

LALPA nih, “Damaska mi tla chu an sual nûnah an sual nawlh vima le, chubang tla ruangah ka rêp na nget awt. Gilead mi tla chu fâk tak hen an nehsawh na.

AMOS 1:6

LALPA nih, “Gaza mi tla chu an sual nûnah an sual nawlh le, churuang chun annih tla chu ka rêp nget na awt. Phun zawzawng an put na le, Edom mi tla sinah sal ah an zuar na.

AMOS 1:9

LALPA nih, “Tura mi tla chu an sual nûnah an sual nawlh le, churuang chun ka rêp na nget awt. Phun zawzawng Edom ram ah sal ah an put na le, remnâk thu zûl lo hen thil an ti.

OBADIAH 1:10

“Na unau Jakob thlâk tla na râwk hen na thah na ruangah na vei lai le, zahkâi lo hen na um pawt lai rawh.

ZEKARIA 12:3

Chu tik a hawng tlung tikah chun Jerusalem chu lung rit tak hâwi hen ka siam lai le, zei phun zawng nih châwi ding tumtu chu nganfâk an tawng lai. Jerusalem do ding hen laikulh phun zawzawng thu anna rual lai.

NUMBER 24:14

Balaam nih Balak sinah, “Tuah ka in leiah ka mi le sinah ka kîr awt rawh le, sikhawmsele ka kal lânah Israel mi tla nih na mi le tla mâilei ah an ti na ding mi dân zei asi, ka nan simh lai,” a ti.

NUMBER 24:9

Chu phun chu chakeibaknei chak tak hâwi asi le, A it liauah âukhawm nih an thawh ngam lo. Âuzawng Israel malsâwmtu chu malsâwm hen a um lai le, Âuzawng Israel siatbarhtu chu siatbarh asi bâk lai,” a ti.

DEUTERONOMY 30:8

tusûn ni ah ka nan pêk na mi a thupêk zawzawng tla hi nan zûl hen nan kil lai rawh.

DEUTERONOMY 7:15

LALPA nih damlonâk zawzawng lakah an vêng na lai le, Aigupta ram ah nan muh rawh mi râi ṭihnungkâi rerêng nan lakah a tlungtir lai lo, nan mêlma tla zawzawng tlûnah a tlungtir dauh lai.