DEUTERONOMY 30:3 - Bawm Common Language Bible Version

³ LALPA nan Pathian nih nan lakah khua a ruat lai. A nan rek na nâk phun lakah mi chu an kîrpi nawlh na lai le, sul-le-lam tluang tak hen an siam nawlh na lai.

DEUTERONOMY 30:3 ပူးပေါင်းရင်းမြစ်များ

GENESIS 28:15

Na kalnâk zawzawngah na sinah um hen ka nan kilkâwi lai, hi ram ah hin ka nan kîrpi nawlh lai. Thu ka nan tiamh mi zawzawng a tling lânlo chu ka nan kaltâk lai loh,” ti hen.

GENESIS 48:21

Churawhchun, Jakob nih Josef sinah, “Na ka muh hâwi hen, ka thih a nâi rawh le, Pathian chu na sinah a um lâi le, an thlâk natu nan pu umnâk leiah an kîrtir nawlh na lai.

1 CHRONICLES 16:35

“Pathian, ruang hawng kan suahtu, hawng kan hum rawh, Phun tla lakah mi hawng kan pumh nawlh. Na min thenhlimh chu sawr hen lâwmthu kan sim khonâk ding hen,” ti u.

NEHEMIAH 1:9

Sikhawmsele, ka sinah nan hawng kîr nawlh hen thu ka nan pêk na mi tla hâwi hen thil nan ti chun, keimah nan ka sawnhnâk mun ding ka thîm mi mun ah tual dawnghnâk ah rekrâwi hen um rawh menza khawm ule, ka nan kîrpi nawlh na lai, na ti mi kha.’

JOB LASUIBU 42:10

Churawhchun, Job nih a hâwi pathum rangah thla a cham piak na le, LALPA nih sul-le-lam tluangnâk alân ngâk hen a lehnih hen a pêk nawlh.

SAM 107:3

ramdang thawk hen saklei mi leh thlanglei mi, marlei mi leh simlei mi a nan kîrtir nawlh na.

SAM 147:2

LALPA nih Jerusalem chu a dirh nawlh le, saltâng tla chu a kîrtir nawlh na.

ISAI 27:12

Chu ni ah chun, LALPA nih a mi tla chu Eufretis tiva thawk hen Aigupta ramri tiang hen, pakhat khat hen a pumh na lai le, âunih mawh a fâng leh a hî a thlei mi hâwi hen.

ISAI 43:5

Na sinah ka um, lâu lah! “Saklei lât tak thawk hen leh thlanglei mun lât chemnâk thawk hen na mi tla chu in leiah ka tlungpi na lai.

ISAI 54:7

“Sâwtlotê kar chu ka nan mâk le; dâwtnâk fâk tak hen ka nan lâk nawlh lai.

ISAI 56:8

LALPA Zahkâi, a mi Israel tla sal ah tâng mi kîrpitu nih, midang tla khawm anmah sinah hawng a fawnh ding hen a hawngpi na awt ti thu a tiamh.

JEREMIA 12:14

LALPA nih, “Israel zâwlbâwm tla, ka mi Israel rangah ka pêk na mi ram râwktu thu sim ding zeimawh ka nei. Chubang misual tla chu thil phun mi a ram phâwi zek mi hâwi hen an ram lakah mi ka lâk ving na lai le, anmah lakah mi Juda tla chu ka hum na awt.

JEREMIA 23:3

Ka mi tla ka rekrâwitir na mi ram thawk hen a um rih mi tla vial chu ka pumh na lai le, anmah ram leiah ka kîrpi nawlh na lai. Fa tam tak an nei lai le, cherkhet an zan lai.

JEREMIA 29:14

Asi, nan ka tawng lai le, nan ram ah ka nan umtir nawlh na lai. Ka nan rekrâwitir na nâk ram leh munkip thawk hen ka nan pumh na lai le, sal ah kan kal tâktir na mi ram ah kan kîrpi nawlh na lai. Kei, LALPA nih ka sim asi,’ a ti.

JEREMIA 31:10

LALPA nih, “Phun tla, ka thu ngâi u, ka thu tla chu tiva kap lât takah va phuang u. Ka mi tla chu ka rektir phin na le, sikhawmsele ka pumh nawlh na lai le, dawrâpu nih a dawrâ rual a vêng na mi hâwi hen ka vêng na lai.

LUNGFÂKNÂK 3:22

LALPA dâwtnâk leh khuaruatnâk chu tlawlh dahlo hen a um vima.

LUNGFÂKNÂK 3:32

Ngaihsia tak hen hawng kan umtir kho. Sikhawmsele, hawng kan dâwtnâk chu a fâk thlo asi ti theih chia asi.

EZEKIEL 11:17

“Churuangah, kei LALPA Zahkâi nih ka sim mi thu chu simh na. Ka rekrâwitir na mi ram ah mi chu ka pumh ver na lai le, Israel tla sinah ram chu ka pêk nawlh na lai.

EZEKIEL 36:24

Phunkip leh ram kip ah mi chu nan ram ah ka nan kîrtir nawlh na lai.

EZEKIEL 39:28

Churawhchun, ka mi tla nih kei an Pathian kasi ti an theih lai rawh. Sal ah ka kaltir na hen tuah pakhat khawm relhlo hen an ram ah ka pumh nawlh na ruangah hi hi an theih lai.

MIKAH 7:19

Kan tlûnah khua na ruat nawlh nget lai, kan sual tla chu na kê tangah na lamhbêk hen tipi tawdeng ah na siah ving lai.

ZEKARIA 10:9

Phundang tla nâwngah ka rek ver na khawmsele, ram lât takah an um khawm ah an hawng ka theihkumza lai. Anmah leh an fa tla thibang chu in leiah munkhat hen an hawng kîr nawlh lai.

ROM 11:23

Chun, Juda tla khawm chu lunglo hen an um kumza lo chun, peh hen an um lai; Pathian nih anmah tla a peh nawlh kho na asi.

ROM 11:26

Chun, Israel mi zawzawng ruangsuah hen an um ding zia chu hi hi asi: Pathian lasui thu nih, “Zion thawk hen ruangsuahtu a hawng suak lai le, Jakob thlâk tla thawk hen Pathian sunhsaklonâk a tlâutir lai.

ROM 11:31

Chu hâwi ber hen tuah chun Pathian nih khua a nan ruat na ruangah hin, khuaruatnâk nan tawng khonâk ding hen, Juda tla khawm nih Pathian thu an ngâi rawh asi hi khuaruatnâk an tawng bâk nâk ding hen.

DEUTERONOMY 13:17

Zei thil tal rawk ding hen nawmh asi mi chu mah rangah kil lah u, chu tikah LALPA nih a thinthawknâk a lêt lai le, nan lakah khua a ruat lai. A nan thlâk natu tla sinah thu a tiamh mi hâwi hen nan lakah khua a ruat lai le, a nan puatir na lai.

DEUTERONOMY 4:27

LALPA nih phundang nâwngah a nan rektir phin na lai le, chunah chun a thibang tâwmtê cho nan um lai.