DEUTERONOMY 30:2 - Bawm Common Language Bible Version

² Nanmah leh nan thlâk tla LALPA leiah nanna hawi hen nan thinlung zawzawng hen tusûn ah ka nan pêk na mi a thupêk tla hi nan zûl chun,

DEUTERONOMY 30:2 ပူးပေါင်းရင်းမြစ်များ

1 CHRONICLES 29:17

Mikip thinlung chu na nik hen na theih, mi dik tla lakah na lâwm. Zumhkâi tak leh rinhtlâk hen hi bang zawzawng hi duhtak bû hen kan pêk mi asi. Na mi tla hinah na sinah thil an pêk mi lakah anna lâwm zia chu ka muh asi.

1 CHRONICLES 29:9

Mi leh nih duhnâk nei tak bû hen LALPA sinah an pêk le, pêktu tam tak nih an pêk ruangah thungâi anna lâwm. Lalchem David khawm thungâi â lâwm bâk.

2 CHRONICLES 30:9

LALPA sinah nan hawng kîr chun nan unau sal ah put hen an um mi tla khawm anmah a lungkham na lai le, in leiah a tlungtir nawlh na lai, LALPA nan Pathian chu mi vêlnei leh khuaruat kho mi tak asi, a sinah nan kîr chun anih nih a nan pawm na lai,” ti hen.

NEHEMIAH 1:9

Sikhawmsele, ka sinah nan hawng kîr nawlh hen thu ka nan pêk na mi tla hâwi hen thil nan ti chun, keimah nan ka sawnhnâk mun ding ka thîm mi mun ah tual dawnghnâk ah rekrâwi hen um rawh menza khawm ule, ka nan kîrpi nawlh na lai, na ti mi kha.’

SAM 119:2

LALPA thupêk zûltu chu an thaw a suak e, an thinlung zawzawng hen amah ê-aw ngâitu tla chu.

SAM 119:80

Na dân thu chu rangtling tak hen zûl ding leh chu hâwi ningzakkâi tak hen neh kasi lo ding hen hawng ka siam.

SAM 41:12

Thil dik ka ti ruangah na ka ṭangpi lai le, na mâika ah chun na ka kil kumza lai.

JEREMIA 29:13

Nan thinlung zawzawng hen nan hawng ka hâwl ruangah nan ka hâwl tik chun nan ka tawng lai.

JEREMIA 3:10

Hi bang zawzawng nûnah, Juda, Israel zumhkâilo unaunu chu ka sinah hawng kîr ding a tum salam mi cho asi le; zumh a kâi lo. Kei, LALPA nih ka sim asi,” a ti.

JEREMIA 36:3

Juda mi le tla nih an tlûnah siatnâk ka tlungtir ding mi thu zawzawng an theih chun, an thilsual ti an lêt kekkawk lai mawh. Chu hâwi asi chun an diklonâk leh an sualnâk chu ka ngaihdam lai,” a ti.

JEREMIA 4:14

Jerusalem, na thinlung ah mi sualnâk chu ṭâwl rawh, na him khonâk ding hen. Zei tiang riamruam me sualnâk na dawn awt?

LUNGFÂKNÂK 3:32

Ngaihsia tak hen hawng kan umtir kho. Sikhawmsele, hawng kan dâwtnâk chu a fâk thlo asi ti theih chia asi.

LUNGFÂKNÂK 3:40

Kan umdân dawn set hen LALPA sinah kan kîr ding asi.

EZEKIEL 6:9

An thinlung ah zumhnâk nei lo hen an hawng ka kaltâk le, kei ngâk hen milem an duh dauh ruangah ka rêp na hen ningzak ka saih na mi asi ti chunah an ka theih lai rawh. Thilsual ti hen anmah niamnâk ding thil an ti ruangah anmah anna fih lai.

HOSEA 3:5

Sikhawmsele Israel mi tla chu LALPA an Pathian leiah David thlâk lakah mi an lal hawng tik a um teh lai. Churawhchun, LALPA an ṭih lai le, a thil ṭha pêk tla anna ting lai rawh.

LEVITICUS 26:40

“Sikhawmsele, nan thlâk tla hawng ka do leh heltu

ZEKARIA 12:10

“David thlâk leh Jerusalem ah midang um mi tla chu khuaruatnâk thlarau leh thlachamnâk thlarau hen ka khattir na lai. Thi thlo an sunh mi chu an zauh lai le, mi nih a fa neihlem tlûnah a lungfâk mi hâwi a lakah an lungfâk lai. An fa tîr thi mi lakah an lungfâk hâwi hen thungâi an lungfâk lai.

2 KORIN 3:16

Sikhawmsele, an thinlung chu Lalpa leiah a hawi tik zawng ah khuhnâk lâk ving asi lai rawh.

EPHESI 6:24

Kan Lalpa Jisu Krist chuai lo hen a zângfahtu zawzawng tla sinah dâwtnâk um seh.

DEUTERONOMY 13:3

an thu tla ngâi piak na lah u. LALPA, nan Pathian nih nan thinlung zawzawng hen, amah chu nan dâwt ma dâwtlo ti muh ding duh hen a nan nik na mi asi.

DEUTERONOMY 6:5

LALPA nan Pathian chu nan thinlung zawzawng hen nan thlarau zawzawng hen nan chaknâk zawzawng hen dâwt u.

1 JOHAN 1:9

Kan sual tla Pathian sinah thutluang kan vâwr chun, kan sual tla ngaihdam ding leh kanna replonâk zawzawng leh kan sual tla thiangtir ding hen, â rep hen zumh a kâi asi.