DEUTERONOMY 3:22 - Bawm Common Language Bible Version

²² Annih tla chu ṭih na rîlmâl lah, LALPA na Pathian nih a nan do piak awt asi, a ti.

DEUTERONOMY 3:22 ပူးပေါင်းရင်းမြစ်များ

2 CHRONICLES 13:12

Pathian tak chu hawng kan ruitu asi le, a bâwlpu tla khawm hinah kan sinah tâwtawrâwt hen an um le, nanmah do ding hen râltuk ding ah kawhnâk tum ding hen râlring zet hen an um. Israel mi tla, nan thlâktu tla LALPA Pathian chu do lah u! Nan neh ṭung lai lo!” a ti na.

2 CHRONICLES 20:17

Râltuknâk hi nannih nih do lo hen nan um mun ah ngâk ko u. LALPA nih nehnâk an pêk na ding mi chu nan muh lai. Nannih Jerusalem leh Juda ah mi minung tla, dâwk lah ule, ṭih lah u. Râltuk ding hen kal ule, nan sinah LALPA a um lai!” a ti.

2 CHRONICLES 20:29

Phun kip nih LALPA nih Israel mêlma tla a neh piak na mi thu an theih le, an lâu.

NEHEMIAH 4:20

Tâwtawrâwt hâu nan theih chun keimah leiah hawng a pûm hep u. Kan Pathian nih hawng kan do piak lai,” ti hen ka simh na.

SAM 44:3

Na mi le tla nih ram chu an riamnâm hen an neh mi asi lo; anmah thiltikhonâk hen an neh mi khawm asi lo. Nangmah nih na umpi na mi an theih ruangah leh na thiltikhonâk leh na chaknâk ruangah asi. Chu nih chun na dâwt na ti a zauhtir.

EXODUS 14:14

Nan rangah LALPA nih an do piak na awt, nannih nih zeikhawm nan ti ding a herh lo,” a ti.

EXODUS 14:25

An kari kê tla a tângtir piak na, churawhchun an kal a har rawh. Aigupta mi tla nih chun, “LALPA nih Israel mi tla a sanh na le, hawng kan do rawh asi. Hin ah mi hi kan suak lai!” an ti.

NUMBER 21:34

LALPA nih Mosi sinah, “Amah chu ṭih rîlmâl lah, amah nehtu ah ka nan siam lai, a minung leh a ram zawzawng khawm ka nan pêk lai. Sihon lakah na ti hawi hen Hesbon ah lâirêltu Amor lalchem lakah ti rawh,” a ti.

DEUTERONOMY 1:30

LALPA nan Pathian nih an rui na lai le, an do piak na lai; Aigupta leh ramkaro ah nan muh mi hâwi hen khan.

DEUTERONOMY 20:1

“Nan mêlma do ding hen nan kal tikah kâri tla, rang tla leh kawrsen tla, nanmah lei mi ngâk hen an tam ruang ko ah ṭih lah na u. LALPA nan Pathian Aigupta ram ah mi ruang a nan suah natu chu nan sinah a um awt asi.

DEUTERONOMY 20:4

LALPA nan Pathian chu nan sinah a hawng a tel lai le, nehtu ah a nan siam na lai, a ti ding asi.

DEUTERONOMY 3:21

“Churawhchun, Josua rangah ka simh le: Lalchem panih Sihon leh Og tlûnah LALPA nan Pathian nih a ti dân zawzawng kha na muh asi; na va rûn mi ram kip ah chu hâwi vima hen a ti lai.

DEUTERONOMY 3:23

“Chu liau chun sunhsak tak hen thla ka cham le,

JOSUA 10:42

Josua nih veikhat rûnnâk ah lalchem zawzawng leh a ram tla a lâk hep, LALPA, Israel Pathian nih Israel tla ruangrûl ah a do piak na ruangah.

JOSUA 23:10

Nan lakah pakhat khawm nih chun minung sâng khat tektirtu nan um lo ruangah thu a tiamh mi hâwitê hen LALPA nan Pathian nih an do piak na asi.