DEUTERONOMY 3:21 - Bawm Common Language Bible Version

²¹ “Churawhchun, Josua rangah ka simh le: Lalchem panih Sihon leh Og tlûnah LALPA nan Pathian nih a ti dân zawzawng kha na muh asi; na va rûn mi ram kip ah chu hâwi vima hen a ti lai.

DEUTERONOMY 3:21 ပူးပေါင်းရင်းမြစ်များ

SAM 9:10

LALPA, a nan theihtu nih chun a nan zumh lai; na sinah hawngtu tla chu âukhawm na nar loh.

2 KORIN 1:10

Chu Pathian nih chun chu hâwi tluk a thihnâk fâk tak lakah chun ruang hawng kan suah rawh le, ruang hawng kan suah lai; ruang hawng kan suah vima awt ti amah lakah chun lungumnâk kan ngauh.

2 KORIN 12:10

Churuangah, Krist ruangah chaklonâk tla ah, siatnâk tla ah zirhnâk tla, nehsawhnâk tla, vânduainâk tla ka lawmh tâwn; ka chak lo kip ah asi ka chak tâwn.

EPHESI 3:20

Chun, kanmah lakah ṭuan tâwntu thiltikhonâk hâwi vima hen kan deih le, kan dawnruat zawzawng ngâk a fâk dauh tikhotu sinah,

DEUTERONOMY 3:20

Nan hâwi Israel tla chu Jordan Va thlanglei kâng ram LALPA nih a pêk na mi an luah tiang hen leh hi ram ah nan rangah LALPA nih a ti mi hawi hen thlangam tak hen an um tiang hen ṭangpi na u. Chu nûnah ram nan rangah ka nan pêk na mi ah hin nan hawng kîr kho lai,’ a ti.

DEUTERONOMY 3:22

Annih tla chu ṭih na rîlmâl lah, LALPA na Pathian nih a nan do piak awt asi, a ti.

DEUTERONOMY 7:19

Nanmah mit ngelchel hen râi ṭihnungkâi nan muh mi kha theihkumza u, thilchê ti leh thilchê tla, thiltikhonâk rokual leh chaknâk hen LALPA, nan Pathian nih an suah na mi kha theihkumza u. Chu hâwi hen Aigupta mi khawm a veih na le, tuah nan ṭih mi minung tla khawm hi a veih ver na lai.

JOSUA 10:25

Josua nih hotu tla sinah, “ṭih lah ule, dâwk lah u. Tumnâk nei thlir hen zumh thlir ule, nan mêlma zawzawng lakah LALPA nih hi hâwi hen a ti na awt ruangah,” a ti.