DEUTERONOMY 3:2 - Bawm Common Language Bible Version

² Sikhawmsele LALPA nih ka sinah, Anih chu ṭih rîlmâl lah, a ram leh a minung zawzawng chu nangmah ka nan pêk awt. Hesbon lâirêltu Amor lalchem Sihon lakah na ti hâwi hen a lakah ti rawh,’ a ka ti.

DEUTERONOMY 3:2 ပူးပေါင်းရင်းမြစ်များ

2 CHRONICLES 20:17

Râltuknâk hi nannih nih do lo hen nan um mun ah ngâk ko u. LALPA nih nehnâk an pêk na ding mi chu nan muh lai. Nannih Jerusalem leh Juda ah mi minung tla, dâwk lah ule, ṭih lah u. Râltuk ding hen kal ule, nan sinah LALPA a um lai!” a ti.

ISAI 41:10

Lâu lah u, nan sinah ka um! Nan Pathian kasi, zeikhawm nih an lâutir lah na seh! Chak tak hen kan siam na lai le, kan ṭangpi na lai. Kan nan zauhkhenh na hen kan hum na lai.

ISAI 43:5

Na sinah ka um, lâu lah! “Saklei lât tak thawk hen leh thlanglei mun lât chemnâk thawk hen na mi tla chu in leiah ka tlungpi na lai.

NUMBER 14:9

LALPA tlûnah hel lah ule, chu ram ah um mi tla khawm ṭih lah na u. Awl tak hen kan neh na lai. LALPA kan sinah a um asi, anmah vêngtu pathian tla chu a neh rawh; churuangah ṭih rîlmâl lah u,” an ti.

NUMBER 21:34

LALPA nih Mosi sinah, “Amah chu ṭih rîlmâl lah, amah nehtu ah ka nan siam lai, a minung leh a ram zawzawng khawm ka nan pêk lai. Sihon lakah na ti hawi hen Hesbon ah lâirêltu Amor lalchem lakah ti rawh,” a ti.

THILTI 18:9

Chun, zân ah Lalpa nih Pawl sinah chun muhtirnâk hen, “Ṭih lah le, dâisip um lo hen thu sim vima rawh;

THILTI 27:24

‘Pawl ṭih lah, Kaisar mâika ah na dîr ding asi; chun, ngâinik, lawng lakah na sinah kal mi zawzawng tla khawm Pathian nih a nan pêk,’ hawng ka ti asi.

DEUTERONOMY 20:3

‘Israel mi tla, ngâi u! Tusûn ni ah hin râl nan tuk awt asi. Nan mêlma tla chu ṭih lah na ule, zer hen nan thin dâwk lah u.

DEUTERONOMY 3:1

“Churawhchun, marlei kângah mi Basan ram ah kanna ṭhial le, Edrei khua kiangah hawng kan do ding hen Og lalchem chu a mi tla zawzawng hen an hawng suak.

DEUTERONOMY 3:11

(Og lalchem chu Rephaim lal madung chem asi. A ruak siahnâk kuang chu lung hen siam mi asi; tahnâk dân hâwi hen feet leili hen a sâu le, feet ruk hen a lian. Amon khuapi Rabah ah muh kho asi nget rih.)

DEUTERONOMY 3:3

“Churawhchun, LALPA nih Og lalchem leh a mi tla khawm kanmah thu thu hen a siah rawh, kan thah hep na.

JOSUA 10:8

LALPA nih Josua sinah, “Annih tla chu ṭih lah na. Nehtu sinâk ka nan pêk ving rawh. Nangmah do hen âukhawm an dîr kho lai lo,” a ti.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.