DEUTERONOMY 28:9 - Bawm Common Language Bible Version

⁹ “LALPA nan Pathian aw-ân nan ngâi hen thupêk zeizawng nan ti chun, thu a tiam rawh hâwi hen amah mi tak ah a nan siam na lai.

DEUTERONOMY 28:9 ပူးပေါင်းရင်းမြစ်များ

GENESIS 17:7

“Zungzâl thudântuk hâwi hen na sinah leh na thlâk tla hi nûnah um ding mi sinah ka thutiam chu ka theihkumza lai. Na Pathian kasi lai le, na thlâk tla Pathian khawm kasi lai.

SAM 87:5

Zion thu chu phun zawzawng umnâk leh zeizawng tikhotu nih a chaktir mi ti hen sim asi lai.

EXODUS 15:26

“Thudik ka ruat mi leh ka thupêk nan zûl hep chun Aigupta tlûnah râi ka tlungtir mi hen kan rêp na lai loh,” a ti. “Kei, LALPA, a nan damh natu kasi,” a ti.

ISAI 1:26

A lânah mi hâwi hen simhtu leh lâirêltu ka nan pêk lai. Churawhchun, Jerusalem chu khuapi rep leh zumhkâi asi, an ti lai,” ti hen.

ISAI 62:12

“Pathian mi thenhlimh” “LALPA nih ruang a suah na mi tla,” ti nan si lai. Jerusalem chu “Pathian dâwt mi khuapi,” “Pathian nih a kaltâk lo mi khuapi” ti asi lai.

JEREMIA 11:5

Churawhchun, an thlâktu tla sinah tuah an umnâk ram neihnâk leh ram ṭha ka pêk na mi lakah ka thutiam chu ka theihkumza lai,” a ti. Chun, kei nih, “Asi, LALPA,” ka ti.

DEUTERONOMY 13:17

Zei thil tal rawk ding hen nawmh asi mi chu mah rangah kil lah u, chu tikah LALPA nih a thinthawknâk a lêt lai le, nan lakah khua a ruat lai. A nan thlâk natu tla sinah thu a tiamh mi hâwi hen nan lakah khua a ruat lai le, a nan puatir na lai.

DEUTERONOMY 7:6

LALPA nan Pathian tâ nan si ruangah hi bang tla hi ti u. Tual tlûnah minung zawzawng lakah mi a bîk hen amah minung siding hen an thîm na mi nan si.

DEUTERONOMY 7:8

Sikhawmsele LALPA nih an dâwt na le, an thlâk natu sinah thu a tiamh mi zûltu siding hen an duh na. Churuangah asi, Aigupta lalchem sal nan si mi a chaknâk hen ruang an suah na mi chu.

2 THESALONIKA 3:3

Sikhawmsele, Lalpa chu zumh a kâi anih nih chun an chaktir na hen misual lakah chun an hum na lai.

TITA 2:14

Anih nih chun buarnâk zawzawngah hawng kan tlanh khonâk ding hen leh phun thîm bîk, thil ṭha ti hen semsêngâi, amah rangah a thenhlimhtir khonâk ding hen, kan ruangrûl ah â pêk kha.

1 PETER 5:10

Chun, Pathian zângfahnâk zawzawng a zungzâl rokualnâk ting ding hen Krist, a nan kawh natu nih chun sâwtlotê nan tuar nûnah siam rangtling hen, birhtir hen, a nan chaktir na lai.