DEUTERONOMY 26:2 - Bawm Common Language Bible Version

² mikip nih nan thlâi thar kawk lakah Pathian rangah voh masa chem mi siah ule, Pathian sawnhnâk mun pakhat ah nan kalpi ding asi.

DEUTERONOMY 26:2 ပူးပေါင်းရင်းမြစ်များ

2 Lal 4:42

Hun dangah minung pakhat Baal Salisah thawk hen a hawng le, Elisa rangah sangtlêp kul, fathar ât masa chem mi hen siam mi leh fâng a vûi masa chem mi a hawng put. Elisa nih a to-aw sinah, “Khuavâng murui rangah hi hi ei ding hen pêk na,” a ti.

2 CHRONICLES 31:5

Chu thupêk chu pêk an si kâ hen, Israel mi tla nih an fâng ṭha chem, uain oliv sariak, khuaitizû leh lo ah thilsuak dang leh an neih zawzawng lakah parâ lû pakhat tla an pêk.

2 CHRONICLES 6:6

Sikhawmsele tuah Jerusalem mun chu keimah sawnhnâk mun ding ah ka thîm le, David chu ka mi le lakah lâirêltu ah ka thîm asi.’ ”

NEHEMIAH 12:44

Chu liau chun Biakin rang ding ah khawlh mi parâ lû ah pakhat fâng thar leh thingthei rah min kum siar khawlh mi tla siahnâk mun hotu rang ding ah mi tla ruat an si. Chubang minung tla chu khuapi kiangah phâisen lakah mi bâwlpu leh Levi tla rangah Dân nih a herh a ti mi hâwi hen khawlhtu rang ding ah pêk an si. Juda mi zawzawng chu thenhlimhnâk leh Pathian nih thu a pêk mi hâwi hen an timhtuah ruangah,

NEHEMIAH 13:31

A tiktê ah thil ap duahnâk thing hawng put ding hen ka ruat le, mi nih an fâng thar rah min masa chem mi hawng put ding hen ka ruat piak na. Pathian, hi bang zawzawng hi theihkumza le, hi ruang hin thangṭhatnâk hawng ka pêk rawh.

EXODUS 20:24

Ka rangah valei hen mâichâm siam ule, a tlûnah bâwlnâk, dawrâ leh ranrual duah hep mi a tlâinâk thil ap pêk u. Mun kip ah nan ka sawnhnâk ding hen ka ruat mi mun ah chun nan sinah ka hawng lai le, mal kan sâwm na lai.

EXODUS 22:29

“Pêk ding liauah na uain, na fâng, na oliv sariak tla ka sinah hawng pêk rawh. “Nan fapa tîr tla hawng ka pêk u.

EXODUS 23:16

“Fângzûn nanna dawmh awt chun Fângzûn Kût ulh u. “Nan dûm lakah mi grep rah tla leh theirah dang tla khawk ule, Pâwltlâk Kût ulh u.

EXODUS 23:19

“Kum siar hen LALPA, nan Pathian in ah rah masa nan kawih mi nan hawng put ding asi. “Dawrâ fa mawh kêl fa mawh a nu nûk hâng hen nan suang ding asi lo.

EXODUS 34:26

“Kum siar hen nan fa thar LALPA in ah nan hawng put ding asi. “Dawrâ fa mawh kêl fa mawh a nu nûk hâng hen suang lah u,” a ti.

JEREMIA 2:3

Israel, keimah tâ cho na si; keimah neih thenhlimh na si. Nangmah nganfâk an pêktu tlûn kip ah tuarnâk leh siatnâk ka tlungtir. Kei, LALPA nih ka sim mi asi,” a ti.

EZEKIEL 20:40

Chu ram ah mi ka tlâng thenhlimh ah, Israel tlâng sâng ah, nannih Israel mi zawzawng nih nan hawng ka sawnh lai rawh. Nan lakah ka lâwm lai le, bâwlnâk tla, nan thil ap ṭha chem tla, nan thilpêk thenhlimh tla, nan ka pêk ding mi lakah lungumnâk ka nei lai rawh.

EZEKIEL 44:30

Bâwlpu tla nih, rah masa chem lakah a ṭha chem mi zei thil tal keimah rangah an ap mi chu anna ting ding asi. Mi tla nih sang an em kip ah sang tlang masa chem chu bâwlpu tla an pêk lai le, an in sungah ka malsâwmnak a um lai.

EZEKIEL 48:14

LALPA rangah ap mi mun chu ram pumpi ah a ṭha chemnâk asi lai le, chu mun chu âu sin khawm ah zuar mawh, thleng mawh ṭhial kho asi lai lo. LALPA rangah thenhlimh hen amah vo asi ruangah.

LEVITICUS 2:12

Kum siar hen fa thar ât masa chem mi chu LALPA sinah nan pêk ding asi, mâichâm lakah lam chun duah ding asi lo.

LEVITICUS 2:14

LALPA sinah fathar nan ât masa chem mi nan ap tikah, rêu mi mawh rial mi mawh nan ap ding asi.

ROM 11:16

Chun, sang sêu masa mi chu a thenlimh chun a tlang khawm chu hâwi a thenlimh asi, chun a ram chu a thenlimh chun ṭeng tla khawm chu hâwi ber asi.

ROM 16:5

An in ah kawhmi tla anna pûm mi tla chu chibai hawng ka bûk piak na ber u. Ka duhtak Epainita, Asia ram ah Krist lung masachemtu kha chibai hawng ka bûk piak u.

ROM 8:23

Chu cho asi lo, kannih ngelchel khawm Thlarau Pathian thilpêk nei masatu nih hin, fa kan sinâk, kan taksa tlanhnâk chu ngâk hen, kannih ngelchel khawm kan thinlung hen kan rûm bâk.

1 KORIN 15:20

Sikhawmsele, Krist chu mithi lakah mi thawh hen a um tatak asi, hi hi asi a birhnâk chu mithi zâu rawh mi tla khawm an thawknawlh awt asi.

1 KORIN 15:23

Sikhawmsele, mah tik chiau vima ah, Krist chu thawhnâk mâitâwntu asi le, chu nûnah a hawng kal nawlhnâk ah Krist tâ tla chu.

1 KORIN 16:2

Ni sarih ni masa chem ah chun mikip nih malsâwmnâk nan tawng hâwi vima hen khawng chiau ule, ka hawng kal tikah thawhlâwm khawlh rerêng a um lonâk ding hen.

DEUTERONOMY 16:10

Fângzûn Kût ulh u, LALPA nan zahnâk ding ah malsâwmnâk an pêk na mi mah duh thu a thil ap tla a sinah put u.

DEUTERONOMY 18:4

An vo anna ting masa chem ding mi chu fâng, uain, oliv sariak leh samul tla asi.

DEUTERONOMY 26:1

“LALPA nan Pathian nih an pêk na mi ram nan luah hen chunah nan va um tikah chun,

DEUTERONOMY 26:3

Chu liauah bâwlpu si mi sinah va kal ule, a sinah, ‘Hawng kan pêk ding hen hawng kan thlâktu tla sinah a tiamh mi ram ah tuah ka lût rawh ti LALPA ka Pathian sinah ka theihtir asi,’ nan ti ding asi.

JEM 1:18

Amah duhzia hâwi hen thudik ah hawng kan ring le, a thilsiam zawzawngah mun masa chem kan luah khonâk ding hen.

JOSUA 18:1

Ram an lâk thluh ver nûnah chun, Israel mi zawzawng chu Siloh ah anna pûm le, chunah LALPA umnâk puanin an zâr.

THUPHUANG 14:4

Chubang tla chu nunau lakah â nawmh lo mi tla an si; nungâk thenhlimh hâwi an si, Dawrâ Fa kalnâk kip ah zûltu tla an si, Pathian rangah leh Dawrâ Fa rangah rah masa chem siding hen minung tla lakah mi tlanh an si.