DEUTERONOMY 26:17 - Bawm Common Language Bible Version

¹⁷ Tusûn ni ah hin LALPA chu nan Pathian asi tih nan theihtir le; a thu ngâi ding hen, a dân tla zûl ding hen leh a thupêk zawzawng ti ding hen thu nan tiamh rawh asi.

DEUTERONOMY 26:17 ပူးပေါင်းရင်းမြစ်များ

GENESIS 28:21

chun, ka pa in leiah damtê hen ka hawng kîr asi chun nang chu ka Pathian na si lai.

2 CHRONICLES 34:31

A lal umnâk mun ah chun a dîr le, LALPA sinah a thu ngâi ding leh a thinlung zawzawng leh a thlarau zawzawng hen a dân thu leh a thupêk zûl ding hen thudântuk a siam, chu lasuibu ah thutiamnâk a nei mi zawzawng chu mang rawh ding hen.

SAM 48:14

“Hi Pathian hi zungzâl kan Pathian asi; tik a hawng tlung ding mi zawng lakah hawng kan rui lai,” ti hen.

EXODUS 15:2

LALPA chu hawng ka vêngtu chak tak asi; amah chu ruang hawng ka suahtu asi. Amah chu ka Pathian asi, ka sawr lai; ka pa Pathian asi, rokualnâk la ka sak lai.

EXODUS 19:8

Churawhchun, mi zapi tla chu a rual hen an sâng le, “LALPA nih a sim mi zawng chu kan ti lai,” an ti. Chun, Mosi nih LALPA sinah a lanh rawh.

EXODUS 20:19

Mosi sinah, “Nangmah nih kan sinah thu sim le, kan ngâi lai; sikhawmsele Pathian nih kan sinah thu a sim mi chu kan ṭih, kan thi lebang lai,” an ti.

EXODUS 24:7

LALPA thupêk rînnâk thudântuk bu chu a lâk le, hâu fâk tak hen zapi tla sinah a rêl. “LALPA nih thu hawng kan pêk mi chu kanna awi hen kan ti ver lai,” an ti.

ISAI 12:2

Pathian chu ka ruangsuahtu asi le; amah chu ka zumh lai le, ka ṭih lai lo rawh. LALPA nih thiltikhonâk leh chaknâk hawng ka pêk le; amah chu ka ruangsuahtu asi.

ISAI 44:5

“Pakhat khat hen mi tla nih LALPA tâ kasi’ an ti lai le, Israel mi tla sinah a fawnh ding hen an hawng lai. Mikip nih an bân ah LALPA min singsiahnâk an siam lai le, LALPA mi tla lakah pakhat kasi an ti lai,” a ti.

ZEKARIA 13:9

Churawhchun, a mun thumnâk a thibang chu mei nih tangka a thiangtir mi hâwi hen ka thiangtir lai. Ngûn nik mi hâwi hen ka nik na lai. Churawhchun, ka sinah thla an cham lai le, ka sâng na lai rawh. Ka mi le an si ti ka simh na lai le, annih khawm nih kan Pathian na si an hawng ka ti bâk lai rawh,” a ti.

THILTI 27:23

A tâ kasi le, ka sawnh tâwn mi Pathian nih a vânmifial pakhat tuzân ah hin ka kiang ah a hawng dîr le, ka sinah,

ROM 6:13

Nan taksa ṭeng tla khawm replonâk ruakhâu rang ding ah sualnâk ah pêk siang lah u; khawmsele, mithi lakah mi nung nawlh hâwi hen Pathian sinah a pêk ule, nan taksa ṭeng tla khawm chu repnâk ruakhâu rang ding ah Pathian sinah pêk siang dauh u.

2 KORIN 8:5

Chu khawm chu kan ruat lo hâwi tak hen an ti le, Pathian duhzia hen anmah tak Lalpa sinah leh kanmah sinah anna pêk masa ta rih asi.

DEUTERONOMY 13:18

Tusûn ni ah thu ka nan pêk na mi zawzawng hi nan zûl hen a nan ngiar na mi tla nan ti mi asi chun.

DEUTERONOMY 15:5

Tusûn ni ah thu ka nan pêk na mi hi thiamthih tak hen nan zûl hen, a lakah ê-aw nan ngâi chun pakhat khawm nan pâm lai loh.

DEUTERONOMY 27:10

churuangah a thu ngâi ule, tusûn ni ah a dân tla ka nan pêk na mi zawzawng kil u,” an ti.

DEUTERONOMY 29:12

Tusûn ah hinah hin LALPA nih a nan tiamh na mi thudântuk lakah chun lût ding nan si rawh le, ngelchel hen nan pawm ding asi,

DEUTERONOMY 30:16

LALPA nan Pathian thupêk tusûn ah ka nan pêk na mi hi nan zûl chun, nan dâwt hen a thu nan ngâi hen a dân zawzawng nan kil chun nan sul-le-lam a tluang lai le, minung tam tak mi phun nan si lai. Nan va luah ding mi ram ah LALPA nan Pathian nih mal an sâwm na lai.

JOSUA 22:5

Mosi nih dân a nan pêk na mi chu zûl ding hen theihkumza ule; LALPA, nan Pathian chu dâwt ule, a duhzia hen thil ti u, a thupêk tla zûl ule, a lakah zumhkâi hen um u, nan thinlung leh nan thlarau zawzawng hen a nâwl zulh u,” a ti.

JOSUA 24:22

Josua nih an sinah, “LALPA rianṭuan ding nan thîm mi lakah nan ti tatak mi asi le silo thu ah nanmah kha theihtu si chawlh u,” a ti. “Si seh ” an ti le “Theihtu kansi” an ti.