DEUTERONOMY 26:14 - Bawm Common Language Bible Version

¹⁴ Ka ulh liau khawm ah chu lakah mi zeikhawm ka ei lo; dân ah thianglo hen ka um khawm ah ka in ah chu lakah mi zeikhawm ka lâk lo; mi thi rangah thil ap ah chu lakah mi zeikhawm ka pêk lo. LALPA, na thu ka ngâi le; parâ lû ah pakhat thu ah na thupêk hâwi hen ka zûl ver.

DEUTERONOMY 26:14 ပူးပေါင်းရင်းမြစ်များ

SAM 106:28

Peor ah Pathian mi tla chu Baal sawnhnâk ah anna tel le, nungnâk nei lo an pathian tla sinah bâwlnâk sa tla an ei.

SAM 18:22

A dân zawzawng ka zâwt le, a thupêk chu ka êl lo.

JEREMIA 16:7

Dâwt mi thih liauah chun thla va ngamh ding hen âukhawm a ei hen a dinpi lai lo. Nu leh pa nih thihtâk mi tla âumawh rang khawm ah an zângfahnâk an langh lai lo.

EZEKIEL 24:17

Na phu-ûk hâu khawm theih hen um lah seh. Na lungfâknâk zauhtir ding hen na lû karo leh kê karo hen kal lah. Na mêl khuh lah le, mi lungfâk tla nih an ei mi buh khawm ei lah,” a ti.

HOSEA 9:4

Ramdang ah chun LALPA sinah uain tla an ap kho lai lo rawh le, a sinah bâwlnâk tla an ap kho lai lo rawh. Thih ni ah mi buh hâwi hen an ei mi chu a nâwm lai, an sungvâng rehtirnâk cho asi lai le, LALPA Biakin ah lam chun zeikhawm pêk ding mi zât asi lai lo.

LEVITICUS 21:1

LALPA nih Mosi chu Aron thlâk bâwlpu tla sinah thu sim ding hen thu a pêk. “Bâwlpu âukhawm nih dân hâwi hen a unau tla thi mi vûinâk lakah tel hen â nâwmtir ding asi lo;

LEVITICUS 21:11

Ka sinah pêk asi rawh le, amah chu â nâwmtir ding asi lo; ka puanin thenhlimh nâwmtir ding hen mithi umnâk in ah a lût ding asi lo, amah nu leh amah pa tak sikhawmsele.

LEVITICUS 7:20

Sikhawmsele â thenhlimh lo mi nih a ei chun Pathian mi ah ngaih asi lai lo.

MALAKI 2:13

Hi hi thil dang nan ti mi chu asi, a sinah thil ap nan put mi tla a pawmlo rawh ruangah LALPA mâichâm chu mitthli tlâk leh ṭap bû hen nan thlûk rel.

DEUTERONOMY 13:5

Aigupta ram ah sal nan sinâk ah mi an suah natu lakah heltu, mang simhfiangtu mawh, khuavâng mawh si mi âutal nan thah na ding asi. Chubang hâwi minung tla chu misual, LALPA nih um ding dân thu an pêk na mi lakah mi chu pial tâk ding hen an awt natu an si. Chu sualnâk lakah mi chu nan suak khonâk ding hen anmah tla chu nan thah na ding asi.

DEUTERONOMY 15:5

Tusûn ni ah thu ka nan pêk na mi hi thiamthih tak hen nan zûl hen, a lakah ê-aw nan ngâi chun pakhat khawm nan pâm lai loh.

DEUTERONOMY 16:11

Nan khua ah um mi tla numei, ngâkṭah, ramdang minung, Levi tla, nan fa leh to-aw tla hen, munkhat dut hen lâwm bû hen LALPA mâika ah um u. Hi hi sawnhnâk mun pakhat ah ti u.

DEUTERONOMY 26:13

Hi bang hi nan ti tikah LALPA sinah, ‘Hi parâ lû ah pakhat thenhlimh zeikhawm ka in ah ka mâk lo; Levi tla, ramdang minung tla leh numei tla rangah nangmah nih thu na ka pêk hâwi hen ka pêk na. Parâ lû ah pakhat leikângah zeikhawm philh leh zûl lo ka nei lo.

DEUTERONOMY 26:15

Vân ah na umnâk thenhlimh thawk hen na mi Israel tla rangah hawng zauh na le, malsâwm na rawh; hawng kan thlâktu tla rangah thu na tiamh mi hâwi hen ram ningno leh neihnâk na hawng kan pêk mi hi malsâwm rawh,’ nan ti ding asi.