DEUTERONOMY 26:10 - Bawm Common Language Bible Version

¹⁰ Churuang chun thlâi thar hawng ka pêk mi vo masa chem tuah LALPA sinah ka hawng pêk asi,’ na ti ding asi. “Churawhchun, kawk chu LALPA mâika ah toh ule, chunah chun sawnh u.

DEUTERONOMY 26:10 ပူးပေါင်းရင်းမြစ်များ

1 CHRONICLES 29:14

“Kei leh ka mi tla nih kan thil zeikhawm kan pêk lo khawmsele, thilpêk zawzawng chu nangmah thawk hen mi asi. Na tâ lîlâ kha nangmah rangah kan pêk nawlh asi.

SAM 22:27

Phun zawzawng nih LALPA chu an theihkumza lai. Laikulh mun kip ah mi chu amah leiah an hawng a hawi lai. Chi kip nih amah an sawnh lai.

SAM 22:29

Mi zûm tla chu a sinah an kûn lai; thikho mi minung zawzawng a mâika ah an kûn lai.

SAM 86:9

Phun zawzawng na siam na mi chu an hawng lai le, na sinah kûn hen na rokualnâk an sawr lai.

SAM 95:6

Hawng ule, amah sawnh hen kan kûn lai; Hawng u, kan LALPA hawng kan siamtu mâika ah kan siksidîr lai!

EXODUS 22:29

“Pêk ding liauah na uain, na fâng, na oliv sariak tla ka sinah hawng pêk rawh. “Nan fapa tîr tla hawng ka pêk u.

EXODUS 23:19

“Kum siar hen LALPA, nan Pathian in ah rah masa nan kawih mi nan hawng put ding asi. “Dawrâ fa mawh kêl fa mawh a nu nûk hâng hen nan suang ding asi lo.

THUFING LASUIBU 10:22

LALPA malsâwmnâk nih asi a nan neitir mi chu. Tha fâk tak rianṭuan nih an neitir khun lai loh.

THUFING LASUIBU 3:9

Na ram ah mi thil ṭha chem a hawng suak mi zawzawng chu pêk hen LALPA zah rawh.

ISAI 66:23

Thla Thar Kût ni leh Dinhni kip ah phun kip mi tla Jerusalem ah keimah sawnh ding hen an hawng lai,” LALPA nih a ti.

ROM 2:1

Churuangah, ka hâwi tla, midang tla tlûnah lâi nan rêl mu? Mi âutal si khawm ule, ngaihdamnâk rerêng nan nei lo. Midang lâi nan rêl liauah chu hâwi thil an ti mi tla hâwi nan ti bâk tâwn ruangah nanmah leh nanmah nanna mawhtir asi.

1 KORIN 10:31

Chun, nan ei khawm ah, nan din khawm ah, nan ti mi kip ah khawm Pathian rokualnâk ding ver hen ti u.

DEUTERONOMY 18:4

An vo anna ting masa chem ding mi chu fâng, uain, oliv sariak leh samul tla asi.

DEUTERONOMY 26:17

Tusûn ni ah hin LALPA chu nan Pathian asi tih nan theihtir le; a thu ngâi ding hen, a dân tla zûl ding hen leh a thupêk zawzawng ti ding hen thu nan tiamh rawh asi.

DEUTERONOMY 26:2

mikip nih nan thlâi thar kawk lakah Pathian rangah voh masa chem mi siah ule, Pathian sawnhnâk mun pakhat ah nan kalpi ding asi.

DEUTERONOMY 26:4

“Bâwlpu nih nan kawk chu nan sinah mi a lâk lai le, LALPA nan Pathian mâichâm mâika ah a siah lai.

DEUTERONOMY 8:18

Nei ding hen thiltikhonâk a nan pêk natu chu LALPA nan Pathian asi ti theihkumza u. A nan thlâk natu sinah thu a tiamh mi lakah tusûn ni tiang hen zumh a kâi ruangah hi hi a ti mi asi.

THUPHUANG 22:9

Chun, anih nih chun ka sinah “Hi hâwi hen ti lah, kei chu nangmah leh na unau khuavâng tla leh hi lasuibu thu zûltu tla hâwi hen to-aw kasi bâk, Pathian sawnh dauh rawh,” a ti.