DEUTERONOMY 24:6 - Bawm Common Language Bible Version

⁶ “Midang rangah thil zeimawh na pûktir chun, fângrialnâk lung sungkam ah lâk piak lah. Chu thil chu dâwngsung rangah nungnâk buh timhtuahnâk lâk piak ving mi hâwi asi.

DEUTERONOMY 24:6 ပူးပေါင်းရင်းမြစ်များ

GENESIS 44:30

Juda nih a thusim chu a pehpar vima rih le, “Pu, tuhin, hi kan naupa lo hen ka pa sinah ka kîr mi asi chun ka sinah a tlung bâk lo mi a muh kâ hen a thi chawlh ding ko rawh. A nungnâk chu chu ngâksia nungnâk hen â tlâi mi asi le, a tar tuktarâi ruangah kan ngaihsiat tirnâk nih a thah lai.

JOB LASUIBU 22:6

Na unau nih na sinah tangka â bat mi rulh nawlh ding mi ruangah a nipuan tla na lâk piak le, ruk leh aih ding zeikhawm na siah piak lo.

MATHAI 24:41

Nunau panih fâng rialnâk ah chun fâng rial hen an um lai le, pakhat chu kalpi ving hen a um lai le, pakhat chu mâk hen a um lai.

LUK 12:15

Chun, an sinah, “Thiamthih ule, ngarhnâk rerêng lakah chun a vêng u, neih leh siah hi minung dam san asi lo,” a ti.

DEUTERONOMY 20:19

“Khuapi lâk ding nan awt chun nan hual mi sâwt ual khawm ule, thing thei tla hâu lah u. A rah chu ei ule, a kûng chu hâu lah u; thing tla chu nan mêlma an si lêm lo.

DEUTERONOMY 24:5

“Mi, nupi a nei ka hen kawrsen rianṭuan mawh zatlâng rianṭuan ah rêlsih ding asi lo; kum khat chu rianṭuan awlh ding asi, in ah a nupi hen lâwm tak an um kho ding hen.

DEUTERONOMY 24:7

“Âuzawng mah Israel phun lakah mi a fîr hen sal ah a siam hen mawh sal ah zuartu chu thah ngelchel ding asi. Hi hâwi hen chubang thilsual tla chu nan veih ding asi.

THUPHUANG 18:22

Chun, ṭingṭang tumtu tla, zeilo tum thiam tla, theikhang tumtu tla, tâwtawrâwt tumtu tla nih an tum mi, rihâu khawm nâ lakah an theih lai lo rawh; zungthiam rerêng na lakah an muh lai lo rawh, fângrialnâk rihâu khawm na sungah an theih lai lo rawh;