DEUTERONOMY 23:7 - Bawm Common Language Bible Version

⁷ “Edom mi tla lam chu zauhnawmh lah na u; nan rualsia tla an si ruangah. Aigupta mi tla chu zauhnawmh lah na u; an ram ah veikhat nan um rawh asi.

DEUTERONOMY 23:7 ပူးပေါင်းရင်းမြစ်များ

GENESIS 25:30

Jakob sinah, “Buh ei lo hen ka um asi; kha zei lo sen chiar mi kha hawng ka pêk,” a ti. (Churuangah asi a min ah Edom an ti san chu.)

GENESIS 46:7

Chubang tla chu, a fapa tla, a tupa tla, a fanu tla leh a tunu tla an si.

GENESIS 47:12

Josef nih, a pa leh a unau tla, a pa dâwngsung a lian a mê rang ding hen buh a pêk na.

GENESIS 47:27

Israel fa tla chu Aigupta ram sung Gosen ram ah an um le, chunah chun thungâi an nei le, fa tam tak an nei rawh.

GENESIS 47:6

Aigupta ram chu an ram asi rawh. Ram ṭha chemnâk Gosen ram ah umtir na. Chun, an lakah mi thiltikho dauh an um châng chun, keimah ranrual tlûnah hotu ah siam na,” a ti.

1 Lal 11:25

Solomon dam sung zawzawng chu Israel tla mêlma asi.

Ezra lasuibu 9:12

Chu ram ah chun kan thlâk tla lâwm tak hen um kumza ding kan duh asi chun, chubang mi tla hen nupi pasal a umh lo hen anmah tla vânṭhatnâk ding hen kan bawp hen kan ṭangpi na ding asi lo ti hawng kan simh.

SAM 105:23

Jakob chu Aigupta ram ah a kal le, chunah chun a va um rawh.

EXODUS 22:21

“Ramdang mi minung nehsawh hen nauneh lah; Aigupta ram ah ramdang mi nan si mi kha theihkumza u.

EXODUS 23:9

“Ramdang mi chu nehsawh lah, Aigupta ram ah ramdang mi na va si rawh ruangah ramdang mi umzia na theih rawh.

LEVITICUS 19:34

Nanmah Israel mi tla hâwi hen zauh na u, nanmah nanna dâwt mi hâwi hen dâwt na u. Aigupta ram ah nan um liauah ramdang mi nan si mi kha theihkumza u. Kei, LALPA nan Pathian kasi.

MALAKI 1:2

LALPA nih a mi tla sinah, “Ka nan dâwt kumza na asi,” a ti. Sikhawmsele annih nih an sâng le, “Kan rangah na kan dâwt mi zei hâwi hen na langh?” an ti. LALPA nih a sâng le, “Esau leh Jakob chu unau an si le, sikhawmsele Jakob leh a thlâk tla chu ka dâwt na.

NUMBER 20:14

Mosi nih Kades thawk hen Edom lalchem sinah mi a fial. “Hi thuchah hi nangmah chi-leh-kuang Israel phun tla thawk hen mi asi. Thil harsa kan tuar mi khawm na theih,

DEUTERONOMY 10:19

Churuangchun ramdang minung tla chu dâwt na ule, nannih khawm veikhat Aigupta ram ah nan va um bâk rawh ruangah.

DEUTERONOMY 23:8

An thlâk tla chu san thumnâk thawk hen LALPA mi lakah telh kho an si.