DEUTERONOMY 22:8 - Bawm Common Language Bible Version

⁸ “Inthar nan sak tikah in tlûn dâi nan siam ding asi. Mi âumawh chunah tlasual hen thi na khawmsele, nan mawhlonâk ding hen.

DEUTERONOMY 22:8 ပူးပေါင်းရင်းမြစ်များ

2 SAMUEL 11:2

Nikhat chu sûnnilei zâu ah David chu a thawk le, a in tlûnah a va kâi, a kâi liau chun nunau tak â khawlh mi a muh, chu nunau chu thungâi a mêlṭha.

EXODUS 22:6

“Mi nih a phâisen a duah hen bua nâwngah mei a tlân hen midang phâisen ah mi a thil chîng tla, a kho liau mi mawh a ât rawh mi mawh a khangh hen a râwk chun, chu minung mei thlahtu nih a râwk mi vial chu a rulh ding asi.

ISAI 22:1

Hi hi Tivakuam ah Muhnâk thu ah thuchah asi. Zei a hawng tlung? Zei rangah khuapi minung tla nih in tlûnah zei lâwmnâk me an mang?

JEREMIA 19:13

Jerusalem a mi in tla, Juda lalchem in tla, ârfi sawnhnâk ding hen a in tlûnah rimthâw duahtu tla zawzawng leh pathian dang tla sinah ap hen uain tawihtu tla zawzawng chu Tophet hâwi hen an nâwm ver lai” a ti.

EZEKIEL 3:18

Misual chu a thi ding asi ka ti mi lakah, nangnih rim ding hen leh a nungnâk hum ding hen na simh lo hen misual si bû hen a thi asi chun, a thihnâk mawh chu nangmah kan phurhtir awt.

EZEKIEL 3:20

“Mi ṭha nih thilsual a hawng ti palh hen, ṭihnungkâi mun ah ka siah liauah nangnih nun na simh lo chun a thi lai. A sual ruangah a thi lai le, a thil ṭha ti chu ka theih awtlo, a thihnâk mawh chu nangmah tlûnah ka thâng lai.

MATHAI 10:27

Mûi lakah ka nan simh na mi hi chêu ah sim u; nâ ah nan theih mi hi in tlûnah a chuan hen âu u.

MARK 2:4

Chun, zapi ruangah a kiang tek ah an kal kho lo ruangah a umnâk in tlûn an siat le; chun, an pemh thluh rawh chun a tangphah chu a tlûnah mi khêng zâu bû hen an thlâk.

THILTI 10:9

Chun, a thâituan ah, an kal liauah Jopa khua kiang an tlung awt bâi ah, Peter chu thlacham ding hen nî sunh chirah, in tlûnah a kâi.

ROM 14:13

Churuangah, kanna sâwi lai lo rawh. Chu ngâk chun, âukhawm nih mah unau khamnâk mawh tlûknâk mawh siam lo a tum dauh u.

1 KORIN 10:32

Kei nih mah ṭhatnâk hâwl hen ruangsuah an si khonâk ding hen mi tam tak ṭhatvaknâk hâwl dauh hen, mi zawzawng zeizawng ah ka lawmhtir hâwitê hen, Juda tla rang khawm, Phundang tla rang khawm, Pathian kawhmi tla rang khawm an tlûk phahnâk ding rerêng zeikhawm ti lah u.

DEUTERONOMY 22:7

A fa chu nan lâk kho lai le, a pinu chu nan thlah ding asi, chu tikah nan san a sâu lai le, nan sul-le-lam a tluang lai.

DEUTERONOMY 22:9

“Phâisen munkhat ah grep leh thlâi chi dang chîng lah u; nan chîng chun grep mawh thlâi chi dang mawh a pakhat chu mang ding siang asi loh.

1 THESALONIKA 5:22

sual hâwi hen a lang mi zawzawng lakah a thliar u.

1 SAMUEL 9:25

Pathian sawnhnâk mun thawk hen khua leiah an va kal rawh chun in tlûn chuanh leiah Saul rangah ihkhun an siam piak le,